Gimpuunan 2:24 - Hanunuu

²⁴ Inda kay dahilan nu hayga tayakan lalaki kay ama hanggan kay ina, hampay pumausa ti lalaki sa kay asawa, dahil sida inusa yi.

Gimpuunan 2:24 Iomraidhean Croise

Gimpuunan 4:19

Si Lamik nangagduwa. Kay ngaran kay usa si Ada, kay ikadwa waydi si Sila.

Kanta 45:10

Aguman hari, patingihi kang sabihun: Kalimti kanmu manga kasimanwa ag manga katawuhan,

Kabagawan 12:4

Ti mayad pag asawa babayi ikadayaw ag ikabaya niya asawa, dapat ti makakaray-a pag asawa parihu sa sakit mag-arit-it sa manga but-ul niya asawa.

Kabagawan 2:17

Tunda pag babayi nagtayak sa inasawa niya pag lalaki katpung kalay-awan; kinalimtan niya kay taratu sa Diyus katpung ipinaasawa siya.

Kabagawan 31:10

Makuri hanapun ti mayad pag asawa babayi. Mahalaga waya siya kaysa mahalaga pag manga batu.

Binwat 11:23

Pagka siya rinmas-ug ati, nakitan niya kay papalad Diyus sa kanda. Nakan nakabaya gid siya. Kay pinaanyuan sida magkun pangungud sida pagmatinupadun sa Panginuun, danga sida magbul-iw.

Ruma 7:2

Halimbawa angay sa batas ti babayi sakup sa kay asawa hanggan sa udwaya mamatay ti lalaki. Dapat ay tunda pag lalaki nu namatay yi, udyi sakup ti babayi sa pagsabihun batas tungkul sa manga may asawa.

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 4:4

Dapat kamu manga matinupadun sa Panginuun niyu Diyus buhi di tugka kainda.

1 Timutiyu 5:14

Nakan ngani nu sa kangku, mayad waya nu mangasawa maan ti manga buranday nu udwaya dugay kay idad hampay magkaanak bag-u nu alagaan nida kanda sadili magtal-anakan hampay unman may ikalibak ti manga maglaban sa kanta.

Huswi 23:8

bagkus ngap pagmatutum kamu sa Panginuun niyu Diyus, parihu sa kanyu pagbuwatun tugka kainda.

1 Samwil 25:43

Inasawa diman ni Dabid si Ahinuam taga Hisriil, ag sida duwa kay asawa ni Dabid.