Gimpuunan 23:4 - Hanunuu

⁴ “Mag-uli aku sitay sa kanyu rugar usa ka day-uhan, nakan nu mahimu pabilihi aku niyu daga mahimu lulubngan niku asawa.”

Gimpuunan 23:4 Iomraidhean Croise

Gimpuunan 17:8

Kamu manga day-uhan lang taynguna sa daga Kanaan. Dapat ipakaun niku inda pag buu daga sa kanmu hanggan sa kanmu manga linahi. Kanyu yi inda hanggan aban, ag aku kanyu Diyus hanggan aban.”

Gimpuunan 23:5

Sinmagut ti manga Hitiyu,

Gimpuunan 3:19

Kailangan magbudlay gid kawu sa hustu agud may makaun, tugka sa bumalik kawu sa daga sa kanmu gininanan. Dahil ginan kawu sa daga, sa daga diman kawu pag bumalik.”

Gimpuunan 47:9

Nagsagut siya, “130 yi duy ka timpu. Dag-ud ag makuri duy kang buhi sitay sa daga; unman inda nag-aput sa kadugayun buhi niku manga ginurang.”

Gimpuunan 49:30

Tunda pag tanman ati sa Makpila, sa butlakan Mamri baliwa, sakup Kanaan. Binili niku laki ni Abraham tunda pag tanman sa kan Iprun hampay buwatun kalubngan.

Gimpuunan 50:13

Dahil dinara nida kay bangkay sa Kanaan ag ilinbung sa lukib ati sa tanman Makpila, sa butlakan Mamri. Binili ni Abraham tunda pag tanman sa kan Iprun usa ka Hitiyu hampay buwatun lulubngan.

1 Krunika 29:15

Alam nimu maglawuy lang kami sitay sa kalibutan parihu sa kanmi manga ginurang. Kanmi buhi sa kalibutan parihu sa aninu balaw pumirmaminti.

Hub 30:23

Alam niku pagdaran-un nimu aku sa ulian manga namatay, sa ulian itinagka nimu atagan tanan manga tawu.

Kanta 119:19

Maglawuy lang aku sa inda pag kalibutan, nakan tultulan sa kangku kanmu manga sugu.

Kanta 39:12

Saguta kang darangin, Panginuun; patingihi kang maghagad awat. Danga kawu magpabungul sa kang maglumi. Dahil usa lang aku ka day-uhan pag bisita nimu sitay sa kalibutan, parihu sa tanan niku manga ginurang.

Pag-ighit 2:22

Si Sipura namuduy ag nanganak usa ka lalaki. Pinaingarnan ni Muysis Girsum, dahil magkun siya, “Day-uhan aku sa inda pag daga.”

Manugtudlu 12:5

Magkadala yi kawu magdayik sa abwat pag rugar ngatay maglakaw usa-usa sa karsada. Manlagti yi kanmu manga buhuk ag madura yi kanmu kabisugan hanggan manga pagkaibgan. Aban sa uryan, atabug yi kawu sa kanmu ulian unman may katapusan, ag mayamu ti manrukuan sa kanmu sa manga karsada.

Manugtudlu 12:7

Nu katunda, bumalik kawu sa daga nu naan kawu ginan, ag kanmu ispiritu bumabalik sa Diyus imaw ti nagpakaun inda.

Manugtudlu 6:3

Kang masabi mas mayad waya ti usa ka lapsag iinanak tigbak kaysa tawu nabuhi ngani dugay ag nagkaanak mayamu, dapat unman nakalakaw kasulungan sa kay buhi ag ilinbung waya balaw mayad.

Libitiku 25:23

Balaw mahimu ipabili ti daga sa balaw yi matubus niyu, dahil kangku tunda pag daga; pagpatahanan ag pagpatanmanan lang niku tunda sa kanyu.

Binwat 7:16

Bag-u kanda dinara ti manga bangkay tabug sa Sikim, kanda ilinbung sa kalubngan kan Abraham binili sa manga linahi ni Hamur.

Binwat 7:5

Madi katida, unman siya pinakan-an Diyus daga ati katpung una di ga raprapa lang kay kadaka. Dapat itinaratu ngap Diyus sa kan Abraham inda pag daga ipakaun ngani sa kanya hampay kanya yi hanggan sa kay manga minamat una bukun yi siya. Dapat ati katpung udwaya may anak si Abraham.

Hibriyu 11:9

Dahil diman sa kay pagsarig nagpakapahalin-halin lang siya kay turda, bilang nangus ga balaw kanya pag daga madi imaw kay itinaratu Diyus sa kanya. Katida diman waydi sida ni Isaak ni Hakub, dahil minsan kanda maranahun pag taratu.

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.