Gimpuunan 22:9 - Hanunuu

⁹ Pagka rinmas-ug sida sa rugar sinabi Diyus, namuwat si Abraham harandugan, bag-u itinungbaw niya ti manga kayu pamagba sa kay babaw inda. Bag-u ginapus niya si Isaak ag itinungbaw sa babaw harandugan.

Gimpuunan 22:9 Iomraidhean Croise

Gimpuunan 12:7

Bag-u napakakit ti Panginuun sa kan Abram ag magkun, “Inda pag daga ipakaun niku sa kanmu manga linahi.” Nakan nagbuwat harandugan si Abram para sa Panginuun imaw ti napakakit sa kanya.

Gimpuunan 12:8

Siyun ginan, napahalin sida atabug sa bantud sa may butlakan Bitil, ag ati sida pag nagpatindug turda, sa karaw-an Bitil bag-u Hay. Ti Bitil sa may isalpan ag ti Hay sa may butlakan waydi. Nagbuwat diman harandugan ati si Abram ag nagsamba sa Panginuun.

Gimpuunan 13:18

Nakan hinalin ni Abram kay turda, ag ati siya pag nangulian sa may arani daka puun kayu ni Mamri ati sa Hibrun, bag-u nagbuwat siya ati harandugan para sa Panginuun.

Gimpuunan 22:10

Bin-ul niya kay utak, ag pagka matyun yi mana niya si Isaak,

Gimpuunan 22:8

Sinmagut si Abraham, “Anak, ti Diyus di ti manpakaun kanta handug karanidu.” Ag naparargu sida sa kanda maglakaw.

Gimpuunan 8:20

Nagbuwat harandugan si Nuwi para sa Panginuun. Bag-u nagbuul siya usa sa kada kalasi hayup malumpiyu hanggan diman sa kada kalasi manga manuk malumpiyu, bag-u sinunug niya inda sa harandugan bilang handug sa Panginuun.

1 Hari 18:33

Hiniwat niya mayad ti manga pamagba sa harandugan, iniyaw ti tudu baka ag ibinugtang sa babaw pagba. Bag-u magkun siya sa manga tawu, “Buhusi niyu upat ka tapayan danum ti handug hanggan ti pamagba.” Makalawuy nida buwatun inda,

Kanta 118:27

Ti Panginuun, Diyus; ag mayad gid siya sa kanta. Magdara kita manga sanga kayu sa pagdaus pista, ag manangput kita sa harandugan.

Matiyu 27:2

Kanda pinagapus siya bag-u kanda dinara hampay ipabahala siya sa kan Gubirnadur Pilatu.

Markus 15:1

Pagka surip, nagpululungan dapu ti manga pangulu manughandug, ti manga paggurangunun manga Hudiyu, ti manga manugtudlu Kasuguan hanggan ti Katipunan manga Pinunu. Bag-u kanda pinagapus si Hisus, kanda dinara, ipinabahala yi sa kan Pilatu.

Binwat 8:32

Inda ngani ti bahagi sa Banal Kasuratan kay pagbasahun magkun, “Parihu ga karanidu unman mag-ingay nu darahun tag sa kay maratyan, una ga anak karanidu unman mag-ingay sa atubangan manug-uguy, katunda diman siya, unman gid siya nag-ingay.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

Santiyagu 2:21

Kay magkilala Panginuun sa kanta ginurang sa kan Abraham kuntay siya matadlung dahil sa kay binwat, unman aw? Ipinakaun niya kabay sa Diyus kay anak si Isaak, kay mana matyun sa surunugan manga pag-isagda sa Diyus.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”