Gimpuunan 26:31 - Hanunuu

³¹ Pagka sa sunud pag sirang, surip waya nagsumpa sida sa kada usa. Bag-u pinaginan ni Isaak sida may pagkarausa.

Gimpuunan 26:31 Iomraidhean Croise

Gimpuunan 14:22

Dapat magkun si Abram sa hari Suduma, “Magsumpa aku sa atubangan Panginuun, ti Diyus Makamaskihan sa tanan, ti naglalang langit ag daga,

Gimpuunan 19:2

“Nu mahimu duy, paghapit dap kamu sa kang balay hampay makaugas kamu kanyu lulud ag ati dap kamu pag katurug taynguna pag yabi. Aldaw yi kamu surip pag parargu sa kanyu lakaw.” Dapat nagsagut sida, “Danga yi duy, ati yi lang kami sa parasyaran pag maturug taynguna pag yabi.”

Gimpuunan 21:14

Kinaaldawan, surip waya gid nagbuul si Abraham karan-unun hanggan danum masukadan sa paknul, bag-u ipinapas-an inda sa kan Hagar. Pagkatapus, pinaighit yi ngani niya si Hagar kaibahan kay anak. Nagbaklay sida sa pangawakawaan Biirsiba balaw alam nu naan tag sida.

Gimpuunan 21:23

Nakan pagtaratu kawu sa kangku sitay sa ngaran Diyus kuntay balaw nimu aku dayaun hanggan kang manga linahi. Pakakitan kanmu kaayadan sa kangku hanggan sa inda pag rugar kanmu pag-ulian taynguna bilang day-uhan, ga kang diman ipinakakit pag kaayadan sa kanmu.”

Gimpuunan 21:27

Nakan nagbuul si Abraham manga karanidu hanggan manga baka ag ipinakaun niya sa kan Abimilik, bag-u nagbuwat kasunduan sida duwa.

Gimpuunan 22:3

Nakan igu sa sunud pag sirang, surip waya gid si Abraham nantaris-ak manga kayu pamagba sa handug, bag-u ikinarga niya inda sa kay asnu. Linmakaw siya kaibahan si Isaak hanggan kay duwa ka suruguun lalaki atabug sa rugar sinabi Diyus sa kanya.

Gimpuunan 25:33

Sinmagut si Hakub, “Nu katunda pag sumpa dap kawu sa kangku.” Nakan nansumpa ngani si Isaw miatag sa kan Hakub kay karampatan niya bilang panganay.

Gimpuunan 26:32

Sa tunda diman pag sirang, rinmas-ug kay manga suruguun ni Isaak ag ibinarita sa kanya kuntay may danum yi ti bubun nida kinutkut.

Gimpuunan 31:44

Ti mayad siguru, bumuwat kita kasunduan. Manpatindug kita batu pumaalaala sa kanta ag pumatutuu sa kanta kasunduan.”

Gimpuunan 31:55

Igu sa sunud pag sirang, maaga waya hinagkung ni Laban ag pinapaladan kay manga anak hanggan manga laki, bag-u nuli yi siya.

Hibriyu 6:16

Nu abi may manga tawu magtalaluhan bag-u may surumpaan, pagsampitun nida ti lalu makapangyarihan sa kanda hampay parig-unun kanda patutuu, bag-u napda kanda magtalaluhan.

1 Samwil 14:24

Tunda katpung, nanlubay sa lun-us ti manga Israilita dahil pinasumpa sida ni Saul, magkun, “Saadan una si unu ti kumaun karan-unun bag-u yumabi, tugka sa unman waya aku makaganti sa kang manga kalaban.” Nakan unman may nangaun una di usa sa kanda.

1 Samwil 20:3

Dapat magkun si Dabid, “Alam gid nimu ama mayad kanmu magtaratu sa kangku, nakan balaw yi niya pag-ipaalam sa kanmu kay gayak niya pagmatay sa kangku, dahil barang rumuku lang kawu. Dapat pag pihuun niku sa kanmu, hanggan sa atubangan Panginuun buhi, dilikadu kang buhi taynguna.”

1 Samwil 30:15

Nagpaingana si Dabid sa kanya, “Mahimu aw nimu kami maibahan atag sa manga tawu nagbihag sa kanmi magtal-anakan?” Sinmagut siya, “Pagsumpa dapu kawu sa kangku sa atubangan Diyus balaw nimu aku matyun ngatay ipakaun sa kang amu, ibahan di kawu niku.”