Gimpuunan 20:7 - Hanunuu

⁷ Dapat kailangan nimu siya iuli sa kay asawa. Ag idarangin niya kawu hampay balaw kawu mamatay, dahil ti asawa niya usa ka purupita. Dapat nu unman nimu siya niuli, inda kang pagsabihun sa kanmu mamatay kawu hanggan ti tanan nimu tawuhan.”

Gimpuunan 20:7 Iomraidhean Croise

Gimpuunan 12:15

Ag pagka nakitan siya manga takinan hari, itinultul nida sa hari nu kabitay siya kay ka rinu. Nakan dinara si Saray ati sa balay hari.

Gimpuunan 12:17

Dapat pinadarahan Panginuun madala pag karamdaman ti hari hanggan kay manga tawuhan sa balay hari dahil sa kan Saray.

Gimpuunan 2:17

purya lang sa burak kayu magpakaun kadunungan nu hintay ti mayad ag ti daut. Dahil nu kan-un nimu tunda, sa tunda diman pag sirang pihu gid kawu mamatay.”

Gimpuunan 20:3

Usa ka yabi, napakakit ti Diyus sa kan Abimilik sa panab-anan usa ka tagin-up. Magkun siya, “Mamatay kawu dahil bin-ul nimu tunda pag babayi may asawa yi.”

Gimpuunan 20:8

Kinaaldawan, maaga waya ipinatawag ni Abimilik ti tanan niya pinunu ag sinabi sa kanda ti tungkul sa kay tagin-up. Ag nadala gid sida.

Gimpuunan 23:6

“Panginuun, pagkilalan-un kawu nimi bantug pag tawu, nakan mahimu nimu ilubung kanmu asawa una naan sa kanmi pinakamarinu pag manga lulubngan. Unman gid may mangirang lulubngan sa kanmu una di usa sa kanmi hampay milubung nimu kanmu asawa.”

2 Samwil 24:17

Pagka nakitan ni Dabid ti anghil magmatay manga tawu, magkun siya sa Panginuun, “Aku ti may kasalanan. Inda pag manga tawu parihu sa manga karanidu unman may nabwat kasalanan. Aku yi lang duy hanggan kang magtal-anakan ti parusahi nimu.”

1 Hari 13:6

Pagkatapus, magkun ti hari sa suruguun Diyus, “Daranginan aku sa Panginuun niyu Diyus, paayada niya kang kamang.” Nakan nandarangin ti suruguun Diyus sa Panginuun ag inmayad ti kamang hari.

2 Hari 5:11

Dapat nangisug si Naaman ag linmakaw yi magkurim-ud. Magkun siya, “Kang isip pihu gid lumuwas siya ag umatubang sa kangku. Kang isip manawag siya sa Panginuun sa kay Diyus bag-u ikupa niya kay kamang sa babaw niku lukub ag paayadun aku.

1 Krunika 16:22

Magkun siya, “Danga niyu paglabuta kang pinili pag manga manugsirbi; danga niyu pagsakti kang manga purupita.”

2 Krunika 30:18

Kayamuan sa manga nag-atag nag-ati sa Ipraim, Manasis, Isakar, ag Sabulun unman naglumpiyu kanda sadili, dapat nagkaun diman sida ihinandug para sa Pista Pag-alaala sa Karibrihan, una labag inda sa kasuguan. Dapat nandarangin si Hari Isikyas para sa kanda. Magkun siya, “Panginuun, sa kanmu duy kaayadan, mana patawadun nimu duy ti kada tawu

Hub 34:19

Unman siya may pagpalabihun manga takinan, ag unman niya pagbaliwahan ti manga mayaman kaysa pugri, dahil sida tanan parihu niya linalang.

Hub 42:8

Nakan kainda pagbuul kamu pitu ka tudu baka ag pitu ka karanidu lalaki bag-u pag-atag kamu sa kan Hub, ihandug niyu inda bilang handug pagsunugun para sa kanyu sadili. Mandarangin si Hub para sa kanyu ag dungugun niku kay darangin; balaw niku kamu parusahan angay sa kanyu balaw may namuangan. Unman bay kamu nagbagaw kang-ud tungkul sa kangku parihu sa binuwat ni Hub, kang manugsirbi.”

Kanta 25:14

Panginuun, arani kawu sa manga tawu maggalang sa kanmu ag pag-ipaalaala nimu sa kanda kanmu kasunduan.

Pag-ighit 18:17

Magkun si Hitru, “Balaw duy kang-ud inda kanmu palakaw.

