Gimpuunan 27:2 - Hanunuu

² Magkun si Isaak, “Gurangun yi aku, udyi dumugay mamatay yi aku.

Gimpuunan 27:2 Iomraidhean Croise

Gimpuunan 27:3

Bul-a kanmu bangkaw ag pag-ati kawu sa katalunan, pangidu kawu para sa kangku.

Gimpuunan 47:29

Pagka magkaramdaman niya arani yi siya mamatay, tinawagan niya si Husi ag magkun, “Nu mahimu, paulian nimu kanmu kamang sa tab-anan niku duwa ka balangbang ag pagsumpa kawu iparargu nimu kanmu mayad pag nabubut-un sa kangku. Danga aku paglubngan atay sa Ihiptu.

Gimpuunan 48:21

Pagkatapus, magkun si Israil sa kan Husi, “Arani yi aku mamatay, dapat danga kawu magkaarimputu dahil ibahan di kawu Diyus ag ibalik kamu sa daga niyu ginurang.

Kabagawan 27:1

Danga kawu magpadayaw tungkul sa buwatun nimu aldaw, dahil balaw nimu alam nu hintay ti mangyari sa kanmu aldaw.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Isayas 38:1

Ati katpung pag sirang, nasakit si Isikyas harus ikamatay yi niya. Nag-atag sa kanya si Purupita Isayas anak ni Amus ag magkun, “Magkun ti Panginuun pagbilin yi kawu sa kanmu magtal-anakan dahil udyi kawu maayadan, mamatay yi kawu.”

Isayas 38:3

Magkun siya, “Panginuun, alalahana duy nimu nu kabitay aku namuhi matinupadun ag buu tagipusuun nagsirbi sa kanmu ag nu kabitay aku nagbuwat mayad sa magbantay nimu.” Ag namurus siya sa lumi.

Markus 13:35

Paglagi handa kamu dahil unman niyu alam nu kapira pag rumas-ug ti may apu balay, nu ngatay malambung baliwa, nu ngatay karaw-an yabi, nu ngatay sa pagpamintu manuk, aw nu sa surip.

Santiyagu 4:14

Dapat unman niyu alam nu hintay ti malakawan niyu aldaw pag sirang. Dahil kanyu buhi parihu sa alinyabu, madali nagluwang, bigla lang naparaw.

1 Samwil 20:3

Dapat magkun si Dabid, “Alam gid nimu ama mayad kanmu magtaratu sa kangku, nakan balaw yi niya pag-ipaalam sa kanmu kay gayak niya pagmatay sa kangku, dahil barang rumuku lang kawu. Dapat pag pihuun niku sa kanmu, hanggan sa atubangan Panginuun buhi, dilikadu kang buhi taynguna.”