Gimpuunan 28:15 - Hanunuu

¹⁵ Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

Gimpuunan 28:15 Iomraidhean Croise

Gimpuunan 21:20

Balaw pinabay-anan Diyus si Ismail tugka sa dinmaka. Ati siya pag nangulian sa pangawakawaan Paran ag usa siya ka manugpana. Sa kadugayun, ipinaasawa siya niya ina sa usa ka Ihipsiyu.

Gimpuunan 26:24

Sa tunda pag yabi sa kay pagras-ug, napakakit sa kanya ti Panginuun ag magkun, “Aku ti Diyus nimu ama, ni Abraham. Danga kawu magkadala dahil kaibahan nimu aku. Papaladan niku kawu ag pakan-an mayamu pag lahi dahil sa kan Abraham kang manugsirbi.”

Gimpuunan 26:3

Sitay lang dap kawu pag tahan dahil giyahan niku kawu ag papaladan. Ipakaun niku sa kanmu hanggan sa kanmu manga linahi inda tanan pag daga. Tupadun niku kang taratu sa kanmu ama, sa kan Abraham.

Gimpuunan 30:25

Igu ainanak ni Rakil si Husi, magkun si Hakub sa kan Laban, “Pasnui yi duy nimu aku makauli sa kanmi rugar.

Gimpuunan 31:13

Aku ti Diyus ti napakakit sa kanmu ati sa Bitil, sa daga nu naan pag binuhusan nimu lana ulibu ti batu kanmu ipinatindug bilang alaala. Ag ati diman kawu pag nagtaratu sa kangku. Taynguna, pag-alistu kawu ag pag-ighit sa inda pag rugar, pagbalik sa rugar nu naan kawu pag iinanak.’ ”

Gimpuunan 31:3

Magkun ti Panginuun sa kan Hakub, “Pagbalik yi kawu sa daga nimu manga ginurang, ati sa kanmu manga katawuhan, ag kaibahan nimu aku.”

Gimpuunan 31:5

Magkun siya tag sa kanda, “Napansin niku tuhay yi kay magpakiusa niyu ama sa kangku. Dapat balaw aku pinabay-anan Diyus niku ama.

Gimpuunan 32:9

Nandarangin si Hakub, “Diyus niku laki ni Abraham ag Diyus niku ama ni Isaak, kawu duy ti Panginuun ti magkumun sa kangku pagbalik aku sa kang manga katawuhan, ati sa daga nu naan aku pag iinanak, ag papaladan nimu aku.

Gimpuunan 35:3

Atabug kita sa Bitil, ag bumuwat aku ati harandugan para sa Diyus imaw ti nag-awat sa kangku katpung sa udas niku kakurian, ag siya diman kang kaibahan una naan tabug aku.”

Gimpuunan 39:2

Giniyahan Panginuun si Husi, nakan marapanalu siya. Ati siya pag mag-uli sa balay niya amu Ihipsiyu si Putipar.

Gimpuunan 39:21

paggiyahan di siya Panginuun. Ag dahil sa kaayadan Panginuun, mayad di kay magpakiusa manugpamahala pirisuhan sa kan Husi.

Gimpuunan 46:4

Aku gid ngap kanmu kaibahan sa pag-atag sa Ihiptu ag ibalik di maan niku kawu sitay sa Kanaan. Ag nu mamatay yi kawu, sa kanmu di arani si Husi.”

Gimpuunan 48:16

Ag mana papaladan diman sida anghil, ti nagribri sa kangku sa tanan kadamhakan. Mana maalaala aku hanggan kang manga ginurang sida ni Abraham ni Isaak sa panab-anan nida. Ag mana yumamu waya sida sa kalibutan.”

Gimpuunan 48:21

Pagkatapus, magkun si Israil sa kan Husi, “Arani yi aku mamatay, dapat danga kawu magkaarimputu dahil ibahan di kawu Diyus ag ibalik kamu sa daga niyu ginurang.

