Gimpuunan 2:1 - Hanunuu

¹ Kinamhan yi linalang Diyus ti langit, ti daga hanggan ti tanan mag-uli asan.

Gimpuunan 2:1 Iomraidhean Croise

Gimpuunan 1:1

Sa kabag-u linalang Diyus ti langit hanggan ti kalibutan.

Gimpuunan 1:10

Iningarnan niya “daga” ti mamara pag bahagi, ag iningarnan waydi niya “dagat” ti matigsunan pag danum. Nakabaya ti Diyus sa kay nakitan.

Gimpuunan 2:4

Inda ti tultulanun tungkul sa paglalang Diyus sa langit hanggan sa daga. Katpung linalang Panginuun Diyus ti daga hanggan ti langit,

2 Hari 19:15

Bag-u nandarangin siya, “Panginuun, Diyus Israil matukawan sa tukawan hari sa karaw-an manga kirubin, kawu lang ti Diyus sa tanan kaharian sitay sa kalibutan. Linalang nimu ti kalangitan hanggan ti kalibutan.

2 Krunika 2:12

Dayawun ti Panginuun, ti Diyus Israil, ti naglalang langit ag daga! Pinakan-an niya si Hari Dabid matinudukun pag anak, punu kaalaman ag pan-intindi, ti mamatindug Balay Diyus para sa Panginuun hanggan balay para sa kay sadili.

Nihimyas 9:6

Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Hub 12:9

Dahil alam nida tanan ti Panginuun ti nagbuwat inda.

Kanta 104:2

Magkatabunan kawu rayaw ga kanmu rutay ag linadlad nimu ti langit ga turda.

Kanta 146:6

imaw ti naglalang sa kalangitan ag sa kalibutan, sa dagat ag sa tanan atay. Masarigan gid ti Panginuun hanggan aban.

Kanta 33:6

Sa panab-anan bagaw Panginuun, nalalang ti kalangitan; ginan sa kay arup ti init, ti bulan, hanggan ti manga pamgasan.

Kanta 33:9

Sa kay lang bagaw, nalalang ti kalibutan. Nagsugu siya ag namhan ti tanan.

Pag-ighit 20:11

Dahil sa sulud unum ka sirang, linalang niku ti langit, ti daga, ag ti dagat, hanggan ti tanan-tanan asan, dapat nagpahari aku sa ikapitu pag sirang. Nakan pinapaladan niku ti Sirang Pamahari ag binwat niku inda mahalaga pag sirang para sa kangku.

Isayas 34:4

Matunaw ti tanan bagay sa langit, ag ti langit madura, ga kasuratan linuhut. Magkaralagpak ti manga pamgasan ga manga labung ubas ngatay igus magkarubay ag magkarubas.

Isayas 42:5

Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Isayas 48:13

Aku ti nagpauli paratukawan kalibutan hanggan aku diman ti nagbuklad kalangitan. Nu magsugu aku sa kanda, pagsundun nida.

Isayas 55:9

Nu kabitay kay kaarayu ti langit sa daga, katida diman kaarayu kang pamaraan hanggan naisipan kaysa kanyu.

Isayas 65:17

“Pagpatingi kamu! Mamuwat aku bag-u pag langit ag bag-u pag daga. Ti daan pag langit hanggan daga kalimtan yi.

Hirimyas 10:12

Dapat Diyus ti naglalang langit ag daga sa panab-anan niya kamaskihan ag kadunungan.

Hirimyas 10:16

Dapat kay Diyus ni Hakub balaw parihu sa kanda. Siya ti nagbuwat tanan pag manga bagay, hanggan Israil, kay sadili pag nasakupan. Panginuun Makamaskihan kay ngaran.

Hirimyas 8:2

Bag-u wayakun inda sa daga mabuladan sa init, sa rayaw bulan, ag manga pamgasan kanda pagmahalun, sinirbihan, sinunud, pinaingan-an, ag sinamba. Udyi utru tipunun ti manga but-ul nida una ilubung, nu unman wayakun yi lang sa daga ga ugat.

Sakaryas 12:1

Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Lukas 2:13

Kadaka linmuwang atag sa anghil kay manga kaibahan kadamlan ginan sa langit, manga magdayaw sa Diyus, magkun,

Binwat 4:24

Pagka nadnugan manga patar-ari tunda pag manga barita, nagkarausa kanda manga tagipusuun, nagdarangin sida naghampang sa Diyus magkun, “Kawu duy Panginuun, ti naglalang langit, daga, dagat, hanggan ti tanan pag manga bagay asan sa kanda.

Binwat 7:42

Nakan pinatlikudan sida Diyus, pinasibut-an yi lang niya sida magsamba sa manga pamgasan sa langit parihu sa isinurat sa ribru manga Purupita magkun, ‘Kamu pag nasyun Israil, balaw gid ungud sa kangku pag ihinandug niyu kanyu manga hayup minatay, kanyu di waya sa pangawakawaan sa sulud upatpulu ka timpu.

Diyuturunumiyu 17:3

ag naglaban sa sugu sa panab-anan pagsamba sa tuhay pag diyus, ngatay sa init, ngatay sa bulan, ngatay sa manga pamgasan.

Diyuturunumiyu 4:19

Danga kamu magpaangay sa magsamba sa manga bagay ati sa langit — sa init, sa bulan, ag sa manga pamgasan. Ipinauli inda Panginuun niyu Diyus para sa tanan nasyun sa buu kalibutan.

Hibriyu 4:3

Kita bay manga magsarig sa Diyus nakan kita makaslud ngani hampay may kaariwayahan sa kay arani. Dahil inda kay sinabi Diyus magkun, “Nakan ngani sa kang pangagalit sinaadan niku sida magkun, dayu gid sida makaslud sa kang ihinanda pag daga may kaariwayahan.” Nu sa ungud natapus kay manga buwat Diyus pagka linalang yi niya ti kalibutan.