Gimpuunan 28:13 - Hanunuu

¹³ Nakitan diman niya ti Panginuun matindugan sa tungud agdan ag magkun tag sa kanya, “Aku ti Panginuun, ti Diyus ni Abraham ag ni Isaak. Ipakaun niku sa kanmu ag sa kanmu manga linahi inda pag daga kanmu pag paigyaan.

Gimpuunan 28:13 Iomraidhean Croise

Gimpuunan 12:7

Bag-u napakakit ti Panginuun sa kan Abram ag magkun, “Inda pag daga ipakaun niku sa kanmu manga linahi.” Nakan nagbuwat harandugan si Abram para sa Panginuun imaw ti napakakit sa kanya.

Gimpuunan 13:15

Ti tanan maalantaw nimu pag daga ipakaun niku sa kanmu hanggan sa manga linahi nimu, ag kanyu yi inda tugka aban.

Gimpuunan 13:17

Paglakaw kawu ag palibuta ti buu daga dahil ipakaun niku inda tanan sa kanmu.”

Gimpuunan 15:1

Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

Gimpuunan 15:18

Sa tunda diman pag sirang, nagbuwat kasunduan ti Panginuun sa kan Abram. Magkun siya, “Ipakaun niku sa kanmu manga linahi inda pag daga ginan sa may sapa katugkaan Ihiptu tugka sa may daka sapa Iyupratis.

Gimpuunan 26:24

Sa tunda pag yabi sa kay pagras-ug, napakakit sa kanya ti Panginuun ag magkun, “Aku ti Diyus nimu ama, ni Abraham. Danga kawu magkadala dahil kaibahan nimu aku. Papaladan niku kawu ag pakan-an mayamu pag lahi dahil sa kan Abraham kang manugsirbi.”

Gimpuunan 26:3

Sitay lang dap kawu pag tahan dahil giyahan niku kawu ag papaladan. Ipakaun niku sa kanmu hanggan sa kanmu manga linahi inda tanan pag daga. Tupadun niku kang taratu sa kanmu ama, sa kan Abraham.

Gimpuunan 28:4

Mana ipakaun diman sa kanmu hanggan sa kanmu manga linahi ti inayaw pag papalad sa kan Abraham, hampay maapu nimu inda pag daga kanmu pag-ulian taynguna bilang usa ka day-uhan. Inda pag daga ipinakaun ngani Diyus sa kan Abraham.”

Gimpuunan 31:13

Aku ti Diyus ti napakakit sa kanmu ati sa Bitil, sa daga nu naan pag binuhusan nimu lana ulibu ti batu kanmu ipinatindug bilang alaala. Ag ati diman kawu pag nagtaratu sa kangku. Taynguna, pag-alistu kawu ag pag-ighit sa inda pag rugar, pagbalik sa rugar nu naan kawu pag iinanak.’ ”

Gimpuunan 31:42

Nu balaw siguru aku giniyahan Diyus, ti paggalangun niku ama, ni Isaak, imaw diman ti Diyus ni Abraham, barang tinulak yi nimu aku unman may kadara-dara. Dapat nakitan Diyus kang pag-agwanta hanggan magtarabahu, nakan pinaandaman niya kawu kis-ab yabi.”

Gimpuunan 31:5

Magkun siya tag sa kanda, “Napansin niku tuhay yi kay magpakiusa niyu ama sa kangku. Dapat balaw aku pinabay-anan Diyus niku ama.

Gimpuunan 31:53

Mana ti Diyus nimu laki ni Abraham hanggan ti Diyus niku ama ni Nahur, imaw diman ti Diyus nida ama ni Tira, imaw ti humusay sa kanta duwa.” Nansumpa diman si Hakub sa kan Laban sa ngaran Diyus paggalangun niya ama ni Isaak.

Gimpuunan 32:10

Balaw duy aku karapat-dapat mantanggap tanan kaayadan ag katapatan kanmu ipinakakit sa kangku, sa kanmu manugsirbi. Dahil katpung nandipay aku sa Hurdan, unman duy aku may iba dara nu unman sugkud lang, dapat taynguna may duwa ka gurupu yi duy aku ka kaibahan.

Gimpuunan 32:9

Nandarangin si Hakub, “Diyus niku laki ni Abraham ag Diyus niku ama ni Isaak, kawu duy ti Panginuun ti magkumun sa kangku pagbalik aku sa kang manga katawuhan, ati sa daga nu naan aku pag iinanak, ag papaladan nimu aku.

Gimpuunan 35:1

Magkun ti Diyus sa kan Hakub, “Pag-alistu kawu, pag-ati kawu sa Bitil ag ati pag pangulian. Pagbuwat kawu ati harandugan para sa kangku, ti Diyus imaw ti nagpakakit sa kanmu katpung nalagiw kawu sa kanmu patar-ari sa kan Isaw.”

Gimpuunan 35:12

Ti inayaw niku pag daga sa kan Abraham hanggan sa kan Isaak kang diman ipakaun sa kanmu ag sa kanmu manga linahi.”

