Gimpuunan 2:9 - Hanunuu

⁹ Pinatubu Panginuun Diyus ti tanan kalasi manga kayu marinu bantayun ag kay manga burak masarap kan-un. Sa karaw-an halamanan may imaw puun kayu kabuhian, ag may imaw diman puun kayu magpakaun kadunungan nu hintay ti mayad ag ti daut.

Gimpuunan 2:9 Iomraidhean Croise

Gimpuunan 2:17

purya lang sa burak kayu magpakaun kadunungan nu hintay ti mayad ag ti daut. Dahil nu kan-un nimu tunda, sa tunda diman pag sirang pihu gid kawu mamatay.”

Gimpuunan 3:22

Magkun ti Panginuun Diyus, “Malu, kainda ti tawu parihu yi waydi sa kanta, magkilala yi sa mayad ag sa daut. Kailangan balaw gid siya pasnuan kumaun burak kayu kabuhian, dahil nu kumaun siya, magkaimaw siya buhi unman may katapusan.”

Gimpuunan 3:24

Pagka pinaighit yi ti tawu, ipinabantay sa halamanan Idin sa butlakan baliwa ti manga kirubin pag manga anghil. Nagpauli diman siya baladaw maglabdaban ag magbuyung hampay unman may makapakarani sa puun kayu kabuhian.

Gimpuunan 3:3

purya lang sa tunda pag burak kayu sa karaw-an halamanan. Dahil sinabi ngani Diyus danga gid kami magkaun tunda pag burak kayu, una di igpil danga gid mag-igpil pihu kami mamatay.”

Gimpuunan 3:5

Sinabi tunda Diyus dahil alam niya nu kumaun kamu tunda pag burak kayu, mabukasan kanyu naisipan ag kamu ga Diyus yi waydi aban, magkilala sa mayad ag sa daut.”

Kabagawan 11:30

Ti manga pagbuwatun tawu matadlung makaawat sa iba agud mayad ag lumawig kanda buhi. Ag madara niya ti manga tawu sa kay kadunungan.

Kabagawan 3:18

Mapalad ti tawu may kadunungan; ti kadunungan ikaayad ag ikalawig niya buhi.

Isayas 44:25

Ipinabuyu niku ti hula manga magpabalhingu purupita. Binwat niku busal ti manga manughula. Pagbaliskadun niku ti pagsabihun manga madunung, pagbuwatun niku ud may pulus kanda magkaalaman.

Isayas 47:10

Magpaniwala kawu balaw midamhak sa kanmu magbuwat kadautan, dahil pag-isipun nimu balaw may maghiling sa kanmu. Pag-ipatalang kawu nimu kadunungan hanggan kaalaman, tunda diman kay dahilan nu hayga pagsabihun nimu kawu ti diyus udyi may iba waya.

Isikil 31:16

Mangirkirug sa kadalaan ti manga nasyun nu masaydan nida ti pagkadamhak tunda pag kayu sa udas darahun niku inda sa rugar manga namatay kaibahan manga namatay yi. Bag-u ti tanan kayu sa Idin hanggan ti tanan mayad ag marinu pag kayu Libanun napadanuman mayad makabaya ati sa sirung daga.

Isikil 31:18

“Hari Ihiptu, unman gid may kayu sa Idin ti makatupung sa kanmu karinuan hanggan kapangyarihan. Dapat ilagpak diman kawu sa sirung daga kaibahan manga kayu Idin. Ati magkaraibahan kamu sa manga tawu unman magsarig sa Diyus, manga nagkaramatay yi sa girahan. “Imaw inda ti mangyari sa hari Ihiptu hanggan sa kay nasakupan. Aku, ti Panginuun Diyus, ti magsabi inda.”

Isikil 47:12

Tumubu sa baliw-baliw saruy sapa ti tuhay-tuhay pag manga kayu magburak. Balaw malayung kanda manga labung ag balaw matabu kanda manga burak. Manburak inda kada bulan dahil pagbulusan danum ginan sa Balay Diyus. Kanda manga burak para karan-unun ag kanda manga labung para pamulung.”

Huwan 6:48

Aku ti ga karan-unun makapakaun buhi sa manga tawu.

1 Kurintu 8:1

Ipaliwanag maan niku tungkul sa manga karan-unun ihinandug sa diyus-diyusan. Alam nita kita tanan may kadunungan. Ti katunda pag kaalaman magpadara sa tawu hampay magpalabi-labi, dapat ti tawu nu may pagmahal, makaparig-un siya sa iglisya.

Diyuturunumiyu 6:25

Ag nu sundun lang nita kaayad inda tanan pag sugu Panginuun nita Diyus, angay sa kay pag-isugu sa kanta, bumaliw kita matadlung sa kay pamantay.’

Ipinakakit 2:7

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu imaw ti pakan-an niku karampatan makakaun sa burak kayu kabuhian sa halamanan Diyus.”

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.

Ipinakakit 22:2

Baliw-baliw dipay sapa may puun kayu, kay burak makapakaun tutuu pag buhi sa tawu. Bulan-bulan magburak. Kay manga labung magpaayad sa sakit manga nasyun tawu.