Gimpuunan 24:11 - Hanunuu

¹¹ Igu rinmas-ug ti suruguun sa banwa, pinaluhud niya ti manga kamilyu arani sa may bubun sa may luwas banwa. Malambung yi tunda katpung, udas yi panaas danum manga kababayihan.

Gimpuunan 24:11 Iomraidhean Croise

Gimpuunan 24:42

“Nakan pagras-ug niku kis-ab sa bubun, nandrangin aku. Magkun aku, ‘Panginuun, Diyus niku amu, ni Abraham, mana mitarus duy kang gayak ataytag.

Gimpuunan 29:2

May nakitan siya usa ka bubun ati sa mapadang ag siyun sa kay saruy may tulu ka manada karanidu magpahari, dahil siyun pag magbuul danum ti manga tawu pag-ipainum sa kanda manga karanidu. Tunda pag bubun pag takluban daka pag batu.

Pag-ighit 2:15

Pagka naalaman hari Ihiptu kay binwat ni Muysis, ginayak niya matyun siya. Dapat nalagiw si Muysis atag sa Midyan bag-u ati pag nangulian. Pagka sa usa ka sirang, tinmukaw siya sa saruy bubun.

Pag-ighit 2:16

Rinmas-ug waydi ti pitu ka anak babayi manughandug sa Midyan hampay manaas ag mamainum manada hayup nida ama.

Kabagawan 12:10

Ti matadlung pag tawu mayad mag-alaga sa kay hayup, dapat ti daut pag tawu maisug ag unman magkaawa sa kay manga hayup.

Huwan 4:7

May babayi taga Samarya rinmas-ug siyun manaas. Sinabi ni Hisus sa kanya, “Nai duy danum.”

Talaghusay 5:11

Patingihi niyu ti manga tultulanun manga tawu sa sangput manga bubun. Pag-itultul nida ti manga panalu Panginuun sa manga sundalu sa Israil. Bag-u namatakda ti nasakupan Panginuun sa may puwirtahan banwa magkun,

1 Samwil 9:11

Katpung magtukad di waya sida sa bantud banwa, may nasulang sida manga daraga manaas danum. Nagpaingana sida sa manga daraga, “Atay aw nguna taynguna ti manughula?”