Gimpuunan 2:17 - Hanunuu

¹⁷ purya lang sa burak kayu magpakaun kadunungan nu hintay ti mayad ag ti daut. Dahil nu kan-un nimu tunda, sa tunda diman pag sirang pihu gid kawu mamatay.”

Gimpuunan 2:17 Iomraidhean Croise

Gimpuunan 2:9

Pinatubu Panginuun Diyus ti tanan kalasi manga kayu marinu bantayun ag kay manga burak masarap kan-un. Sa karaw-an halamanan may imaw puun kayu kabuhian, ag may imaw diman puun kayu magpakaun kadunungan nu hintay ti mayad ag ti daut.

Gimpuunan 20:7

Dapat kailangan nimu siya iuli sa kay asawa. Ag idarangin niya kawu hampay balaw kawu mamatay, dahil ti asawa niya usa ka purupita. Dapat nu unman nimu siya niuli, inda kang pagsabihun sa kanmu mamatay kawu hanggan ti tanan nimu tawuhan.”

Gimpuunan 3:11

Nagpaingana ti Panginuun Diyus, “Si unu tig sabi sa kanmu kuntay uba kawu? Kinmaun aw lugud kawu burak kayu kang ibinilin sa kanmu danga pag kan-a?”

Gimpuunan 3:17

Sinabi diman niya sa kan Adam, “Dahil nagpaniwala kawu sa kanmu asawa, ag nagkaun kawu burak kayu kang pag-irangan sa kanyu, saadan niku ti daga dahil sa kanmu. Nakan sa buu nimu buhi manbudlay gid kawu sa hustu hampay may makaun.

Gimpuunan 3:19

Kailangan magbudlay gid kawu sa hustu agud may makaun, tugka sa bumalik kawu sa daga sa kanmu gininanan. Dahil ginan kawu sa daga, sa daga diman kawu pag bumalik.”

1 Hari 2:37

Udas mighit kawu ag dumipay sa Luung Kidrun, pihu gid mamatay kawu, ag kawu ti sisihun nu mangyari inda.”

1 Hari 2:42

ipinatawag niya si Simiy ag sinabihan, “Kabay ipinasumpa kawu niku sa ngaran Panginuun bag-u pinaandaman sa udas mighit kawu sa Hirusalim ag umatag sa iba rugar pihu gid mamatay kawu? Ag balaw aw lugud magkun kawu mayad kang sinabi ag tupadun nimu inda?

Hirimyas 26:8

Pagka nasabi niya inda, pinalibutan siya manga manughandug, manga purupita, hanggan manga tawu, bag-u sinabihan siya, “Kailangan kawu matyun!

Isikil 18:13

Magpautang siya may patubu. Mabuhi aw nguna siya? Unman! Mamatay gid inda pag tawu dahil sa tanan mayagting pag manga bagay niya binwat. Siya ti sisihun sa kay kamatayan.

Isikil 18:32

Balaw aku magbaya nu may mamatay. Nakan pagsisi yi kamu hampay parargu kamu mabuhi. Aku, ti Panginuun Diyus, ti magbagaw inda.”

Isikil 18:4

Patingihi niyu inda! Ti tanan buhi tawu kangku — ti buhi gurang ag anak. Ti nagkasala pag tawu imaw ti mamatay.

Isikil 33:14

Bag-u nu sumabi aku sa daut pag tawu pihu mamatay siya, dapat sa uryan nagpatlikud siya sa kay daut manga buwat ag nagbuwat sa hustu ag matadlung —

Isikil 33:8

Nu sumabi aku sa daut pag tawu pihu gid siya mamatay dahil sa kay kasalanan bag-u unman nimu siya pinaandaman hampay bugyahan kay daut ugali, kawu kang suktun sa kay kamatayan.

Bilang 26:65

Nakan naghampang ati katpung ti Panginuun sa kanda pihu gid mamatay sida ati sa pangawakawaan, ag unman gid may lumuwas sa kanda purya lang sa kan Kalib imaw ti anak ni Hipuni ag sa kan Huswi kay anak ni Nun.

Ruma 1:32

Naalaman diman nida ti ibinilin Diyus magkun, kailangan matyun ti magbuwat katunda. Dapat ay magparargu di ngap sida sa pagbuwat daut. Magbaya waya sida nu maghiling sida sa manga iba magbuwat katunda waydi.

Ruma 6:16

Alam diman niyu nu kamu napasakup una sa kantapu bilang ga panawuhun, panawuhun yi ngap kamu niyu pinagkaamu, nu ngatay manga panawuhun yi kasalanan siyun ginan ti patabgan kamatayan. Aw ngatay panawuhun yi Diyus bag-u ti patabgan katadlungan ngani.

