Gimpuunan 25:20 - Hanunuu

²⁰ Si Isaak 40 yi ka timpu sa kay nag-asawa sa kan Ribika, kay anak ni Bitwil usa ka Amuriyu taga Padan Aram. Si Ribika kay patar-ari ni Laban, Amuriyu diman.

Gimpuunan 25:20 Iomraidhean Croise

Gimpuunan 22:23

Sida walu kay manga anak ni Nahur sa kan Milka. Si Bitwil kay ama ni Ribika.

Gimpuunan 24:15

Unman waya tapus kay darangin, rinmas-ug si Ribika may pas-an banga. Si Ribika kay anak ni Bitwil, bag-u si Bitwil kay anak ni Nahur ag ni Milka. Si Nahur kay patar-ari ni Abraham.

Gimpuunan 24:29

Kay patar-ari si Laban ati diman magpatingi sa kay pag-itultul tungkul sa sinabi tawu sa kanya. Nakitan ni Laban ti aritus hanggan ti ugsung masulungan sa kan Ribika. Nakan nalagiw siya atabug sa bubun ag inatag ti pagkumnun ni Ribika pag tawu. Ati diman ti tawu matindugan sa may arani bubun, sa arani manga kamilyu.

Gimpuunan 24:67

Bag-u dinara ni Isaak si Ribika sa turda sa pag-ulian kaybi niya ina ni Sara. Naasawa niya si Ribika ag pagmahalun gid niya inda. Nakan nahimasmasan ti karukuan ni Isaak sa pagkamatay niya ina.

Gimpuunan 25:26

Igu linmuwang kay ikadwa, kay kamang mahiyaptan sa bingul niya patar-ari, nakan iningarnan nida siya Hakub. Si Isaak 60 yi ka timpu igu nanganak siing si Ribika.

Gimpuunan 27:43

Nakan pagpatingi kawu sa kang sabihun: Pagpalagiw yi kawu ag pag-ati sa Haran, ati sa kang patar-ari sa kan Laban.

Gimpuunan 28:2

Pag-alistu kawu ag pag-ati sa Padan Aram, ati sa magtal-anakan ni Bitwil kay ama nimu ina. Ati kawu pag pili kanmu arasawan-un sa manga anak daraga ni Laban, ti patar-ari nimu ina.

Gimpuunan 28:7

Ag naalaman diman niya sinunud ni Hakub kanda gurang ag inmati sa Padan Aram.

Gimpuunan 31:20

Dinaya ni Hakub si Laban taga Aram, dahil balaw niya ipinaalam kay magginan.

Gimpuunan 31:24

Tunda katpung pag yabi, napakakit ti Diyus sa kan Laban taga Aram, sa panab-anan tagin-up. Magkun ti Diyus sa kanya, “Danga nimu pagbuwati daut si Hakub.”

Gimpuunan 33:18

Ud dinmugay, nakaras-ug diman sida sa Kanaan ginan sa Padan Aram unman may daut nangyari sa kanda. Nakaras-ug sida sa banwa nu naan pag mag-uli si Sikim. Nagpatindug sida kanda manga turda sa arani banwa.

Gimpuunan 35:26

Kay manga anak niya sa kan Silpa sa suruguun ni Liya sida ni Gad ni Asir. Sida tanan kay anak lalaki ni Hakub ti manga ainanak sa Padan Aram.

Gimpuunan 35:9

Igu nuli si Hakub ginan sa Padan Aram, napakakit maan ti Diyus sa kanya ag pinapaladan siya.

Gimpuunan 46:15

Sida ti 33 ka anak ag umput ni Hakub sa kan Liya ti iinanak sa Padan Aram, ag balaw kabilang kay anak babayi, si Dina.

Lukas 4:27

Pagka purupita si Ilisyu mayamu pag tawu may dilikadu pag sakit sa lukub sa Israil. Dapat sa kanda tanan unman gid may pinaayad. Ti taga Sirya bay si Naaman ti pinaayad.”

Diyuturunumiyu 26:5

Bag-u sabihun niyu inda sa atubangan Panginuun niyu Diyus: ‘Kanmi ginurang si Hakub usa ka Aramiyu unman may pirmaminti ulian kaybi. Nag-atag siya sa Ihiptu ag nangulian ati kaibahan kay magtal-anakan. Pira-pira lang sida ati katpung, dapat nagyamu sida, pagka taynguna makapangyarihan yi pag nasyun.