1 Hari 8:57

Mana ibahan kita Panginuun nita Diyus parihu sa kay pag-iba sa kanta manga ginurang. Mana balaw niya kita bugyahan ngatay pabay-anan.

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:7

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 91:11

Dahil suguun Diyus kay manga anghil hampay alagaan kawu una naan kawu tabug.

Pag-ighit 13:11

“Nu darahun yi kamu Panginuun sa daga manga Kananiyu, ti itinaratu niya ipakaun sa kanyu manga ginurang hanggan sa kanyu,

Pag-ighit 3:12

Magkun ti Diyus, “Ibahan niku kawu, ag inda ti puruyba aku ti nagsugu sa kanmu: Nu naipalwas yi nimu ti manga Israilita ginan sa Ihiptu, sambahun niyu aku sa inda pag bantud.”

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Isayas 8:10

Una hintay ti paggayakun niyu laban sa kanmi balaw manalu, dahil kaibahan nimi ti Diyus.

Hirimyas 1:19

Kalabanun nida kawu, dapat unman nida kawu matalu, dahil ibahan ag awatan niku kawu. Aku, ti Panginuun, ti magsabi inda.”

Hirimyas 16:15

Bagkus ngap sabihun nida, ‘Magsumpa aku sa ngaran buhi pag Panginuun ti nagpalpas sa manga taga Israil ginan sa nasyun baliwa sa kanaway ag sa tanan nasyun nu naan niya sida ikinalat.’ Dahil ibalik niku sida sa daga ipinakaun niku sa kanda manga ginurang.

Libitiku 26:42

tupadun niku kang kasunduan sa kanyu manga ginurang sa kanda ni Abraham, ni Isaak, ag ni Hakub bag-u ibalik niku kamu sa kanyu daga.

Libitiku 26:45

Tupadun niku sa kanyu kang kasunduan sa kanyu manga ginurang ti ipinalwas niku gin sa Ihiptu hampay ipakakit kang kapangyarihan sa manga nasyun. Binwat niku inda sa kanyu manga ginurang hampay bumaliw aku kanda Diyus. Aku ti Panginuun.

Bilang 23:19

Ti Diyus balaw tawu magpudil ngatay magkauman kay naisipan. Magbagaw aw siya balaw niya pagbuwatun? Magtaratu aw siya unman niya pagtupadun?

Bilang 6:24

‘Papaladan kamu Panginuun ag giyahan niya kamu.

Matiyu 18:20

Dahil una naan nu may duwa una tulu ka tawu magtiripun ag magpasakup sa kangku, siyun diman aku kaibahan nida.”

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Diyuturunumiyu 30:3

kaawaan kamu Panginuun niyu Diyus. Tipunun niya kamu ginan sa tanan pag nasyun nu naan pag ipinabihag niya kamu, ag rargu ibalik niya kanyu mayad pag kahamtangan.

Diyuturunumiyu 31:6

Pagpakarig-un kamu ag pag matutum. Danga kamu magkadala sa kanda dahil ti Panginuun niyu Diyus mag-iba sa kanyu; balaw niya kamu tayakan ngatay pabay-anan.”

Diyuturunumiyu 31:8

Pangunahan kawu Panginuun ag giyahan niya kawu; balaw niya kawu tayakan ngatay pabay-anan. Nakan danga kawu magkadala ngatay magpanlumuy.”

Diyuturunumiyu 7:9

Alalahana niyu ti Panginuun niyu Diyus imaw lang ti Diyus. Masarigan siya pag Diyus, ag pagtupadun niya kay kasunduan tugka sa manga sinulput manga magmahal sa kanya ag magsunud sa kay manga sugu.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.

Huswi 1:5

“Unman may makatalu sa kanmu habang buhi kawu, dahil ibahan niku kawu parihu sa kang nag-iba sa kan Muysis. Balaw niku kawu tayakan ag pabay-anan.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.

Talaghusay 6:16

Sinmagut ti Panginuun, “Awatan niku kawu, ag rurisun nimu ti manga Midyanita ga sa maglaban kawu sa usa lang ka tawu.”