Gimpuunan 2:25 - Hanunuu

²⁵ Tunda katpung una uba-uba sida duwa, unman sida magkaray-ahan.

Gimpuunan 2:25 Iomraidhean Croise

Gimpuunan 3:7

Minsan nabukasan kanda naisipan, nakilala nida ti mayad ag ti daut, bag-u napansin nida uba-uba maaw sida. Nakan nanahi sida manga labung igus hampay kanda ipatakip sa kanda bilug.

Kanta 25:3

Ti magsarig sa kanmu balaw mangay-a, dapat ti maradaya mangay-a ngap.

Kanta 31:17

Danga ipahintulut mangay-a aku, Panginuun, dahil sa kanmu aku pag magtawag. Pakay-aha ti manga daut ag panmatya sida hampay humilway sida sa kalubngan.

Pag-ighit 32:25

Nakitan ni Muysis ti manga tawu magkaraguluhan ag pagpabay-anan lang sida ni Aarun. Dahil siyun, nagbaliw sida karasarin-an nida manga kalaban sa kanda sangput.

Isayas 44:9

Unman may pulus ti tanan magbuwat diyus-diyusan. Tunda pag manga diyus-diyusan kanda pagpahalgaan unman may pulus. Sida diman ti makapagsabi tunda unman may pulus. Dahil tunda unman maghiling, unman diman may alam. Nakan ngani mangay-a ti manga magsamba siyun.

Isayas 47:3

Makitan kawu uba-uba ag mangay-a kawu. Bumalus aku sa kanmu, balaw niku kawu kaawaan.”

Isayas 54:4

Danga kawu magkadala dahil balaw kawu mangay-a. Malimtan yi nimu ti kakay-ahan nimu kalay-awan katunda diman kanmu pagkaburanday.

Hirimyas 17:13

Kawu duy Panginuun, ti pagsarigan Israil. Mangay-a gid ti tanan magdayu sa kanmu. Milbung gid sida sa sirung daga dahil dinayu nida kawu, ti bulbugan magpakaun buhi.

Hirimyas 6:15

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.”

Isikil 16:61

Bag-u maalala nimu nu kabitay kanmu buruwatun sa kabag-u ag mangay-a kawu, lalu yi nu buwatun niku kanmu manga patar-ari babayi, ti Samarya ag Suduma, bumaliw kanmu manga anak, una balaw sida kaibahan sa kang kasunduan sa kanmu.

Huwil 2:26

Abunda kamu kainda sa karan-unun ag pihu gid mabsug kamu. Nu katida, dayawun niyu aku kanyu Diyus, ti nagbuwat manga makadululaw para sa kanyu. Kamu kang nasakupan balaw yi gid mangay-a hanggan aban.

Markus 8:38

Dahil una hintay pag tawu sa manga uragin ag manga makasalanan pag tawu sa babaw daga nu ipaulam kay nagkilala sa kangku hanggan sa kang bagaw, ipaulam diman waydi Anak Tawu kay nagkilala sa kanya nu rumas-ug siya aban may mamaski pag kapangyarihan niya Ama, kaibahan niya ti manga banal pag anghil Diyus.”

Lukas 9:26

Una hintay pag tawu tigpaulam kay nakakilala sa kangku hanggan sa kang manga bagaw, ipaulam waydi diman siya aban Anak Tawu sa kay pagbalik niya sitay aban may kadayawan hanggan kadayawan Ama, kaibahan niya ti manga anghil ginan langit.

Ruma 10:11

Pagsabihun sa Banal Kasuratan, “Balaw mibuyu una si unu pag tawu nu sumarig sa kanya.”