Gimpuunan 20:11 - Hanunuu

¹¹ Nagsagut si Abraham, “Kang isip duy unman gid una di usa atay ti maggalang sa Diyus, nakan nag-isip aku barang matyun niyu aku hampay mab-ul niyu kang asawa.

Gimpuunan 20:11 Iomraidhean Croise

Gimpuunan 12:12

Nu makitan kawu manga Ihipsiyu sabihun nida kawu kang asawa, nakan matyun nida aku hampay mab-ul kawu.

Gimpuunan 20:10

Hayga inda binwat nimu?”

Gimpuunan 20:12

Tutuu duy magtar-ari kami, dapat sa ama lang balaw sa ina; ag naasawa duy niku siya.

Gimpuunan 22:12

Magkun ti anghil, “Danga duy pagmatya kanmu anak! Taynguna, napatutuuhanan yi niku may dala kawu sa Diyus dahil balaw nimu inirangan kanmu bugtung pag anak.”

Gimpuunan 26:7

Nu may magpaingana taga Girar sa kan Isaak tungkul sa kay asawa, pagkumnun niya kay patar-ari si Ribika. Marinu si Ribika, nakan magkadala siya magsabi kuntay kay asawa inda, dahil barang matyun nida siya hampay mab-ul si Ribika.

Gimpuunan 42:18

Sa ikatlu pag sirang, magkun si Husi sa kanda, “Maggalang aku sa Diyus, nakan pakan-an niku kamu panahun hampay mabuhi nu sundun niyu kang pag-isugu sa kanyu.

Nihimyas 5:15

Dapat ti manga gubirnadur nag-una nagbaliw pabuyat sa manga tawu, dahil maghagad gid sida sa kanda sirang-sirang pagkaun hanggan irinmun purya waya sa 40 ka pulud pilak. Hanggan kanda manga may kangaranan nagpakuri sa manga tawu. Dapat unman gid niku tunda binwat, dahil magkadala aku sa Diyus.

Hub 1:1

May usa ka lalaki mag-uli sa rugar Us kay ngaran si Hub. Matadlung siya, ag unman may ikasabi kay pangabuhi. Maginalangun siya sa Diyus ag maaman sa magbuwat daut.

Hub 28:28

Bag-u magkun siya sa manga tawu, ‘May kadunungan kamu ag pag-intindi nu maggalang kamu sa Panginuun ag mag-aman sa kadautan.’ ”

Kanta 14:4

Unman aw lugud alam inda pag daut manga tawu sa kanda pagbuwatun? Magkabuhi sida sa panab-anan pagpanguwarta sa kang manga kasimanwa, ag unman sida magdarangin sa Panginuun.

Kabagawan 1:7

Nu ti usa ka tawu magkaibug dumunung kailangan paggalang siya sa Panginuun. Ti tawu kurang kay intindi unman magkaibug kadunungan ag balaw niya gustu tumadlung kay ugali.

Kabagawan 16:6

Nu pagmahalun nita tapat ti Panginuun, patawadun niya kanta manga kasalanan. Nu paggalangun nita siya, makaaman kita sa kadautan.

Kabagawan 2:5

Nu buwatun nimu inda, maalaman nimu nu kabitay ti maggalang sa Panginuun, ag masalman nimu ti tungkul sa kanya.

Kabagawan 8:13

Ti maggalang sa Panginuun magkadaut sa daut. Pagkadat-an niku ti marapadayaw-dayaw, ti marapalabilabihun, ti daut pag-ugali, hanggan ti marapudil.

Ruma 3:18

Unman nida pagpakan-an rugar sa kanda tagipusuun ti magkadala sa Diyus.”