Gimpuunan 2:2 - Hanunuu

² Kinamhan niya linalang inda sa sulud unum ka sirang, ag sa ikapitu pag sirang nagpahari siya sa tanan niya buruwatun.

Gimpuunan 2:2 Iomraidhean Croise

Gimpuunan 1:31

Nakitan Diyus ti tanan niya linalang ag nakabaya gid siya. Linmawuy ti yabi ag rinmas-ug ti surip. Tunda ti ikan-um pag sirang.

Gimpuunan 2:3

Pinapaladan niya ti ikapitu pag sirang ag binwat banal, dahil sa tunda pag sirang nagpahari siya igu namhan niya ti tanan.

Pag-ighit 23:12

“Pagtarabahu kamu sa sulud unum ka sirang, dapat sa ikapitu pag sirang pagpahari kamu hampay makapahari diman kanyu manga baka ag manga asnu, hanggan yi kanyu manga panawuhun ag ti manga day-uhan magpangulian kaibahan niyu.

Pag-ighit 31:15

Buwatun niyu kanyu buruwatun sa sulud unum ka sirang, dapat sa ikapitu pag sirang pumahari gid kamu. Dahil banal inda pag sirang para sa kangku, una si unu ti manarabahu sa tunda pag sirang kailangan gid matyun.

Isayas 58:13

Alalahana niyu ti Sirang Pamahari. Danga kanyu lang sadili kahamtangan ti kanyu pag-isipun sa tunda pag pinakamahalaga pag sirang. Pahalgai niyu inda sa panab-anan pagpigil sa kanyu sadili manga kagustuhan hanggan ikabaya, ag pag-apas magbagaw baragawun ud may kabuluhan.

Huwan 5:17

Nakan sinabi ni Hisus sa kanda magkun, “Hanggan taynguna unman may kaapasan kang Ama sa kay buwat, nakan una aku magbuwat diman gid.”

Diyuturunumiyu 5:14

dapat ti ikapitu pag sirang, ti Sirang Pamahari, ipakaun niyu para sa kangku, ti Panginuun niyu Diyus. Danga kamu magtarabahu sa tunda pag sirang una kanyu manga anak, hanggan manga panawuhun, una manga baka, manga asnu ag ti iba waya pag manga hayup, hanggan ti manga day-uhan mag-ulian kaibahan niyu. Sa panab-anan siyun kanyu manga panawuhun makapahari diman waydi ga kanyu.

Hibriyu 4:10

Dahil ti tawu nu nakaslud nakasamit sa kaariwayahan sa kay arani Diyus, maariwaya yi waydi sa kay manga buwat parihu sa Diyus nakapahari sa kay manga buwat.

Hibriyu 4:4

Dahil sa usa ka bahagi sa Banal Kasuratan kay sabi kainda tungkul sa ikapitu pag sirang magkun, “Pagka sa ikapitu pag sirang tapus yi ti tanan binwat Diyus. Nagpahari siya sa ikapitu pag sirang sa tanan kay binwat.”