Gimpuunan 22:2 - Hanunuu

² Bag-u magkun ti Diyus, “Daran-a kanmu bugtung ag pagmahalun pag anak si Isaak bag-u pag-atag kamu sa daga Muriya. Pagdayik kamu sa itudlu niku pag bantud sa kanmu bag-u ati nimu pag ihandug sa kangku kanmu anak si Isaak, bilang handug pagsunugun.”

Gimpuunan 22:2 Iomraidhean Croise

Gimpuunan 17:19

Nagsagut ti Diyus, “Kay tutuu indaay di, kanmu asawa si Sara manganak lalaki ag paingarnan nimu siya Isaak. Sa kanya niku pag iparargu kang kasunduan sa kanmu, ag pumarargu inda pag kasunduan sa manga linahi niya hanggan aban.

Gimpuunan 21:12

Dapat magkun ti Diyus sa kanya, “Balaw nimu kailangan ikaruku ti tungkul sa kan Ismail hanggan sa kan Hagar. Sunda nimu ti sinabi ni Sara, dahil ginan sa kan Isaak pag umumpisa ti manga itinaratu niku pag manga linahi.

Gimpuunan 21:3

Iningarnan ni Abraham ti lapsag Isaak.

Gimpuunan 22:12

Magkun ti anghil, “Danga duy pagmatya kanmu anak! Taynguna, napatutuuhanan yi niku may dala kawu sa Diyus dahil balaw nimu inirangan kanmu bugtung pag anak.”

Gimpuunan 22:16

Magkun siya, “Inda kay pagsabihun Panginuun: Magsumpa aku sa kang sadili papaladan gid niku kawu lubus dahil balaw nimu inirangan aku sa kanmu bugtung pag anak. Pakan-an gid niku kawu manga linahi ga manga pamgasan kay kayamu sa langit ag ga baras sa baybay dagat. Sakupun nida ti manga banwa nida manga kalaban.

Gimpuunan 22:3

Nakan igu sa sunud pag sirang, surip waya gid si Abraham nantaris-ak manga kayu pamagba sa handug, bag-u ikinarga niya inda sa kay asnu. Linmakaw siya kaibahan si Isaak hanggan kay duwa ka suruguun lalaki atabug sa rugar sinabi Diyus sa kanya.

Gimpuunan 22:9

Pagka rinmas-ug sida sa rugar sinabi Diyus, namuwat si Abraham harandugan, bag-u itinungbaw niya ti manga kayu pamagba sa kay babaw inda. Bag-u ginapus niya si Isaak ag itinungbaw sa babaw harandugan.

Gimpuunan 8:20

Nagbuwat harandugan si Nuwi para sa Panginuun. Bag-u nagbuul siya usa sa kada kalasi hayup malumpiyu hanggan diman sa kada kalasi manga manuk malumpiyu, bag-u sinunug niya inda sa harandugan bilang handug sa Panginuun.

2 Hari 3:27

Nakan bin-ul niya kay panganay pag anak imaw mana ti umilis sa kay pagka hari, bag-u kay ihinandug inda sa may alad batu bilang handug pagsunugun. Dahil siti subra gid ti pangagalit laban sa manga Israilita, nakan pinabay-anan yi lang nida ti hari Muab ag nuli sida sa kanda rugar.

2 Krunika 3:1

Inumpisahan yi ni Sulumun ti pagpatindug sa Balay Diyus Panginuun sa Hirusalim ati sa bantud Muriya, nu naan pag napakakit ti Panginuun sa kay ama sa kan Dabid. Ati niya inda pag ipinatindug sa giriukan ni Arauna usa ka Hibusiyu, ti rugar inalistu ni Dabid.

Mikas 6:7

Makabaya aw nguna ti Panginuun nu handugan niku siya linibu-libu karanidu ag magralapwas pag lana ulibu? Ihandug aw nguna niku sa kanya kang anak panganay bilang kabaydanan niku manga kasalanan?”

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Ruma 5:8

Dapat nagbuwat ti Diyus usa ka puruyba tungkul sa kay pagmahal sa kanta, pagka si Kiristu namatay para sa kanta, katpung kita makasalanan waya.

Ruma 8:32

Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?

Hibriyu 11:17

Si Abraham ti pinangakuan Diyus. Sinubukan siya Diyus, dapat dahil sa kay pagsarig, alistu siya hampay matyun niya ipakaun sa Diyus kay anak madi usa-usa, kay ngaran si Isaak.

Talaghusay 11:31

ihandug niku bilang handug pagsunugun sa kanmu ti un-an lumwas sa kang balay hampay mansulang sa kang pag-uli panalu ginan sa labanan.”

Talaghusay 11:39

Pagkalawuy duwa ka bulan, namalik siya sa kay ama. Ag tinupad ni Hipti kay itinaratu sa Panginuun, namatay kay anak usa ka tugnaw pag daraga. Inda ti inumpisahan kaugalian Israil