Gimpuunan 24:53 - Hanunuu

⁵³ Susun niya binulwat kay dara manga pamarinu buwat sa gintu ag pilak, hanggan ti manga rutay, bag-u ipinakaun sa kan Ribika. Pinakan-an diman niya mahalaga pag pamakaun kay patar-ari lalaki hanggan kay ina ni Ribika.

Gimpuunan 24:53 Iomraidhean Croise

Gimpuunan 24:10

Bag-u nagbuul ti suruguun sampulu ka kamilyu hanggan manga mahalaga pag pamakaun ginan sa kay amu, sa kan Abraham. Linmakaw siya atabug sa Aram Naharaim, ti pag-ulian ni Nahur pag banwa.

Gimpuunan 24:22

Pagka nakainum ti manga kamilyu, binulwat suruguun kay dara aritus gintu para sa irung kay buyat manga unum ka guhit. Binulwat diman niya ti duwa ka ugsung gintu kay buyat manga 120 ka guhit. Ag ipinakaun niya inda sa kan Ribika.

2 Krunika 21:3

Pinakan-an sida ni Husapat mayamu manga pamakaun pilak ag gintu, mahalaga pag manga bagay, ag may alad batu pag manga banwa sa Huda. Dapat si Hihuram ti iinilis niya bilang hari dahil siya ti panganay.

Isra 1:6

Ti iba ka manga tawu nag-awat sa kanda sa panab-anan pagpakaun manga gamit human sa pilak ag gintu, manga kailangan pag bagay hanggan manga hayup, ag manga mahalaga pag bagay hanggan ti pag-awat buluntadan para sa Balay Diyus.

Pag-ighit 11:2

Sabiha nimu sa manga Israilita lalaki una babayi, paghagad sida pamarinu pilak una gintu sa kanda kamalay manga Ihipsiyu.”

Pag-ighit 12:35

Sinunud manga Israilita ti sinabi sa kanda ni Muysis kuntay paghagad sida sa manga Ihipsiyu manga pamarinu pilak ag bulawan, hanggan manga rutay.

Pag-ighit 3:22

Ti manga babayi Israil manhagad manga pamarinu pilak una gintu hanggan manga rutay sa kanda kamalay manga Ihipsiyu ag sa iba waya manga day-uhan ati sa Ihiptu. Ipasulung niyu inda tanan sa kanyu manga anak. Sa kainda pag paraan maagaw niyu ti kasiyunan manga Ihipsiyu.”

Kanta ni Sulumun 1:10

Pagkarinu kanmu pingi, pinarinu waya gid nimu manga aritus. Pagkarinu diman kanmu liug may unu.

Kanta ni Sulumun 4:13

Kay manga kayu magburak pumigranata ag iba waya manga mayad burak. Abunda inda sa manga pamanglu hinna, nardu,

Isayas 39:2

May kabayaan kay nagtanggap ni Isikyas sa manga sugu, ag ipinakakit waya niya sa kanda ti tanan manga kabagayan sa kay haramnuan kayamanan — ti manga pilak, gintu, pamanglu, manga marinu pag kalasi lana ulibu, manga armas ag iba waya niya manga kayamanan. Unman gid una di usa ka bagay sa balay hari ngatay kaharian ti balaw niya ipinakakit sa kanda.