Gimpuunan 24:32 - Hanunuu

³² Kinmuyug ngani ti suruguun sa kan Laban. Igu rinmas-ug sida sa balay, ipinadna ni Laban ti manga makargahan sa manga kamilyu bag-u susun niya pinakan-an dayami hanggan karan-unun ti kamilyu. Dinarahan diman niya danum ti suruguun hanggan kay manga kaibahan, hampay makaugas sida kanda manga lulud.

Gimpuunan 24:32 Iomraidhean Croise

Gimpuunan 18:4

Manpabuul duy aku danum para makaugas kamu kanyu lulud ag makapahari sa inda pag sirung puun kayu.

Gimpuunan 19:2

“Nu mahimu duy, paghapit dap kamu sa kang balay hampay makaugas kamu kanyu lulud ag ati dap kamu pag katurug taynguna pag yabi. Aldaw yi kamu surip pag parargu sa kanyu lakaw.” Dapat nagsagut sida, “Danga yi duy, ati yi lang kami sa parasyaran pag maturug taynguna pag yabi.”

Gimpuunan 24:33

Pagka napakan-an yi sida karan-unun, magkun ti suruguun, “Balaw aku mangaun sa udwaya niku masabi kang turunu ataytabug.” Sinmagut si Laban, “Hu, tultulan sa kanmi.”

Gimpuunan 29:13

Igu nadnugan ni Laban asan si Hakub kay bapa niya sa kan Ribika, susun niya sinulang inda. Hinagkung niya ag inarkan si Hakub bag-u dinara sa kay balay. Ag ati itinultul ni Hakub sa kan Laban ti tanan nangyari.

Gimpuunan 43:24

Pinasulud manugpamahala pag suruguun ti magtar-arian sa balay ni Husi bag-u pinakan-an danum hampay makaugas sida kanda manga lulud. Pinakan-an diman niya karan-unun kanda manga asnu.

Lukas 7:44

Nag-aliwliw si Hisus sa babayi bag-u sinabi niya sa kan Simun magkun, “Mag-akitan aw nimu inda pag babayi? Nagsaka aku sa kanmu balay, unman tinigan-an nimu aku danum para maiugas kang lulud. Bati ti babayi binasa niya luwa kang lulud, bag-u pinunas niya buhuk.

1 Timutiyu 5:10

kailangan pagpatutuuhanan manga iba kuntay mayad kay buwat, mayad kay nagpadaka sa kay manga anak, mahusay kay nagtanggap sa manga nagsabang sa kay balay. Nagsirbi diman siya sa manga patar-ari sa Panginuun, nangawat sa manga may kakurian, ihinanda niya kay sadili sa tanan mayad pag buwat.

Talaghusay 19:21

Nakan kinmuyug sida sa gurangun. Pagras-ug nida, pinakaun gurangun kanda manga asnu. Ag pagkatapus ugas nida manga lulud, nangaun sida ag nanginum.

1 Samwil 25:41

Linmuhud si Abigil ag magkun, “Magpasnu aku. Alistu aku sa pagsirbi sa kanya hanggan sa kay manga suruguun.”