Gimpuunan 25:8 - Hanunuu

⁸ Namatay siya gurangun yi gid. Bag-u ipinaamut siya sa kay manga katawuhan namatay yi.

Gimpuunan 25:8 Iomraidhean Croise

Gimpuunan 15:15

Kawu waydi Abram, palawigun niku kanmu buhi ag mamatay kawu gurangun yi gid ag may kahusayan.

Gimpuunan 25:17

Nabuhi si Ismail 137 ka timpu. Namatay siya ag ipinaamut siya sa kay manga katawuhan namatay yi.

Gimpuunan 25:7

Nabuhi si Abraham sa sulud usa ka gatus may pitungpulu ka timpu.

Gimpuunan 35:18

Ainanak ti lapsag dapat hirimatyanun yi si Rakil. Bag-u siya naugtasan arup, iningarnan niya Bin Uni ti lapsag. Dapat iningarnan ni Hakub ti lapsag Binhamin.

Gimpuunan 37:35

Linibang siya niya tanan manga anak, dapat imaw diman gid kay magpanrukuan. Magkun siya, “Pabay-ani yi lang niyu aku! Mamatay aku magpanhimanglaw dahil sa pagkamatay niku anak.” Ag parargu siya maglumi dahil sa kan Husi.

Gimpuunan 49:29

Pagkatapus, magkun si Hakub sa kay manga anak, “Taynguna, balaw yi dugay ag makaibahan yi niku kang manga katawuhan namatay. Nu mangyari yi inda, lubngan niyu aku sa lulubngan niku manga ginurang, ati sa lukib sa may tanman ni Iprun usa ka Hitiyu.

Gimpuunan 49:33

Pagka natapus kay pagsabihun ni Hakub sa kay manga anak, napahuway siya ag naugtasan arup. Ag imininsan siya sa kay manga katawuhan namatay yi.

Gimpuunan 50:13

Dahil dinara nida kay bangkay sa Kanaan ag ilinbung sa lukib ati sa tanman Makpila, sa butlakan Mamri. Binili ni Abraham tunda pag tanman sa kan Iprun usa ka Hitiyu hampay buwatun lulubngan.

1 Krunika 23:1

Pagka gurangun yi gid si Dabid, binwat niya hari Israil kay anak si Sulumun.

1 Krunika 29:28

Nabuhi siya may kadugayan mayaman ag madunung. Namatay siya gurangun yi gid, ag inublusan siya niya anak si Sulumun bilang hari.

2 Krunika 24:15

Nabuhi si Hihuyada aduk pag timpu, ag namatay siya kay idad 130.

Hub 41:32

Ti danum kay malakawan magbura malagti, nu bantayun ga malagti pag buhuk.

Hub 42:17

Gurangun yi gid siya bag-u namatay.

Hub 5:26

Lumawig kanmu buhi, ag balaw kawu mamatay nu balaw waya kay kaudasan.

Kabagawan 20:29

Kadayawan manga kalay-awan kanda kabisugan, ag kadayawan manga gurangun kanda pagkagurangun.

Hirimyas 6:11

Masyadu diman ti galit magkaramdaman niku parihu sa Panginuun ag balaw niku maampara.” Magkun ti Panginuun, “Ipadamdam niku kang galit hanggan sa manga anak magbuybuya sa karsada, sa manga kalay-awan lalaki magtiripnan, sa manga may asawa ag hanggan yi sa manga gurangun.

Bilang 20:24

“Udas yi darahun kawu Aarun sa kanmu manga katawuhan nagkaramatay yi. Balaw kawu makaslud sa pag-iayaw niku pag daga sa manga Israilita dahil naglabag kamu duwa ni Muysis sa kang sugu ati sa bulbugan Miriba.

Bilang 27:13

Nu maalantaw yi nimu inda, mamatay yi kawu parihu sa kanmu patar-ari sa kan Aarun.

Binwat 12:23

Susun yi pinarusahan siya anghil Panginuun dahil unman sinabi niya sa manga tawu siya tawu lang, balaw Diyus. Sinapatan dapu siya bag-u namatay.

Binwat 13:36

“Pagka natupad ni Dabid ti kagustuhan Diyus sa ati katpung pag manga tawu, namatay siya bag-u siya ilinbung kataid sa kay manga ginurang, nakalakaw karunutan kay bangkay.

Binwat 5:10

Kadaka naplid si Sapira sa kan Pidru atubangan rargu naugtasan arup. Sinmaka maan ti manga kan-akan. Pagka nakitan nida tigbak si Sapira, dinara nida siya tag sa luwas, ilinbung sa kay arani niya asawa.

Binwat 5:5

Pagka nakadnug si Ananiyas sa kan Pidru sinabi, naplid lang siya rargu naugtas kay arup. Masyadu yi lang gid nadala ti tanan tawu nakadnug sa nangyari ati.

Diyuturunumiyu 32:50

Ag sa tunda pag bantud mamatay kawu, ag miminsan kawu sa kanmu manga ginurang nagkaramatay yi, parihu sa kan Aarun kanmu patar-ari namatay sa Bantud Hur ag niminsan waydi sa kay manga ginurang.

Talaghusay 2:10

Pagka nagkaramatay ti manga tawu sa tunda pag sinulput, ti sinmunud pag sinulput tawu unman nakakilala sa Panginuun ag unman may namuangan nu hintay ti binwat Panginuun para sa Israil.

Talaghusay 8:32

Gurangun yi si Gidyun pagka namatay siya. Ilinbung siya sa lulubngan niya ama si Huas sa Upra, sa rugar manga lahi ni Abisir.