Gimpuunan 28:10 - Hanunuu

¹⁰ Nighit si Hakub sa Biirsiba ag inmati sa Haran.

Gimpuunan 28:10 Iomraidhean Croise

Gimpuunan 11:31

Nighit si Tira sa Ur sakup manga Kaldiyu. Kaibahan niya kay anak si Abram, kay umagad si Saray, ag kay umput si Lut imaw kay anak ni Haran. Atabug mana sida sa Kanaan, dapat pagras-ug nida sa Haran siyun yi lang ngap sida pag nangulian.

Gimpuunan 12:4

Nakan nighit ngani si Abram sa Haran ag inmati sa Kanaan, angay sa sinabi Panginuun sa kanya. Si Abram 75 yi ka timpu tunda katpung. Tinaban niya kay asawa si Saray, hanggan si Lut kay anak niya patar-ari. Ti tanan nida manga kasiyunan hanggan manga natipun suruguun sa Haran dara di. Pagras-ug nida sa Kanaan,

Gimpuunan 26:23

Makalawuy ti pira ka sirang, nighit si Isaak ginan sa tunda pag rugar ag inmati sa Biirsiba.

Gimpuunan 27:43

Nakan pagpatingi kawu sa kang sabihun: Pagpalagiw yi kawu ag pag-ati sa Haran, ati sa kang patar-ari sa kan Laban.

Gimpuunan 29:4

Taynguna, nagpaingana si Hakub sa manga manug-alaga karanidu, “Taga naan kamu?” Sinmagut sida, “Taga Haran duy.”

Gimpuunan 32:10

Balaw duy aku karapat-dapat mantanggap tanan kaayadan ag katapatan kanmu ipinakakit sa kangku, sa kanmu manugsirbi. Dahil katpung nandipay aku sa Hurdan, unman duy aku may iba dara nu unman sugkud lang, dapat taynguna may duwa ka gurupu yi duy aku ka kaibahan.

Gimpuunan 35:1

Magkun ti Diyus sa kan Hakub, “Pag-alistu kawu, pag-ati kawu sa Bitil ag ati pag pangulian. Pagbuwat kawu ati harandugan para sa kangku, ti Diyus imaw ti nagpakakit sa kanmu katpung nalagiw kawu sa kanmu patar-ari sa kan Isaw.”

Gimpuunan 35:7

Nagbuwat siya harandugan ati. Iningarnan niya Il Bitil tunda pag rugar dahil nagpakakit sa kanya ati ti Diyus katpung kay nalagiw sa kay patar-ari sa kan Isaw.

Gimpuunan 46:1

Ginminan si Hakub atabug sa Ihiptu kaibahan kay magtal-anakan dara ti tanan niya kasiyunan. Pagras-ug niya sa Biirsiba, naghandug siya sa Diyus niya ama, ni Isaak.

Pag-ighit 33:1

Magkun ti Panginuun sa kan Muysis, “Pag-ighit yi kawu sitay pag rugar kaibahan ti ipinalwas nimu pag manga nasakupan ginan sa Ihiptu, pag-ati kamu sa kang itinaratu pag daga sa kanda ni Abraham, ni Isaak ag ni Hakub. Magkun aku sa kanda kaybi ipakaun niku inda pag daga sa kanda linahi.

Husyas 12:12

“Naglayas si Hakub atabug sa Aram, nagsirbi siya ati bilang manug-alaga manga hayup para mapasa-kanya kay arasawan-un.

Binwat 25:13

Pagka dugay rinmas-ug sa Sisariya sida ni Hari Agripa ni Birnisi hampay mansabang sa kan Pistu dahil siya ti bag-u pag gubirnadur.

Binwat 7:2

Bag-u nagsagut si Istiban magkun, “Kamu duy pag manga kaparihu niku Hudiyu ag manga paggurangunun sa nasyun, pagpatingi kamu. Ti Diyus makamaskihan sa tanan napakakit sa kanta ginurang sa kan Abraham kay di waya sa Misuputamya ag udwaya nangulian sa banwa Haran.