Gimpuunan 20:3 - Hanunuu

³ Usa ka yabi, napakakit ti Diyus sa kan Abimilik sa panab-anan usa ka tagin-up. Magkun siya, “Mamatay kawu dahil bin-ul nimu tunda pag babayi may asawa yi.”

Gimpuunan 20:3 Iomraidhean Croise

Gimpuunan 12:17

Dapat pinadarahan Panginuun madala pag karamdaman ti hari hanggan kay manga tawuhan sa balay hari dahil sa kan Saray.

Gimpuunan 12:18

Pagka naalaman hari kay dahilan inda tanan, ipinatawag niya si Abram ag pinaingana, “Hintay inda kanmu binwat sa kangku? Hayga kawu ud nagsabi siya maaw kanmu asawa?

Gimpuunan 20:7

Dapat kailangan nimu siya iuli sa kay asawa. Ag idarangin niya kawu hampay balaw kawu mamatay, dahil ti asawa niya usa ka purupita. Dapat nu unman nimu siya niuli, inda kang pagsabihun sa kanmu mamatay kawu hanggan ti tanan nimu tawuhan.”

Gimpuunan 28:12

Igu turug yi si Hakub, nanagin-up siya may usa ka agdan matindugan sa daga abut tugka sa langit. Nakitan niya ti manga anghil Diyus magdayik ag magdugsun sa agdan.

Gimpuunan 31:24

Tunda katpung pag yabi, napakakit ti Diyus sa kan Laban taga Aram, sa panab-anan tagin-up. Magkun ti Diyus sa kanya, “Danga nimu pagbuwati daut si Hakub.”

Gimpuunan 37:5

Sa usa ka yabi, nanagin-up si Husi. Igu kay pag-itultul inda sa kay manga patar-ari, nag-amat di ti pangagalit nida sa kanya.

Gimpuunan 37:9

Nanagin-up maan si Husi ag itinultul maan niya sa kay manga patar-ari. Magkun siya, “Nanagin-up maan aku, nakitan niku ti init, ti bulan ag ti 11 ka pamgasan magyuk-ub sa kangku.”

Gimpuunan 40:5

Usa ka yabi, nanagin-up ti manugsirbi irinmun hari hanggan ti manugtama tinapay habang ati sida sa pirisuhan. Ti kada usa sa kanda tuhay kay tagin-up ag tuhay diman kay ibug sabihun.

Gimpuunan 40:8

Sinmagut sida, “Nanagin-up ngani duy kami dapat unman may makatultul kay ibug sabihun inda.” Magkun si Husi, “Ti Diyus ti magpakaun kadunungan sa pagtultul kay ibug sabihun manga tagin-up. Ta malu, tultulan niyu sa kangku nu hintay kanyu manga tagin-up.”

Gimpuunan 46:2

Igu yabi, nanhampang ti Diyus sa kanya sa panab-anan usa ka pangakakitun. Tinawagan niya, “Hakub, Hakub,” ag sinmagut sa kanya, “Inda di duy aku.”

1 Krunika 16:21

Dapat unman ipinahintulut Diyus apihun sida. Agud maalagaan sida, pagtamyawun niya ti manga hari maglaban sa kanda.

Hub 33:15

Magbagaw siya sa panab-anan tagin-up habang magkaturug hamuuk ti tawu nu yabi.

Hub 33:17

Pagbuwatun niya inda hampay umapas ti tawu sa pagbuwat salan ag pagpadayaw-dayaw,

Kanta 105:14

Dapat balaw pagpahintulutan Diyus unu-unuhun sida. Hampay maalagaan sida, tinamyaw niya ti manga hari maglaban sa kanda. Magkun siya,

Hunas 3:4

Nagsulud si Hunas sa Ninibi. Pagka natapus ti usa ka sirang lalakawun, magkun siya sa manga taga ati, “May 40 wadi ka sirang ti magkasawad rurisun yi ti Ninibi!”

Bilang 22:9

Nagpaingana ti Diyus sa kan Balaam, “Si unu tunda kanmu kaibahan pag manga tawu?”

Matiyu 1:20

Dapat pagka kay pag-isip-isipun waya tunda, ti usa ka anghil Panginuun nagpakakit sa kanya sa kay tagin-up. Magkun ti anghil, “Husi, kawu linahi ni Dabid, danga kawu magkadala mag-asawa sa kan Marya, dahil kay buduy ginan sa Ispiritu Banal.

Matiyu 27:19

Pagka si Pilatu nakatukaw sa kay tukawan biristahan, nagpasabi kay asawa atag sa kanya magkun, “Danga kawu maglabut siyun pag tawu unman may kasalanan, dahil kis-ab yabi nakurian aku sa kang tagin-up tungkul sa kanya.”