Gimpuunan 19:24 - Hanunuu

²⁴ Kadaka pinauranan Panginuun maglabdaban asupri ti Suduma ag Gumura.

Gimpuunan 19:24 Iomraidhean Croise

Gimpuunan 13:10

Nan-alantaw si Lut sa sangput ag nakitan niya ti Karatagan Hurdan tugka sa Suar abunda sa danum, parihu sa halamanan Idin ag daga Ihiptu. (Nangyari inda katpung udwaya rinuris Panginuun ti Suduma ag Gumura.)

Gimpuunan 13:12

Si Abram napatayak sa Kanaan habang si Lut waydi ati sa manga banwa sa karatagan. Nagpatindug si Lut kay turda sa may arani Suduma.

Gimpuunan 18:17

Magkun ti Panginuun, “Balaw niku ipaulam sa kan Abraham kang buwatun.

Gimpuunan 19:23

Magsinggit yi ti init kanda magras-ug ni Lut sa Suar.

Hub 1:16

Sigi waya ti bagaw tawu, rinmas-ug waydi ti usa waya ka tawu ag nagbarita magkun, “Nasakpan duy kilat kanmu manga karanidu hanggan kay manga manug-alaga nasunug sida tanan. Aku wadi ti nakapalagiw hampay mamarita sa kanmu!”

Hub 18:15

Madura kay ulian dahil mairub inda maglabdaban asupri.

Kanta 11:6

Pauranan niya maglabdaban baga hanggan asupri ti manga daut; bag-u matanggap nida ginan sa kanya ti mainit pag durus pumali sa kanda.

Pag-ighit 9:23

Nakan pagka ipinaabwat niya kay sugkud, nagpadara ti Panginuun linti ag kilat ag pinauranan yilu. Ti ipinauran Panginuun pag yilu atag sa daga Ihiptu

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 13:19

Ti Babilunya pag kaharian imaw ti pinakamarinu sa tanan pag kaharian. Pag-ipadayaw tunda niya manga nasakupan. Dapat gubaun niku tunda parihu sa Suduma ag Gumura.

Isayas 30:33

Dugay yi nakaalistu ti rugar sunugan sa hari Asirya. Daka inda ag abasad, alistu yi ti mayamu pag pamagba. Ti arup Panginuun ga maglabdab asupri imaw ti pumalabdab sa pamagba.

Hirimyas 20:16

Mana ati pag tawu miparihu sa manga banwa winayak Panginuun ag balaw kinaawaan. Mana buu sirang mapatingihan niya ti ringgit ag arunghung manga tawu sa girahan.

Hirimyas 23:14

Dapat nakitan diman niku mas daut waya ti pagbuwatun manga purupita sa Hirusalim, dahil magpanguragin sida ag magpudil waya. Pagpabisugun nida ti nalub-anan manga daut pag tawu hampay bumuwat waya kadautan, nakan udyi sida magpatlikud sa kanda kadautan. Ti manga taga Hirusalim parihu kay ka daut sa manga taga Suduma ag Gumura.

Hirimyas 49:18

Nu kabitay nawayak ti Suduma ag Gumura hanggan ti manga banwa sa kalibut inda, katida diman ti mangyari sa Idum. Ag udyi may mangulian atay. Aku, ti Panginuun, ti magsabi inda.

Hirimyas 50:40

Nu kabitay winayak Diyus ti Suduma ag Gumura, hanggan ti manga banwa sa kalibut inda, katida diman ti mangyari sa Babilunya. Unman yi may mangulian ati. Aku, ti Panginuun, ti magsabi inda.

Karukuan 4:6

Ti parusa sa kang manga kasimanwa subra waya kaysa parusa sa Suduma, kadaka lang pinapas Diyus unman gid may nangawat sa kanda.

Husyas 11:8

“Manga taga Israil, balaw mahimu dayuun niku kamu ngatay pabay-anan. Balaw mahimu ipadamhak niku kamu lubus parihu sa binwat niku sa manga banwa Adma ag Sibuyim. Balaw maagwanta tagipusuun niku buwatun inda sa kanyu. Magkaawa gid aku sa kanyu.

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Lukas 10:12

Kang pagsabihun sa kanyu nu kaudasan pagsintinsiya Diyus aban lalu waya makuri kay kaparusahan malakawan tawu siyun pag banwa balaw lang ga sa manga taga Suduma.”

Diyuturunumiyu 28:24

Bagkus mana danum ti iayaw Panginuun sa kanyu bilang uran, galbuk ngap kay iayaw. Pauranan niya galbuk tugka sa midamhak kamu.

Diyuturunumiyu 29:22

“Sa aratubangun pag manga sinulput, kanyu manga lahi hanggan ti manga day-uhan ginan sa arayu pag rugar makakit manga kadamhakan ag manga sakit ipadara Panginuun sa kanyu daga.

Diyuturunumiyu 29:23

Kanyu buu daga bumaliw parihu sa tigangan daga natabunan yi asupri ag asin. Unman gid may magtanum sa inda pag daga dahil ti tanum unman manubu. Bumaliw parihu sa pagkadamhak Suduma ag Gumura, hanggan Adma ag Sibuyim pagka dinaut Panginuun dahil sa kay masyadu gid pag pangagalit.

2 Pidru 2:6

Sinintinsiyahan diman Diyus pinapas ti banwa Suduma hanggan ti banwa Gumura nagbaliw yi dapug, bilang ga usa ka mustara sa manga balaw magpasakup sa Diyus.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.

Ipinakakit 14:10

uminum siya intus lunsay galit Diyus, ayinungyung atag sa ungut sa kay pangaisug. Pakurian sida sa apuy ag asupri sa atubangan manga anghil Diyus hanggan sa atubangan Anak Karanidu.