Pag-ighit 4:16

Si Aarun kanmu manugbagaw sa manga tawu. Itudlu nimu nu hintay kay bagawun, bilang ga kawu ti Diyus.

Pag-ighit 7:1

Magkun ti Panginuun sa kan Muysis, “Pagpatingi kawu! Buwatun niku kawu ga diyus sa atubangan hari Ihiptu. Manhampang kawu sa kanya sa panab-anan nimu patar-ari ni Aarun.

Hirimyas 14:11

Bag-u magkun sa kangku ti Panginuun, “Danga kawu magdarangin para sa kaayadan inda pag manga tawu.

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 27:18

Nu ungud manga purupita sida ag ginan sa Panginuun kanda pagsabihun, pagdarangin sida sa Panginuun Makamaskihan kuntay ti manga garamitun natayak sa Balay Diyus sa balay hari sa Huda ag sa Hirusalim danga yi darahun tag sa Babilunya.

Isikil 3:18

Nu sumabi aku ti usa ka daut pag tawu mamatay, ag unman nimu siya pinaandaman kuntay pagsisi sa kay daut pag buruwatun hampay maribri siya, mamatay ati pag daut tawu dahil sa kay kasalanan, dapat suktun niku kawu sa kay pagkamatay.

Isikil 33:8

Nu sumabi aku sa daut pag tawu pihu gid siya mamatay dahil sa kay kasalanan bag-u unman nimu siya pinaandaman hampay bugyahan kay daut ugali, kawu kang suktun sa kay kamatayan.

Libitiku 6:4

Nu mapatutuuhanan kuntay nagkasala siya, kailangan iuli niya ti tinakaw, ngatay ti bin-ul lakaw sa pandaya, ti manga bagay iinintirga ag ipinahamnu sa kanya, una ti manga nadura pag bagay bag-u nakitan di niya,

Libitiku 6:7

Sa panab-anan inda pag buwat manughandug sa atubangan Panginuun, malukat ti tawu ginan sa kay kasalanan, ag patawadun siya Panginuun sa una hintay pag nabwat niya kasalanan.

Binwat 8:24

Bag-u sinabi ni Simun sa kanda ni Pidru ni Huwan magkun, “Idarangin duy niyu aku sa Panginuun hampay balaw mana mangyari sa kangku ti kanyu sinabi kuntay midamhak aku.”

1 Kurintu 14:4

Ti magbagaw sa tuhay-tuhay pag pamagaw magparig-un sa kay sadili sarig. Dapat ti magpurupita magparig-un sa iglisya.

Hibriyu 1:1

Kaybi waya ginan ipinadakit manga purupita ti manga binagaw Diyus sa kanta manga ginurang sa tuhay-tuhay pag udas ag sa tuhay-tuhay pag paraan.

Hibriyu 13:4

Kailangan galangun tanan tawu ti pag asawa. Kailangan magtupad ti mag-asawa sa usa kag sa usa. Dahil ti manga mahalay hanggan ti magpanguragin pasay sintinsiyahan Diyus.

1 Huwan 5:16

Nu may maghiling sa kay patar-ari magbuwat kasalanan unman ikamatay, idarangin niya tunda pag patar-ari bag-u pakan-an siya Diyus buhi. Inda tungkul lang sa manga magkasala unman sa ikamatay. Dahil may kasalanan diman sa ikamatay. Balaw kang pagsabihun idarangin niya ti manga mag-buwat kasalanan sa ikamatay.

1 Samwil 12:19

Sinabi tanan tawu sa kan Samwil magkun, “Kailangan duy idarangin nimu kami kanmu manga suruguun sa Panginuun nimu Diyus. Hampay kami balaw mamatay, dahil dinugangan nimi kanmi manga kasalanan katpung maghagad kami hari.”

1 Samwil 12:23

“Balaw gid duy aku umapas sa kang magdarangin sa kanyu, dahil nu abi kang apasan tunda ngap kasalanan niku laban sa Panginuun. Bagkus ngap itudlu di niku sa kanyu ti mayad hanggan matadlung pag-ugali.

1 Samwil 7:5

Sinabi ni Samwil sa manga Israilita, “Tipuna niyu ti buu nasyun Israil ati sa Mispa, hampay kang idarangin kamu sa Panginuun.”

1 Samwil 7:8

Sinabi nida sa kan Samwil magkun, “Danga duy kawu mag-apas sa darangin sa Panginuun nita Diyus hampay iribri niya kita sa manga Pilistiyu.”