Gimpuunan 35:15

Iningarnan niya Bitil tunda pag rugar.

Gimpuunan 35:17

Igu masyadu yi masakit, magkun ti manughilut sa kanya, “Danga kawu magkadala Rakil, lalaki yi maan kanmu anak.”

Gimpuunan 46:3

Pagkatapus, magkun siya, “Aku ti Diyus nimu ama. Danga kawu magkadala mag-atag sa Ihiptu, dahil buwatun niku kamu usa ka bantug pag nasyun ati.

Gimpuunan 48:3

Magkun si Hakub sa kan Husi, “Katpung ati di waya aku sa Lus, sa daga Kanaan, napakakit sa kangku ti Makamaskihan pag Diyus ag pinapaladan niya aku.

1 Krunika 16:16

Inda pag kasunduan binwat niya sa kan Abraham ag itinaratu waydi niya sa kan Isaak.

1 Krunika 16:18

Magkun siya sa kada usa sa kanda, “Iayaw niku sa kanmu ti daga sa Kanaan bilang maranahun nimu hanggan nimu manga linahi.”

Kanta 105:11

Magkun siya sa kada usa sa kanda, “Ipakaun niku sa kanmu ti daga Kanaan bilang maranahun nimu hanggan nimu manga linahi.”

Pag-ighit 2:24

Nadnugan Diyus kanda magdangup, ag naala-ala niya kay kasunduan sa kanda ni Abraham, ni Isaak, ag ni Hakub.

Pag-ighit 3:6

Aku ti Diyus nimu manga ginurang, ti Diyus nida ni Abraham, ni Isaak, ag ni Hakub.” Pagka nadnugan inda ni Muysis, tinakluban niya kay uyahun, dahil magkadala siya magbantay sa Diyus.

Pag-ighit 4:5

Magkun ti Panginuun, “Buwata nimu inda pag makadululaw hampay maniwala sida aku, ti Panginuun, ti Diyus nida manga ginurang ni Abraham, ni Isaak, ag ni Hakub ti napakakit sa kanmu.”

Pag-ighit 6:4

Nagbuwat aku kasunduan sa kanda, kang ipakaun sa kanda ti daga Kanaan, ti inulianan nida pag daga kaybi bilang manga day-uhan.

Pag-ighit 6:7

Kilalan-un niku kamu kang nasakupan ag aku kanyu Diyus. Makilala gid niyu aku ti Panginuun kanyu Diyus, ti nagpalpas sa kanyu sa pagkapanawuhun sa Ihiptu.

Isikil 28:25

Magkun waya gid ti Panginuun Diyus, “Tipunun yi niku ti nasakupan Israil ginan sa manga nasyun nu naan pag nawayak sida. Sa panab-anan niku buwatun sa kanda, maipakakit niku kang kabanalan sa manga nasyun. Mangulian ti manga Israilita sa kanda sadili daga, ti daga ipinakaun niku sa kang suruguun si Hakub.

Amus 7:7

Indaay waya gid ti ipinakakit Panginuun Diyus sa kangku: Nakitan niku ti Panginuun matindugan arani sa may alad batu ag may paghiyaptan siya panuntun paggamitun panukat sa alad batu nu ngatay tul-id kay pagkabuwat tunda.

Matiyu 22:32

‘Aku ngani ti Diyus ni Abraham, Diyus ni Isaak ag Diyus ni Hakub.’ Ti Diyus balaw Diyus manga namatay nu unman Diyus ngap manga tawu may buhi.”

Binwat 7:5

Madi katida, unman siya pinakan-an Diyus daga ati katpung una di ga raprapa lang kay kadaka. Dapat itinaratu ngap Diyus sa kan Abraham inda pag daga ipakaun ngani sa kanya hampay kanya yi hanggan sa kay manga minamat una bukun yi siya. Dapat ati katpung udwaya may anak si Abraham.

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 34:4

Bag-u nagsabi ti Panginuun sa kan Muysis, “Tunda ngani pag daga ti itinaratu niku sa kan Abraham, sa kan Isaak, hanggan sa kan Hakub, bag-u sinabi niku kang iayaw inda sa kanda manga linahi. Ipinakakit niku inda sa kanmu, dapat balaw kawu makaati.”

Diyuturunumiyu 9:5

Apuun niyu kanda daga balaw dahil sa matadlung kamu ngatay mayad kamu pag manga tawu nu unman dahil daut sida, ag hampay matupad Panginuun kay itinaratu sa kanyu manga ginurang sa kanda ni Abraham, ni Isaak, ag ni Hakub.

Hibriyu 11:16

Dapat taynguna paghingabtun nida ti lalu mayad pag ulian, kay ibug sabihun sa langit yi ngap pag ulian. Nakan ti Diyus unman mangay-a una pag-ingarnan nida siya kanda Diyus, dahil kay inalistuhan sida usa ka banwa.