Gimpuunan 21:14 - Hanunuu

¹⁴ Kinaaldawan, surip waya gid nagbuul si Abraham karan-unun hanggan danum masukadan sa paknul, bag-u ipinapas-an inda sa kan Hagar. Pagkatapus, pinaighit yi ngani niya si Hagar kaibahan kay anak. Nagbaklay sida sa pangawakawaan Biirsiba balaw alam nu naan tag sida.

Gimpuunan 21:14 Iomraidhean Croise

Gimpuunan 16:7

Nakitan anghil Panginuun si Hagar ati sa may bulbugan sa pangawakawaan. Inda pag bulbugan arani sa may dalan atabug sa Sur.

Gimpuunan 19:27

Pagka surip, daldali nag-atag si Abraham sa rugar nu naan siya pag naghampang sa Panginuun.

Gimpuunan 21:13

Ag ti tungkul waydi sa kan Ismail, manyamu diman kay linahi ag usa diman sida ka nasyun, dahil anak diman nimu siya.”

Gimpuunan 21:15

Pagka natabu yi kanda danum, tinayakan niya kay anak sa sirung usa ka puun kayu diit

Gimpuunan 21:31

Dahil sa kanda sumpaan, tunda pag rugar iningarnan Biirsiba.

Gimpuunan 21:33

Nantanum si Abraham usa ka puun kayu tamarisku ati sa may Biirsiba ag sinamba niya ati ti Panginuun, ti Diyus hanggan aban.

Gimpuunan 22:19

Siyun ginan, binalikan nida ni Abraham ni Isaak kanda manga suruguun. Bag-u nuli sida sa Biirsiba ag ati yi pag nangulian.

Gimpuunan 22:3

Nakan igu sa sunud pag sirang, surip waya gid si Abraham nantaris-ak manga kayu pamagba sa handug, bag-u ikinarga niya inda sa kay asnu. Linmakaw siya kaibahan si Isaak hanggan kay duwa ka suruguun lalaki atabug sa rugar sinabi Diyus sa kanya.

Gimpuunan 24:54

Siyun ginan, kinmaun ti suruguun hanggan kay manga kaibahan. Ati sida pag naturug sa tunda pag yabi. Igu nipulaw sida sa surip, magkun ti suruguun, “Muli yi aku sa kang amu.”

Gimpuunan 26:31

Pagka sa sunud pag sirang, surip waya nagsumpa sida sa kada usa. Bag-u pinaginan ni Isaak sida may pagkarausa.

Gimpuunan 26:33

Iningarnan ni Isaak tunda pag bubun Shiba. Nakan tugka taynguna, tunda pag rugar pag-ingarnan Biirsiba.

Gimpuunan 28:18

Maaga binmangun si Hakub. Bin-ul niya ti batu kay sinangdayan sa tunda pag yabi ag ipinatindug bilang usa ka alaala. Bag-u binuhusan niya inda lana ulibu hampay bumaliw banal.

Gimpuunan 37:15

Igu ati yi siya palakaw-lakaw sa padang, may lalaki nagpaingana sa kanya nu hintay kay paghanapun niya.

Gimpuunan 46:1

Ginminan si Hakub atabug sa Ihiptu kaibahan kay magtal-anakan dara ti tanan niya kasiyunan. Pagras-ug niya sa Biirsiba, naghandug siya sa Diyus niya ama, ni Isaak.

1 Hari 19:3

Nadala si Ilyas, nakan nalagiw siya atabug sa Biirsiba sakup Huda, ag tinayakan niya ati kay suruguun.

2 Krunika 29:20

Kinaaldawan, surip waya tinipun yi ni Hari Isikyas ti manga may kangaranan sa banwa ag nag-atag sida sa Balay Diyus Panginuun.

Kanta 107:4

May manga tawu magbaklay sa pangawakawaan; unman nida mag-akitan ti dalan atabug sa banwa may mag-uli manga tawu.

Kanta 119:60

Pagtupadun niku madali kanmu manga sugu.

Kabagawan 27:14

Nu paringgit kanmu magbati sa surip sa kanmu kamalay, isipun niya saad tunda.

Kabagawan 27:8

Ti tawu naglayas sa kay balay parihu sa manuk naglayas sa kay pugad.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Isayas 16:8

Nadaut ti manga tanman sa Hisbun hanggan ti manga ubasan sa Sibma. Winayak manga takinan manga nasyun ti manga ubasan tugka sa Hasir atabug sa tigangan ag inmaput waya tugka sa Dagat Namatay.

Huwan 8:35

Ti panawuhun balaw miminsan sa magtal-anakan niya amu hanggan di. Dapat ti anak minsan di ngapu sa kay ama hanggan aban.

Huswi 3:1

Taynguna, maaga gid nagbangun si Huswi hanggan ti tanan Israilita. Nighit sida sa Sitim bag-u nag-atag sa Sapa Hurdan. Kinmampu dapu sida ati bag-u di nagdipay.

1 Samwil 15:12

Igu sa sunud pag sirang, surip waya gid binmangun si Samwil, bag-u linmakaw hampay mankabta sa kan Saul. Dapat may nagkumun sa kanya, “Nag-ati si Saul sa Karmilu hampay manpatindug ati tulduk batu para sa kay kadayawan, bag-u nag-ati siya sa Gilgal.”