Gimpuunan 22:3 - Hanunuu

³ Nakan igu sa sunud pag sirang, surip waya gid si Abraham nantaris-ak manga kayu pamagba sa handug, bag-u ikinarga niya inda sa kay asnu. Linmakaw siya kaibahan si Isaak hanggan kay duwa ka suruguun lalaki atabug sa rugar sinabi Diyus sa kanya.

Gimpuunan 22:3 Iomraidhean Croise

Gimpuunan 17:23

Sa tunda diman pag sirang, tinupad ni Abraham ti isinugu Diyus sa kanya. Tinuri niya kay anak si Ismail hanggan ti tanan lalaki sa kay magtal-anakan: ti manga ainanak sa kay ulian pag manga panawuhun hanggan ti manga binili niya pag panawuhun.

Gimpuunan 21:14

Kinaaldawan, surip waya gid nagbuul si Abraham karan-unun hanggan danum masukadan sa paknul, bag-u ipinapas-an inda sa kan Hagar. Pagkatapus, pinaighit yi ngani niya si Hagar kaibahan kay anak. Nagbaklay sida sa pangawakawaan Biirsiba balaw alam nu naan tag sida.

Gimpuunan 22:18

Ag sa panab-anan nimu linahi, papaladan niku ti tanan nasyun sa kalibutan, dahil nagsunud kawu sa kangku.”

Gimpuunan 22:2

Bag-u magkun ti Diyus, “Daran-a kanmu bugtung ag pagmahalun pag anak si Isaak bag-u pag-atag kamu sa daga Muriya. Pagdayik kamu sa itudlu niku pag bantud sa kanmu bag-u ati nimu pag ihandug sa kangku kanmu anak si Isaak, bilang handug pagsunugun.”

Gimpuunan 22:4

Pagka sa ikatlu pag sirang sa kanda maglakaw, nakitan ni Abraham balaw arayu ti rugar sinabi Diyus sa kanya.

Kanta 119:60

Pagtupadun niku madali kanmu manga sugu.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Matiyu 10:37

“Nu ti tawu magbaya sa kay ama hanggan sa kay ina balaw lang ga kay magbaya sa kangku, unman mahimu siya magpakiusa sa kangku. Nu ti tawu magbaya sa kay anak lalaki una anak babayi balaw lang ga kay magbaya sa kangku, unman mahimu siya magpakiusa sa kangku.

Lukas 14:26

“Una si unu pag tawu ti pumakarani sa kangku dayu mahimu kang tuludluan nu ipalabi niya kay ina hanggan kay ama, kay asawa, kay manga anak hanggan kay manga patar-ari, una kay sadili.

Galasya 1:16

Angay sa kay ginayak, ipinakilala niya sa kangku kay Anak hampay ti Mayad pag Barita tungkul sa kanya kang itudlu sa manga balaw Hudiyu. Pagka naalaman niku kay kagustuhan Diyus, unman gid aku nagpaingana waya una sa kantapu pag tawu.

Hibriyu 11:8

Dahil sa kay pagsarig naniwala si Abraham, pagka siya tinawag. Diyus hampay atabug sa usa ka rugar imaw kay tanggapun aban pag maranahun. Linmakaw si Abraham madi unman niya alam nu naan tag.

Huswi 3:1

Taynguna, maaga gid nagbangun si Huswi hanggan ti tanan Israilita. Nighit sida sa Sitim bag-u nag-atag sa Sapa Hurdan. Kinmampu dapu sida ati bag-u di nagdipay.

Huswi 8:10

Pagka surip, maaga waya gid tinipun ni Huswi kay manga tawuhan. Pinangunahan niya hanggan manga takinan Israil ti manga tawu sa kanda pag-atag sa Hay.