Gimpuunan 23:16 - Hanunuu

¹⁶ Nagpasnu ngani si Abraham sa sinabi ni Iprun pag halaga. Nakan namayad siya 400 bilug pilak angay sa kiluhan kaybi manga manug-ahinti. Ag ibinayad niya inda sa kan Iprun ati sa atubangan manga Hitiyu.

Gimpuunan 23:16 Iomraidhean Croise

Gimpuunan 23:15

“Panginuun, ti daga halaga 400 bilug pilak. Nu sa bagay, nu bayadan nimu, pira lang waydi inda sa kanmu hanggan sa kangku. Lubngan yi ati kanmu asawa.”

Gimpuunan 43:21

Igu mag-uli yi duy kami, pagka magkayabi yi nagpahari kami sa usa ka rugar, bag-u binukasan nimi ati kanmi manga saku ag nakitan nimi sa sulud ti ibinayad nimi para sa karan-unun. Nakan indaay yi duy, pag-iuli yi nimi inda pag kuwarta.

Gimpuunan 49:29

Pagkatapus, magkun si Hakub sa kay manga anak, “Taynguna, balaw yi dugay ag makaibahan yi niku kang manga katawuhan namatay. Nu mangyari yi inda, lubngan niyu aku sa lulubngan niku manga ginurang, ati sa lukib sa may tanman ni Iprun usa ka Hitiyu.

Gimpuunan 50:13

Dahil dinara nida kay bangkay sa Kanaan ag ilinbung sa lukib ati sa tanman Makpila, sa butlakan Mamri. Binili ni Abraham tunda pag tanman sa kan Iprun usa ka Hitiyu hampay buwatun lulubngan.

2 Samwil 14:26

Usa lang ka bisis siya magpauguy kada timpu nu magkabuyat siya sa kay buhuk. Nu kiluhun kay buhuk, abut tunda duwa ka kilu, angay sa garamitun hari pag kiluhan.

2 Samwil 24:24

Dapat sinmagut si Dabid sa kanya, “Balaw mahimu niku inda tanggapun unman may bayad; bayadan niku kawu. Balaw aku manhandug sa Panginuun niku Diyus manga handug pagsunugun unman may halaga sa kangku.” Nakan binili ni Dabid ti giriukan hanggan ti manga baka sa halaga 50 ka bilug pilak.

Hub 28:15

Balaw inda magkabili gintu aw ngatay pilak.

Pag-ighit 30:13

Ti ibayad kada usa mabilang sa sinsus unum ka guhit pilak angay sa timbangan paggamitun manga manughandug. Ipakaun nida inda bilang handug sa kangku.

Hirimyas 32:10

Pinirmahan ag tinatakan niya ti manga kasuratan sa bilihan sa atubangan manga kastigus bag-u kinilu ti pilak bilang kabaydanan.

Hirimyas 32:9

nakan binili niku tida pag tanman sa kan Hanamil sa halaga 17 ka bilug pilak.

Isikil 45:12

Ti ‘sikil’ imaw ti dapat basihan sa pagsukat buyat. Ti usa ka ‘sikil’ 20 ka giras, ag 60 ka ‘sikil’ usa ka ‘mina.’

Sakaryas 11:12

Magkun aku sa kanda, “Nu sa kanyu isip pakan-an niyu aku kaupahan, ipakaun niyu ti kaupahan niku. Dapat nu unman, kanyu yi lang inda.” Nakan inupahan nida aku 30 ka bilug pilak bilang kabaydanan niku.

Matiyu 7:12

“Nakan ngani buwatun niyu sa kanyu kaparihu ti kanyu gustu kanda buwatun sa kanyu. Inda yi ngani ti kahulugan Kasuguan ni Muysis ag ti kahulugan tudlu manga Purupita.”

Binwat 7:16

Bag-u kanda dinara ti manga bangkay tabug sa Sikim, kanda ilinbung sa kalubngan kan Abraham binili sa manga linahi ni Hamur.

Ruma 13:8

Danga magpalya kamu sa kanyu kasunduan magbayad utang una sa kantapu. Danga paglimti kanyu pagmahal sa usa kag sa usa dahil ti pagmahal sa kaparihu tawu imaw ti makatupad sa Kasuguan Diyus.

Pilipus 4:8

Inda waya manga patar-ari, kang pagsabihun sa kanyu. Ilubus niyu kanyu naisipan sa una hintay pag manga kaayadan sa ikadayaw manga iba. Nakan ngani pag-ugali yi kanyu naisipan sa manga lunsay tutuu, sa manga pagbayaun manga tawu, sa mahal, sa balaw may ikasabi, sa maalumanay pag-iisip, sa manga pagmahalun manga iba.

1 Tisalunika 4:6

Danga kamu magbuwat daut ngatay magdaya sa kanyu kaparihu, parihu sa magpanguragin niya asawa. Kanmi yi sinabi ag ipinaalam inda sa kanyu kaybi di waya, dahil parusahan Diyus una si unu ti magbuwat katunda.