Gimpuunan 24:31 - Hanunuu

³¹ Magkun si Laban sa kanya, “Kawu maaw pag tawu ti pinapaladan Panginuun. Hayga duy matindugan kawu siyun sa luwas? Abala yi atag kita sa balay, dahil inalistu yi niku ti sulud-sulud para sa kanyu hanggan ti rugar para sa kanmu manga kamilyu.”

Gimpuunan 24:31 Iomraidhean Croise

Gimpuunan 18:3

ag magkun, “Panginuun, nu kanyu gustu duy, paghapit waya kamu atay sa kanmi.

Gimpuunan 19:2

“Nu mahimu duy, paghapit dap kamu sa kang balay hampay makaugas kamu kanyu lulud ag ati dap kamu pag katurug taynguna pag yabi. Aldaw yi kamu surip pag parargu sa kanyu lakaw.” Dapat nagsagut sida, “Danga yi duy, ati yi lang kami sa parasyaran pag maturug taynguna pag yabi.”

Gimpuunan 19:3

Dapat pinilit sida ni Lut, nakan kinmuyug yi lang sida sa kay balay. Nag-alistu manga karan-unun ag irinmun si Lut. Nagtama diman siya tinapay unman may pamadaka. Igu alistu yi, nanyapun yi sida.

Gimpuunan 26:29

balaw kawu bumuwat kadautan sa kanmi, dahil balaw diman waydi nimi kawu binwatan daut katpung ati di waya kawu sa kanmi. Pinakakitan nimi kawu kaayadan ag pinaighit nimi kawu may mayad pag pakiusa. Taynguna, pinapaladan yi gid kawu Panginuun.”

Gimpuunan 29:13

Igu nadnugan ni Laban asan si Hakub kay bapa niya sa kan Ribika, susun niya sinulang inda. Hinagkung niya ag inarkan si Hakub bag-u dinara sa kay balay. Ag ati itinultul ni Hakub sa kan Laban ti tanan nangyari.

Kanta 115:15

Mana papaladan kamu Panginuun imaw ti naglalang sa kalangitan ag sa kalibutan.

Kabagawan 17:8

Magpaniwala ti iba ti suhul parihu sa salumangka mahimu makabuwat una hintay.

Kabagawan 18:16

Madali kawu makapakarani sa makapangyarihan pag tawu nu may dara kawu pamakaun sa kanya.

Talaghusay 17:2

Usa ka sirang, magkun si Mikas sa kay ina, “Nadnugan niku sinaadan nimu ti nagbuul kanmu 1,100 pilak. Indaay ti pilak, aku ti nagbuul inda.” Pagka natanggap inda niya ina, magkun siya, “Anak, mana papaladan kawu Panginuun. Ihandug niku inda pag pilak sa Panginuun hampay unman rumas-ug sa kanmu ti saad. Gamitun niku inda pag pilak panpahaklup sa kang ipabwat diyus-diyusan kayu. Hu, ihandug niku inda sa Panginuun hampay maribri kawu sa saad.”

Rut 3:10

Magkun si Buus, “Anak, papaladan mana kawu Panginuun. Ti pagkamatinupadun kanmu ipinakakit taynguna sa kanmu magtal-anakan balaw di ga sa ipinakakit nimu kaybi. Dahil balaw kawu naghingbut sa kan-akan, mayaman ngatay pugri.