Gimpuunan 23:20 - Hanunuu

²⁰ Nakan ti tanman hanggan ti lukib, ti daan magkaapu manga Hitiyu, naapu yi ni Abraham, ag binwat niya inda lulubngan.

Gimpuunan 23:20 Iomraidhean Croise

Gimpuunan 10:15

Si Kanaan kay ama ni Sidun ag ni Hit. Si Sidun kay panganay.

Gimpuunan 23:19

Ilinbung ngani ni Abraham si Sara sa lukib ati sa tanman Makpila, sakup daga Kanaan. Ti Makpila arani sa Mamri pag-ingarnan diman Hibrun.

Gimpuunan 23:4

“Mag-uli aku sitay sa kanyu rugar usa ka day-uhan, nakan nu mahimu pabilihi aku niyu daga mahimu lulubngan niku asawa.”

Gimpuunan 25:10

Tunda pag tanman binili ni Abraham sa atubangan manga Hitiyu. Ati pag ilinbung si Abraham hanggan kay asawa si Sara.

Gimpuunan 25:9

Ilinbung siya niya manga anak nida ni Isaak ni Ismail ati sa lukib sa Makpila, sa may butlakan Mamri, sa bantud magkaapu ni Iprun kaybi kay anak ni Suhar usa ka Hitiyu.

Gimpuunan 49:29

Pagkatapus, magkun si Hakub sa kay manga anak, “Taynguna, balaw yi dugay ag makaibahan yi niku kang manga katawuhan namatay. Nu mangyari yi inda, lubngan niyu aku sa lulubngan niku manga ginurang, ati sa lukib sa may tanman ni Iprun usa ka Hitiyu.

Gimpuunan 50:13

Dahil dinara nida kay bangkay sa Kanaan ag ilinbung sa lukib ati sa tanman Makpila, sa butlakan Mamri. Binili ni Abraham tunda pag tanman sa kan Iprun usa ka Hitiyu hampay buwatun lulubngan.

Gimpuunan 50:5

pasnui niya aku ilbung kang ama sa Kanaan. Dahil bag-u siya namatay, pinasumpa niya aku ilbung siya sa ipinabwat niya sa Kanaan pag lulubngan. Bumalik di aku matapus ti paglubung.”

2 Samwil 24:24

Dapat sinmagut si Dabid sa kanya, “Balaw mahimu niku inda tanggapun unman may bayad; bayadan niku kawu. Balaw aku manhandug sa Panginuun niku Diyus manga handug pagsunugun unman may halaga sa kangku.” Nakan binili ni Dabid ti giriukan hanggan ti manga baka sa halaga 50 ka bilug pilak.

2 Hari 21:18

Pagka namatay si Manasis, ilinbung siya sa gardin niya balay hari, ti gardin pag-ingarnan Usa. Ag si Amun kay anak imaw ti nag-ublus sa kanya sa kay pagka hari.