Gimpuunan 18:6 - Hanunuu

⁶ Madaldali sinmulud si Abraham sa turda ag magkun sa kan Sara, “Pagbuul kawu manga tunga saku marinu pag kalasi arina ag pagtama kawu tinapay. Bag-u paggatung kawu ka liksi.”

Gimpuunan 18:6 Iomraidhean Croise

Gimpuunan 18:5

Manbuul diman aku karan-unun para sa kanyu hampay may kusug kamu sa kanyu maglakaw. Pag-ikabaya duy niku ti pagsirbi sa kanyu habang atay kamu sa kanmi.” Ag nagsagut sida, “Hu sigi, buwata nu hintay kanmu sinabi.”

Gimpuunan 18:7

Susun nalagiw si Abraham atabug sa manga bakahan niya ag pinmili kay matabul pag ibun baka, bag-u kay ipinaiyaw inda ag rargu ipinatama sa suruguun niya kalay-awan.

Gimpuunan 19:3

Dapat pinilit sida ni Lut, nakan kinmuyug yi lang sida sa kay balay. Nag-alistu manga karan-unun ag irinmun si Lut. Nagtama diman siya tinapay unman may pamadaka. Igu alistu yi, nanyapun yi sida.

2 Samwil 13:6

Nakan napahuway ngani si Amnun ag nagpabalhinguun may sakit. Pagka dinuawan siya ni Hari Dabid, kay sinabi, “Gustu duy niku pag-ataytag kang patar-ari si Tamar ag pagbuwat tinapay sa kang arani, bag-u siya ti manpakaun sa kangku.”

Kanta 119:60

Pagtupadun niku madali kanmu manga sugu.

Isayas 32:8

Dapat ti tawu galalangun may paghingabtun pirmi bumuwat mayad, ag inda kay pagtupadun.

Matiyu 13:33

Nagtultul si Hisus usa maan ka pahalimbawa magkun, “Ti kaharian langit parihu ga pamadaka sa tinapay ilinakay babayi sa tulu ka pulak arina bag-u naglabtug kay buu pinkul arina.”

Binwat 16:15

Napatulbaw siya hanggan kay manga kasunu balay. Pagka itinulbaw siya tinaban niya kami magkun, “Nu sa kanyu magkilala sa kangku aku tutuu nagsarig sa Panginuun, kidayun duy kamu sa kang balay.” Linugus kami tinaban niya nakan kami balaw yi binmugya.

Ruma 12:13

Awati niyu ti manga pangailangan niyu manga patar-ari. Pagpirmi kamu alistu magtanggap sa manga dayuhan sa kanyu balay.

Galasya 5:13

Manga patar-ari, pinili kamu hampay balaw panawuhun Kasuguan. Pagka kainda kamu balaw yi panawuhun, danga waydi pasibut-an yi lang niyu ti daut kagustuhan niyu naisipan. Kailangan ngap pasibut-an niyu kanyu pagmahal, hampay magsirirbihan kamu sa usa kag sa usa.

Hibriyu 13:2

Danga duy pag-irangi niyu kanyu manga balay sa manga tawu taga iba daga. Tanggapun di niyu, imaw diman ti binwat manga iba. May tinanggap sida manga tawu sa kanda balay unman nida alam kuntay manga anghil maaw.

1 Pidru 4:9

Tanggapa di niyu ti manga patar-ari sa kanyu balay, danga sa barungbadu.

Talaghusay 6:19

Nuli si Gidyun ag nangiyaw usa ka anak kambing, ag namuwat siya tinapay unman may pamadaka. Pagkatapus, ipinauli niya ti taguban sa alat ag ti sabakan sa anglit, dinara niya ti karan-unun sa anghil ati sa sirung puun kayu insina.

1 Samwil 28:24

Iniyaw babayi kay pinatabul baka. Bag-u nagbuul siya arina kay binwat tinapay unman may pamadaka.