Gimpuunan 19:1 - Hanunuu

¹ Madulum-dulum yi kay magras-ug duwa ka anghil sa Suduma. Tunda katpung matukawan si Lut sa may puwirtahan banwa. Igu nakitan ni Lut sida, tinmindug siya ag sinulang sida. Bag-u yinmuk-ub siya sa kanda atubangan bilang paggalang ag magkun,

Gimpuunan 19:1 Iomraidhean Croise

Gimpuunan 11:27

Inda ti tultulanun tungkul sa linahi ni Tira. Si Tira kay ama ni Abram, ni Nahur ag ni Haran. Si Haran kay ama ni Lut.

Gimpuunan 13:12

Si Abram napatayak sa Kanaan habang si Lut waydi ati sa manga banwa sa karatagan. Nagpatindug si Lut kay turda sa may arani Suduma.

Gimpuunan 18:16

Siyun ginan, nighit ti tulu ka lalaki. Ipinatugka waya ni Abraham sida tugka sa rugar nu naan magkaalantaw nida ti banwa Suduma.

Gimpuunan 18:22

Ginminan yi ngani ti duwa ka lalaki atabug sa Suduma, dapat napatayak di ti Panginuun hanggan si Abraham.

Gimpuunan 19:10

dapat binukasan inda duwa ka anghil ati sa sulud ginan ag linanit nida si Lut tag sa sulud, bag-u tinalakpan ti sabian.

Gimpuunan 19:2

“Nu mahimu duy, paghapit dap kamu sa kang balay hampay makaugas kamu kanyu lulud ag ati dap kamu pag katurug taynguna pag yabi. Aldaw yi kamu surip pag parargu sa kanyu lakaw.” Dapat nagsagut sida, “Danga yi duy, ati yi lang kami sa parasyaran pag maturug taynguna pag yabi.”

Gimpuunan 23:12

Napayuk-ub maan si Abraham sa atubangan manga Hitiyu.

Gimpuunan 48:12

Bin-ul ni Husi kay manga anak sa sarapupwan ni Israil ag yinmuk-ub siya bilang paggalang sa kay ama.

Hub 29:7

Nu mag-atag aku sa puwirtahan banwa ag magkuyug sa manga manugpamahala sa banwa nu magpulung sida,

Hub 31:32

Unman niku pinabay-anan maturug ti manga day-uhan sa manga baklayan dahil pirmi bukas kang sabian para sa kanda.

Kanta 69:12

Paglibakun aku manga tawu matukawan sa puwirtahan banwa, ag ti manga langu magpathaw manga pangaway pag manga kanta tungkul sa kangku.

Lukas 17:28

Katunda diman ti nangyari ati katpung pagka si Lut sa Suduma. Nagkaun ti manga tawu, nag-inum, nagbili, nagpabili, nagtanum sida, nagbuwat balay.

Hibriyu 13:2

Danga duy pag-irangi niyu kanyu manga balay sa manga tawu taga iba daga. Tanggapun di niyu, imaw diman ti binwat manga iba. May tinanggap sida manga tawu sa kanda balay unman nida alam kuntay manga anghil maaw.

Rut 4:1

Nag-atag si Buus sa puwirtahan banwa tinmukaw ati. Pagka linmawuy ti pagsabihun niya pag pinakaarani pag katawuhan ni Ilimilik, magkun si Buus sa kanya, “Ampud, abala pagtukaw dap kawu.” Nagpakarani waydi ti lalaki ag tinmukaw.