Ruma 6:23

Dahil kamatayan ngani ti isuhul sa kasalanan. Dapat kay pakaun Diyus imaw ti tutuu pag buhi unman may katapusan sa manga tawu napakiusa sa kanta Panginuun Kiristu Hisus.

Ruma 8:2

Udyi kita sakup sa kapangyarihan kasalanan hanggan kamatayan, dahil ti kapangyarihan Ispiritu ti nagparibri sa kanta, imaw diman ti magpakaun buhi. Inda pag kaayadan matanggap nita dahil lang sa kanta pakiusa sa kan Kiristu Hisus.

1 Kurintu 15:22

Ti tanan tawu may kamatayan dahil kabilang ni Adam. Katunda diman ti tanan tawu may pagkabuhi uman, dahil sa kanda pakiusa sa kan Kiristu.

1 Kurintu 15:56

Ginan sa kasalanan may kapangyarihan ti kamatayan hampay magpakuri. Ginan maan sa Kasuguan ti kabisugan kasalanan.

Galasya 3:10

Ti tanan manga magsarig sa kanda magtupad sa Kasuguan, nasakup sa saad. Dahil isinurat sa Banal Kasuratan magkun, “Saadan ti unman mag-alaala magtupad sa tanan isinurat sa ribru Kasuguan.”

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Diyuturunumiyu 27:26

“Saadan ti balaw sumunud ngatay tumupad sa inda tanan pag sugu.” Bag-u sumagut ti tanan tawu, “Amin!”

Diyuturunumiyu 30:15

“Pagpatingi! Kainda pag sirang papiliun niku kamu: buhi ngatay kamatayan, kaabundahan ngatay kadamhakan.

Diyuturunumiyu 30:19

“Taynguna pag sirang, nagtawag aku sa langit ag daga hampay kumastigus nu naan sitaay kanyu piliun: buhi ngatay kamatayan, papalad ngatay saad. Pilia mana niyu ti buhi hampay mabuhi kamu dugay hanggan kanyu manga anak.

Kulusas 2:13

Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

1 Timutiyu 5:6

Dapat ti buranday nu mag-ugali sa parabayain, isipa yi lang siya ga namatay.

Santiyagu 1:15

Pagka ti daut pag kagustuhan nagtubu, nan-gamut yi, kay kasuruhan kasalanan. Pagka namhan ti kasalanan, kay kasuruhan yi kamatayan.

1 Huwan 5:16

Nu may maghiling sa kay patar-ari magbuwat kasalanan unman ikamatay, idarangin niya tunda pag patar-ari bag-u pakan-an siya Diyus buhi. Inda tungkul lang sa manga magkasala unman sa ikamatay. Dahil may kasalanan diman sa ikamatay. Balaw kang pagsabihun idarangin niya ti manga mag-buwat kasalanan sa ikamatay.

Ipinakakit 2:11

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu dayu malakawan niya ti ikadwa pag kamatayan.”

Ipinakakit 20:14

Bag-u ayinmut tag sa danaw apuy ti kamatayan hanggan ti ulian manga karadwa. Tunda pag danaw apuy imaw ti ikadwa pag kamatayan.

Ipinakakit 20:6

Masulung ag lubus sakup sa Diyus ti nidungan sa un-an pagkabuhi uman ginan sa kamatayan. Udyi may laban sa kanda ti ikadwa pag kamatayan. Sida aban ti manga manughandug yi sa atubangan Diyus hanggan sa atubangan ni Kiristu, humari sida kaibahan niya sa sulud usa ka libu ka timpu.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Talaghusay 3:2

Binwat inda Panginuun hampay tudluan lumaban ti manga linahi Israilita balaw waya nakalakaw inda.

1 Samwil 14:39

Magsumpa aku sa buhi pag Panginuun imaw ti nagribri sa manga Israilita, mamatay ti nagkasala una waya siya kang anak si Hunatan.” Dapat unman una di usa ti nangingay sa manga Israilita.

1 Samwil 14:44

Sinabi ni Saul, “Hu, kailangan kawu mamatay. Parusahan gid aku Diyus nu unman niku kawu maipamatay.”

1 Samwil 20:31

Mintaras buhi si Dabid kay anak ni Isai, unman kawu mahimu hari. Nakan bul-a nimu siya taynguna, ag daran-a sa kangku, kailangan siya matyun.”

1 Samwil 22:16

Dapat magkun ti hari, “Pihu gid mamatay kawu, Ahimilik, kaibahan kanmu buu magtal-anakan.”