Gimpuunan 25:21 - Hanunuu

²¹ Dahil baug si Ribika, nandarangin si Isaak sa Panginuun hampay magkaimaw anak. Dinungug Panginuun kay darangin, nakan namuduy si Ribika.

Gimpuunan 25:21 Iomraidhean Croise

Gimpuunan 11:30

Si Saray unman may anak dahil baug.

Gimpuunan 16:2

Magkun si Saray sa kan Abram, “Dahil balaw pinahintulutan Panginuun magkaanak aku, mayad waya siguru pag-ulid kawu sa kang suruguun babayi, barang ngani magkaimaw kita anak sa panab-anan niya.” Nagpasnu ngani si Abram sa sinabi niya asawa.

Gimpuunan 30:22

Unman diman kinalimtan Diyus si Rakil. Dinungug niya kay darangin magkaanak siya hanggan.

1 Krunika 5:20

Naghagad sida awat sa Diyus pagka nanlaban sida, ag sinagut Diyus kanda darangin dahil nagsarig sida sa kanya. Nakan ipinanalu sida Diyus sa manga Hagriyu hanggan sa tanan kakampi nida.

2 Krunika 33:13

Ag pagka nandarangin siya, pinatingihan siya Panginuun. Naawa ti Panginuun sa kay magpaawa-awa. Nakan ipinabalik siya Panginuun sa Hirusalim ag sa kaharian niya. Ag naalaman ni Manasis ti Panginuun lang ti Diyus.

Isra 8:23

Nakan nagpauray ag nandarangin kami sa kanmi Diyus bantayan niya kami, ag sinagut niya kanmi darangin.

Kanta 127:3

Ti manga anak pakaun ag papalad ginan sa Panginuun.

Kanta 145:19

Pag-iayaw nimu ti pagkaibgan manga maggalang sa kanmu; pagpatingihan nimu kanda magdangup, ag pag-iribri nimu sida.

Kanta 50:15

Pagdangup kamu sa kangku sa udas kakurian, dahil iribri niku kamu, ag dayawun niyu aku.”

Kanta 65:2

Ti tanan tawu pumakarani sa kanmu dahil pagsagtun nimu ti manga darangin.

Kanta 91:15

Nu mandangup siya sa kangku, sagtun niku siya; nu udas may kakurian, ibahan niku siya; iribri niku siya ag pakan-an kadayawan.

Kabagawan 10:24

Ti pagkadalaan daut pag tawu mangyari ngap sa kanya, ti paghangadun matadlung pag tawu matanggap ngap niya.

Isayas 45:11

Inda waya ti pagsabihun Panginuun, ti Banal pag Diyus Israil, ti naglalang sa kanya, “Magriklamu aw kamu sa kang manga pagbuwatun? Pagsuguun aw niyu aku sa manga dapat niku buwatun?

Isayas 58:9

Nu manpakarani kamu sa kangku hampay manhagad awat, sagutun niku kamu. “Nu apasan niyu kanyu mag-api, ti magbangdan kapudilan, ti magbagaw daut,

Isayas 65:24

Bag-u di sida mandarangin ngatay sa udas di waya magdarangin, sagtun yi niku sida.

Lukas 1:13

Dapat sinabi anghil sa kanya, “Sakaryas, danga magkadala duy, dahil nadnugan Diyus kanmu darangin. Kanmu asawa si Ilisabit aban manganak gid duy anak lalaki, ag siya kanmu paingarnan Huwan.”

Lukas 1:7

Unman sida may anak dahil unman nagkaanak si Ilisabit, ag parihu yi gurangun.

1 Samwil 1:11

Nantaratu si Hana sa Panginuun magkun, “Panginuun Makamaskihan, bantayi duy nimu kang kakurian. Alalahana duy nimu aku kanmu suruguun ag danga pagkalimti. Nu pakan-an nimu aku usa ka anak lalaki, ihandug niku siya sa kanmu hampay sumirbi siya sa kanmu sa buu niya buhi. Ag balaw niku ipauguy kay buhuk, bilang tanda sa kay pagsirbi sa kanmu.”

1 Samwil 1:17

Magkun si Ili, “Nu katida, pag-uli yi kawu, danga magkaarimputu. Mana ipakaun Diyus Israil kanmu paghagadun sa kanya.”

1 Samwil 1:2

Si Ilkana may duwa ka asawa, inda sida ni Hana ni Pinina. May manga anak si Pinina dapat si Hana unman.

1 Samwil 1:27

Hinagad niku indaay pag anak sa Panginuun ag ipinakaun niya kang paghagadun.