Gimpuunan 24:3 - Hanunuu

³ ag pagsumpa kawu sa kangku sa ngaran Panginuun, ti Diyus langit ag daga, kuntay balaw kawu manpili arasawan-un niku anak ni Isaak sitay ginan sa Kanaan kaibahan nita mag-ulian.

Gimpuunan 24:3 Iomraidhean Croise

Gimpuunan 14:19

Pinapaladan niya si Abram magkun: “Abram, mana papaladan kawu Diyus Makamaskihan sa tanan ti naglalang langit ag daga.

Gimpuunan 14:22

Dapat magkun si Abram sa hari Suduma, “Magsumpa aku sa atubangan Panginuun, ti Diyus Makamaskihan sa tanan, ti naglalang langit ag daga,

Gimpuunan 21:23

Nakan pagtaratu kawu sa kangku sitay sa ngaran Diyus kuntay balaw nimu aku dayaun hanggan kang manga linahi. Pakakitan kanmu kaayadan sa kangku hanggan sa inda pag rugar kanmu pag-ulian taynguna bilang day-uhan, ga kang diman ipinakakit pag kaayadan sa kanmu.”

Gimpuunan 24:7

Dinara aku sitay tag Panginuun, ti Diyus kalangitan, ginan sa magtal-anakan niku ama, sa rugar nu naan aku pag ainanak. Ag nagsumpa siya kay ipakaun inda pag daga Kanaan sa kang manga linahi. Nakan pagginan yi kawu dahil manpadara ti Panginuun kay anghil man-iba sa kanmu hampay makakit kawu ati maasawa niku anak.

Gimpuunan 27:46

Kas-a magkun si Ribika sa kan Isaak, “Magkasamuk yi gid aku sa kang buhi dahil sa manga asawa Hitiyu ni Isaw. Nu ti maasawa ni Hakub taga sitaay lang diman waydi usa ka babayi Hitiyu mayad waya mamatay yi lang aku.”

Gimpuunan 28:1

Nakan ipinatawag ni Isaak si Hakub. Igu rinmas-ug, pinapaladan niya ag sinugu, “Danga kawu mag-asawa taga Kanaan.

Gimpuunan 28:8

Nakan ati pag naalaman ni Isaw dayu maaw kay ama manga babayi taga Kanaan.

Gimpuunan 34:9

Mayad waya maasawa manga kalay-awan lalaki nimi kanyu manga daraga ag maasawa diman niyu manga kalay-awan lalaki kanmi manga daraga.

Gimpuunan 38:2

Ati pag nakilala ni Huda kay anak ni Suwa taga Kanaan ag kay inasawa.

Gimpuunan 47:31

Magkun si Hakub, “Pagsumpa kawu sa kangku tupadun gid nimu inda.” Nakan nagsumpa ngani si Husi sa kanya, ag linmuhud si Hakub sa kay igyaan hampay manpasalamat sa Diyus.

Gimpuunan 50:25

Bag-u pinasumpa ni Husi ti manga Israilita. Magkun siya, “Itaratu niyu nu paighitun yi kamu Diyus sitay ginan, daraha di niyu kang manga but-ul sa pagginan niyu sa inda pag daga.”

Gimpuunan 6:2

Nakitan manga anak Diyus ti manga mararinu pag manga anak babayi, nakan inasawa nida kanda pagkaibgan asawan-un.

Gimpuunan 6:4

Ati katpung pag panahun, ag sa manga nakalawuy, may manga kilala pag manga tawu sa kalibutan ginan sa lahi manga anak Diyus ti nag-asawa mararinu pag manga babayi. Makapangyarihan sida ag kilala pag manga tawu sa un-an pag manga kapanahunan.

2 Hari 19:15

Bag-u nandarangin siya, “Panginuun, Diyus Israil matukawan sa tukawan hari sa karaw-an manga kirubin, kawu lang ti Diyus sa tanan kaharian sitay sa kalibutan. Linalang nimu ti kalangitan hanggan ti kalibutan.

2 Krunika 2:12

Dayawun ti Panginuun, ti Diyus Israil, ti naglalang langit ag daga! Pinakan-an niya si Hari Dabid matinudukun pag anak, punu kaalaman ag pan-intindi, ti mamatindug Balay Diyus para sa Panginuun hanggan balay para sa kay sadili.

Isra 5:11

“Inda duy kanda sagut sa kanmi: ‘Manga suruguun kami Diyus sa langit ag sa kalibutan, ag pag-ibungsud maan nimi ti Balay Diyus, ti ibinungsud kaybi usa ka makapangyarihan pag hari Israil.

Nihimyas 13:25

Nakan sinungyaw niku ag sinaadan ti manga taga Huda. Binakul niku ti iba sa kanda ag linanit kanda manga buhuk. Ipinasumpa niku sida hanggan kanda manga anak sa ngaran Diyus kuntay balaw yi sida mangasawa sa manga day-uhan.

Nihimyas 9:6

Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Kanta 115:15

Mana papaladan kamu Panginuun imaw ti naglalang sa kalangitan ag sa kalibutan.

