Gimpuunan 25:5 - Hanunuu

^5-6 Bag-u namatay si Abraham, tinayakan niya ti tanan niya kasiyunan sa kan Isaak. Dapat pinakan-an niya manga pamakaun ti iba niya ka manga anak sa iba niya ka manga asawa, ag ati baliwa pag daga sa butlakan niya sida pag ipinatahan, arayu sa kay anak, sa kan Isaak.

Gimpuunan 25:5 Iomraidhean Croise

Gimpuunan 24:35

Pinapaladan Panginuun kang amu ag mayaman yi gid siya taynguna. Pinakan-an siya Panginuun mayamu karanidu, kambing, baka, kamilyu, asnu, pilak, gintu hanggan manga suruguun lalaki ag babayi.

Gimpuunan 24:36

Una gurangun yi kay asawa si Sara, nagkaanak waya siya. Ag kanda anak lalaki imaw ti manmana tanan kasiyunan niya.

Gimpuunan 25:4

Kay manga anak lalaki ni Midyan sida ni Ipa, ni Ipir, ni Hanuk, ni Abida ag ni Ildaa. Sida tanan ti manga linahi ni Kitura.

Gimpuunan 26:14

Nanhirak sa kanya ti manga Pilistiyu dahil mayamu yi kay karanidu, manga kambing, manga baka hanggan suruguun.

Kanta 68:18

Igu nagtukad siya sa abwat pag rugar mayamu pag manga bihag kay dinara ag nakatanggap siya mayamu pakaun ginan sa manga tawu, una ginan sa manga malaban pag manga tawu. Ag ati pag mangulian ti Panginuun Diyus.

Matiyu 11:27

Pagkatapus, magkun si Hisus sa manga tawu, “Ti tanan bagay ipinabahala niku Ama sa kangku. Unman may nakakilala sa Anak nu unman ti Ama. Ag unman may nakakilala sa Ama nu unman ti Anak ag ti manga tawu gustu Anak makakilala sa Ama.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Huwan 17:2

Dahil ipinasirung nimu ti tanan-tanan sa kapangyarihan Anak hampay pakan-an niya tutuu pag buhi unman may katapusan ti tanan tawu kanmu iinintirga sa kanya.

Huwan 3:35

Ti Anak pagmahalun niya Ama nakan ipinasakup Ama ti tanan-tanan pag manga bagay sa kapangyarihan niya Anak.

Ruma 8:17

Nu ungud kita kay manga anak, kita yi gid ti makatanggap pamana kay ihinanda Diyus sa kay manga anak. Kita kaibahan ni Kiristu sa pagtanggap pamana. Dahil nu kita mag-agwanta kaibahan niya, kaibahan waydi niya kita sa kay kadayawan.

Ruma 8:32

Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?

Galasya 3:29

Nu kamu sa kan Kiristu, kabilang diman kamu sa kay linahi ni Abraham, manga magmana sa kay itinaratu Diyus.

Galasya 4:28

Manga patar-ari, kamu manga anak Diyus angay sa kay taratu parihu ga kan Isaak, ainanak siya angay sa kay taratu Diyus sa kan Abraham.

Kulusas 1:19

Kay nagustuhan Diyus nu kabitay siya kay pagka-Diyus pagkatunda diman kay Anak.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.