Gimpuunan 28:18 - Hanunuu

¹⁸ Maaga binmangun si Hakub. Bin-ul niya ti batu kay sinangdayan sa tunda pag yabi ag ipinatindug bilang usa ka alaala. Bag-u binuhusan niya inda lana ulibu hampay bumaliw banal.

Gimpuunan 28:18 Iomraidhean Croise

Gimpuunan 21:14

Kinaaldawan, surip waya gid nagbuul si Abraham karan-unun hanggan danum masukadan sa paknul, bag-u ipinapas-an inda sa kan Hagar. Pagkatapus, pinaighit yi ngani niya si Hagar kaibahan kay anak. Nagbaklay sida sa pangawakawaan Biirsiba balaw alam nu naan tag sida.

Gimpuunan 22:3

Nakan igu sa sunud pag sirang, surip waya gid si Abraham nantaris-ak manga kayu pamagba sa handug, bag-u ikinarga niya inda sa kay asnu. Linmakaw siya kaibahan si Isaak hanggan kay duwa ka suruguun lalaki atabug sa rugar sinabi Diyus sa kanya.

Gimpuunan 28:11

Igu mag-isalup yi ti init, nakaras-ug siya sa usa ka rugar ag ati siya pag napalipas yabi. Nagbuul siya usa ka batu ag binwat niya sangdayan sa kay magkaturug.

Gimpuunan 31:13

Aku ti Diyus ti napakakit sa kanmu ati sa Bitil, sa daga nu naan pag binuhusan nimu lana ulibu ti batu kanmu ipinatindug bilang alaala. Ag ati diman kawu pag nagtaratu sa kangku. Taynguna, pag-alistu kawu ag pag-ighit sa inda pag rugar, pagbalik sa rugar nu naan kawu pag iinanak.’ ”

Gimpuunan 31:45

Nakan binmuul si Hakub daka pag batu ag ipinatindug niya inda bilang alaala.

Gimpuunan 35:20

Pinaulian ni Hakub batu ti lubung ni Rakil bilang tanda, tugka taynguna asan di tunda pag tanda.

2 Samwil 18:18

Katpung buhi waya si Absalum, nagpatindug siya bantayaw para sa kay sadili sa Karatagan Hari, dahil unman siya may anak lalaki mandara kay ngaran. Iningarnan niya tunda, “Bantayaw ni Absalum,” ag tugka taynguna imaw di kay tawag siyun.

Kanta 119:60

Pagtupadun niku madali kanmu manga sugu.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Isayas 19:19

Sa ati pag sirang, ipatindug ti usa ka harandugan para sa Panginuun sa daga Ihiptu, ag ipatindug diman ti usa ka paraamirawan pag batu siyun sa tab-anan.

Bilang 7:1

Pagka naayus yi ni Muysis ti Turda Tiripnan, winidwisikan niya inda lana ag itinalaga hanggan ti tanan pag manga kagamitan siyun. Katunda diman kay binwat sa harandugan ag sa tanan inda manga kagamitan.

Huswi 4:9

Nagpauli diman si Huswi 12 ka batu sa karaw-an sapa, sa rugar tinindugan manga manughandug nandara sa Kaban Kasunduan. Tugka kainda asan di tunda pag manga batu.

1 Samwil 7:12

Bag-u nam-ul si Samwil usa ka batu, ibinugtang niya sa tab-anan duwa ka banwa, Mispa ag Sin. Bag-u iningarnan niya tunda pag batu Ibinisir dahil magkun siya, “Taynguna tugka pag-awatan kami Panginuun.”