Kanta 136:26

Pasalamati ti Diyus asan sa langit. Kay pagmahal unman may katapusan.

Pag-ighit 20:7

“Danga niyu paggamita kang ngaran sa unman may pulus. Aku, ti Panginuun niyu Diyus, ti pumarusa una si unu ti gumamit kang ngaran sa unman may pulus.

Pag-ighit 22:11

kailangan umatag ti nag-alaga sa atubangan Panginuun ag manumpa unman siya may alam tungkul sa nangyari. Kailangan inda paniwalaan may apu, ag balaw siya pabayadun.

Pag-ighit 23:13

“Sunda niyu inda tanan kang sinabi sa kanyu. Danga kamu magdarangin sa tuhay pag manga diyus ngatay sampitun lang kanda ngaran.

Pag-ighit 34:16

Barang maasawa niyu manga anak kanda manga anak, imaw ti gumarya sa kanyu manga anak hampay mansamba sa tuhay pag manga diyus.

Isayas 45:23

Nagsumpa aku sa kang sadili, ti manga pagsabihun niku balaw yi mauman: Manluhud ti tanan tawu sa kangku ag mansumpa sida sumunud sa kangku.

Isayas 48:1

“Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Isayas 65:16

Una si unu sa daga Israil ti mamagaw papalad ngatay saad mabuwat inda sa kang ngaran — ti Diyus matinupadun. Dahil kalimtan yi niku ti manga nalawyan pag kakurian, bul-un yi niku sa kang naisipan.

Hirimyas 10:11

Sabihun niyu sa manga magsamba sa tuhay pag diyus, “Kanyu manga diyus balaw naglalang langit ag daga pihu madura di sa kalibutan.”

Hirimyas 12:16

Basta nu tanggapun nida buu tagipusuun ti pagsarig niku manga nasakupan ag nu manumpa sida sa ngaran niku, parihu sa itinudlu nida sa manga nasakupan niku kuntay pagsumpa sa ngaran ni Baal, mahimu miminsan diman sida sa nasakupan niku.

Hirimyas 29:6

Pag-asawa kamu agud magkaanak kamu. Pabay-ani diman niyu mangasawa kanyu manga anak hampay yumamu gid kamu.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Libitiku 19:12

Danga kamu magsumpa sa kapudilan tabug sa kang ngaran, dahil nu buwatun niyu inda paglapastanganun niyu kang ngaran. Aku ti Panginuun.

Sipanyas 1:5

Papasun diman niku ti manga tawu magdayik sa bubungan nida manga balay hampay mansamba sa init, sa bulan, hanggan sa manga pamgasan. Papasun niku ti manga magsamba ag magpanumpa mansirbi sa kangku, dapat magpanumpa diman mansirbi sa diyus-diyusan sa kan Muluk.

Bilang 5:21

magsumpa aku bumaliw halimbawa sa manga tawu ti saad Diyus sa kanmu, ag balaw yi kawu magkaanak.

1 Kurintu 7:39

Ti babayi nu may asawa kailangan magpausa sa kanya hanggan waya buhi kay asawa. Dapat nu namatay yi kay asawa, mahimu siya makaasawa sa una naan pag lalaki kay magustuhan, basta parihu napasakup sa Panginuun.

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 6:13

“Galanga niyu ti Panginuun niyu Diyus; siya lang gid kanyu sirbihan ag pagtaratu kamu sa kay lang ngaran.

Hibriyu 6:16

Nu abi may manga tawu magtalaluhan bag-u may surumpaan, pagsampitun nida ti lalu makapangyarihan sa kanda hampay parig-unun kanda patutuu, bag-u napda kanda magtalaluhan.

Huswi 2:12

Nakan kainda, pagsumpa kamu sa ngaran Panginuun pakakitan niyu kaayadan kang magtal-anakan, parihu sa kang binwat kaayadan sa kanyu. Pakan-i niyu aku puruyba

Talaghusay 14:3

Dapat nagsagut kay manga gurang, “Hayga gustu gid nimu mangasawa ginan sa manga Pilistiyu unman magsarig sa Diyus? Unman gid aw lugud kawu may magkapilian sa kanta manga kakilala ngatay kasimanwa?” Nagsagut si Samsun sa kay ama, “Basta bul-a niyu siya para sa kangku, dahil siya kang pagkaibgan.”

1 Samwil 20:17

Ag ipinataratu maan ni Hunatan si Dabid sa kay pagmahal sa kanya, dahil pagmahalun gid niya si Dabid parihu sa kay pagmahal sa kay sadili.

1 Samwil 30:15

Nagpaingana si Dabid sa kanya, “Mahimu aw nimu kami maibahan atag sa manga tawu nagbihag sa kanmi magtal-anakan?” Sinmagut siya, “Pagsumpa dapu kawu sa kangku sa atubangan Diyus balaw nimu aku matyun ngatay ipakaun sa kang amu, ibahan di kawu niku.”