Gimpuunan 21:8 - Hanunuu

⁸ Dinmaka si Isaak, ag pagka sa sirang niwalay yi siya sa kay magsusu sa kay ina, nanhiwat si Abraham usa ka daka pag karan-an.

Gimpuunan 21:8 Iomraidhean Croise

Gimpuunan 19:3

Dapat pinilit sida ni Lut, nakan kinmuyug yi lang sida sa kay balay. Nag-alistu manga karan-unun ag irinmun si Lut. Nagtama diman siya tinapay unman may pamadaka. Igu alistu yi, nanyapun yi sida.

Gimpuunan 21:7

Si unu ti makaisip makasabi sa kan Abraham kuntay makapasusu waya aku lapsag? Dapat nanganak waya aku una gurangun yi siya.”

Gimpuunan 21:9

Sa usa ka sirang, nakitan ni Sara pagsurugun ni Ismail si Isaak. (Si Ismail kay anak ni Abraham sa kan Hagar, usa ka Ihipsiyu.)

Gimpuunan 26:30

Nakan nanhandaan si Isaak para sa kanda ag nangaran-an sida ag nan-inuman.

Gimpuunan 29:22

Nagpasnu ngani si Laban, nakan naghanda siya karan-an ag binan-awan niya ti tanan tawu sa ati pag rugar.

Gimpuunan 40:20

Nagras-ug ti ikatlu pag sirang ag inda ti kasirangan hari Ihiptu. Nakan nag-alistu siya para sa tanan takinan niya. Pinaluwas niya sa pirisuhan ti takinan manga manugsirbi niya irinmun hanggan ti takinan manugtama tinapay, bag-u pinaatubang sa kay manga takinan.

2 Samwil 3:20

Pagka nakaras-ug si Abnir sa Hibrun kaibahan kay 20 ka tawuhan, nag-alistu si Dabid kasayahan para sa kanda.

1 Hari 3:15

Napulaw si Sulumun, ag nasalman niya naghampang ti Panginuun sa kanya sa panab-anan tagin-up. Pagbalik ni Sulumun sa Hirusalim, tinmindug siya sa atubangan Kaban Kasunduan Panginuun, ag nanhandug, manga handug pagsunugun hanggan manga handug para sa mayad pag pakiusa. Ag nagpaalistu siya karan-unun para sa tanan niya manga manugpamahala.

Istir 1:3

Pagka may tulu yi ka timpu kay pagka hari, nag-alistu siya daka pag karan-an sa kay manga takinan ag sa iba waya niya suruguun sa balay hari. Nandulud diman waydi ti manga takinan manga sundalu taga Pirsiya hanggan taga Midya, una ti may kangaranan pag manga tawu hanggan ti manga takinan manga purubinsiya.

Kanta 131:2

Sa ungud, kuntintu yi aku parihu sa hiwalay yi pag anak unman yi maghingbut manusu sa kay ina.

Husyas 1:8

Pagka mag-iblag yi sa susu si Lu Ruhama, namuduy maan si Gumir ag nanganak lalaki.

Talaghusay 14:10

Nag-atag kay ama ni Samsun sa balay urumagadun niya, ag ati nangalistu karan-an si Samsun angay sa surundanun nida kailangan buwatun lalaki.

Talaghusay 14:12

Magkun si Samsun sa kanda, “May patigmahun aku sa kanyu. Nu mapintuan niyu inda bag-u matapus ti pitu ka sirang karan-an, pakan-an niku kamu 30 ka pisahan linu ag 30 diman ka mahalaga pag rutay.

1 Samwil 1:22

Dapat unman kinmuyug si Hana. Magkun siya sa kay asawa, “Nu bumul-iw yi ti lapsag sa pagsusu sa kangku darahun niku siya sa Turda Taragbuan Panginuun hampay ihandug sa kanya. Ati yi siya pag muli sa buu niya buhi.”

1 Samwil 1:24

Pagka nagbul-iw sa pagsusu ti lapsag, dinara siya ni Hana sa Turda Taragbuan Panginuun ati sa Silu. Nandara diman siya tulu ka timpu tudu baka, tunga saku arina ag intus masukadan sa paknul.

1 Samwil 25:36

Pagka rinmas-ug si Abigil sa kay balay, magkasayahan sida ni Nabal ga pista yi sa kaharian. Masyadu gid masulung si Nabal ag langu yi gid siya, nakan unman yi niya itinultul tugka sa surip sa kan Nabal kay pagpasampak sa kan Dabid.