Gimpuunan 20:14 - Hanunuu

¹⁴ Inuli ni Abimilik si Sara sa kan Abraham, ag pinakan-an waya niya si Abraham manga karanidu, baka, hanggan manga suruguun babayi ag lalaki.

Gimpuunan 20:14 Iomraidhean Croise

Gimpuunan 12:16

Dahil sa kan Saray, mayad gid kay magpakiusa hari sa kan Abram ag pinakan-an waya siya manga karanidu, manga kambing, manga baka, manga asnu, manga kamilyu hanggan manga suruguun lalaki ag babayi.

Gimpuunan 20:11

Nagsagut si Abraham, “Kang isip duy unman gid una di usa atay ti maggalang sa Diyus, nakan nag-isip aku barang matyun niyu aku hampay mab-ul niyu kang asawa.

Gimpuunan 20:2

Habang ati sida, ti pakilala ni Abraham ati sa kan Sara sa manga tawu kay patar-ari inda. Nakan ipinab-ul si Sara ni Abimilik, ti hari sa Girar.

Gimpuunan 20:7

Dapat kailangan nimu siya iuli sa kay asawa. Ag idarangin niya kawu hampay balaw kawu mamatay, dahil ti asawa niya usa ka purupita. Dapat nu unman nimu siya niuli, inda kang pagsabihun sa kanmu mamatay kawu hanggan ti tanan nimu tawuhan.”

Gimpuunan 21:22

Ati katpung pag panahun, inmati si Abimilik sa kan Abraham kaibahan kay takinan manga sundalu si Pikul. Magkun si Abimilik sa kan Abraham, “Pag-awatan ungud kawu Diyus sa tanan nimu pagbuwatun.

Lukas 12:45

Dapat nu alangan tunda pag panawuhun umisip siya sa kay sadili, dugay waya bag-u bumalik kang amu. Bag-u binakul yi niya ti manga panawuhun lalaki hanggan babayi bag-u nanginum may sumsuman siya.