Gimpuunan 18:25 - Hanunuu

²⁵ Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

Gimpuunan 18:25 Iomraidhean Croise

Gimpuunan 18:24

Nu nguna may imaw 50 ka matadlung sa tunda pag banwa, rurisun di gid aw nimu tunda pag buu banwa? Balaw aw niyu kaawaan ti banwa para sa 50 ka tawu matadlung?

1 Krunika 16:33

Ti manga kayu sa katalunan manganta sa kabayaan sa atubangan Panginuun. Dahil rumas-ug siya agud sintinsiyahan ti manga tawu sa kalibutan.

2 Krunika 19:7

Paggalang kamu sa Panginuun, ag pagpihu kamu matadlung dahil balaw pagpasnuan Panginuun nita Diyus ti unman may katadlungan, ti maghusay may pagkilingan, ag ti magtanggap suhul.”

Nihimyas 9:33

Matadlung kanmu binwat pagpihu sa kanmi. Matinupadun kawu sa kanmi, dapat kami inda nagbuwat kasalanan.

Hub 34:10

Nakan pagpatingi kamu sa kangku, kamu ti magsabi nakaintindi kamu. Ti Makamaskihan pag Diyus unman magbuwat daut.

Hub 34:12

Pihu unman bumuwat daut ti Makamaskihan pag Diyus. Balaw niya mabuwat likuun ti katadlungan.

Hub 8:20

“Sa kay tutuu, balaw pagbugyahan Diyus ti tawu matadlung ag balaw niya pag-awatan ti daut pag tawu.

Hub 8:3

Balaw mahimu pihitun Diyus Makamaskihan ti katutuuhanan aw ngatay likuun ti katadlungan.

Kanta 50:6

Pag-ipaburayhaw kalangitan ti pagkamatadlung Diyus, dahil siya ti magsintinsiya.

Kanta 58:11

Bag-u sumabi ti manga tawu, “Tutuu gid ungud may pirimyu para sa manga matadlung ag may Diyus maghatul sa manga tawu sa kalibutan.”

Kanta 7:12

Nu balaw sida man-ampu kanda manga kasalanan alistu kawu pumarusa sa kanda. Parihu kawu sa sundalu maalistuhan yi kay panmatay pag manga armas. Inasa yi niya kay baladaw ag linabtung yi ti maglabdab pag-ugyung.

Kanta 75:3

Nu matandug ti kalibutan ag takigan sa dala ti manga mag-uli siyun, aku ti manparig-un sa kay patakinan kalibutan.

Kanta 94:2

Kawu ti magsintinsiya sa tanan tawu; nakan, malu, balusi ti manga pudilun angay lang sa kanda.

Kanta 98:9

Pagmasulung sida sa atubangan Panginuun dahil rumas-ug siya agud sintinsiyahan ti manga tawu sa kalibutan. Sintinsiyahan niya sida may katadlungan, balaw siya may pagkampihan.

Manugtudlu 3:17

Magkumun aku sa kang sadili, “Sintinsiyahan Diyus ti matadlung ag ti daut pag manga tawu, dahil may itinagka siya udas sa kada buruwatun.

Manugtudlu 7:15

Sa inda pag buhi niku unman may pulus, nakitan niku inda tanan: ti manga matadlung nagkaramatay una matadlung kanda pagpangabuhi ag ti manga daut magkabuhi dugay una daut kanda pagpangabuhi.

Hirimyas 11:20

Dapat nandarangin aku, “Panginuun Makamaskihan, matadlung duy kawu nu magsintinsiya. Magkaalaman duy nimu ti isip hanggan ti tagipusuun tawu. Pakakitan duy nimu sa kangku kanmu pagbalus sa kanda, dahil ipinabahala niku sa kanmu kang riklamu.”

Hirimyas 12:1

Panginuun nu aku magriklamu sa kanmu pirmi duy matadlung kanmu sagut. Dapat aku taynguna may manga ipaingana duy tungkul sa kanmu katadlungan: Hayga duy ti daut pag tawu mag-abunda? Hayga ti manga tawu madaya sa kanmu may kahusayan kay buhi?

Isikil 18:25

“Dapat barang sumabi kamu, ‘Balaw matadlung ti palakaw Panginuun.’ Pagpatingi kamu, nasakupan Israil: Kangku aw nguna pagpalakaw ti balaw matadlung ngatay kanyu?

Malakyas 3:18

Ag makitan maan manga tawu ti pinagkaiba matadlung ag daut, ti pinagkaiba magsunud sa kangku ag ti balaw magsunud.”

Bilang 16:22

Dapat linmuhud si Muysis hanggan si Aarun ag magkun, “Diyus, ti gimpuunan buhi sa tanan tawu, magalit aw kawu sa buu nasakupan dahil sa usa lang ka tawu nagkasala?”

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Diyuturunumiyu 1:16

Sa ati katpung pag udas pag-isugu niku sa kanyu manga manughusay kuntay, ‘Husayun niyu ti kasu manga tawu, ag sintinsiyahan gid matadlung, bukun lang sa manga Israilita nu unman hanggan yi waydi ti manga day-uhan mag-ulian kaibahan niyu.

Diyuturunumiyu 1:17

Kailangan unman kamu may baliwahan sa kanyu magsintinsiya; parihu niyu patingihan ti manga makuri hanggan ti mayaman. Danga kamu magkadala una sa kantapu, dahil ginan di sa Diyus ti manga pasya niyu pagbuwatun. Nu makuri sa kanyu ti kasu, daran-a niyu sa kangku bag-u aku yi ti bahala sumintinsiya.’

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Hibriyu 12:23

hanggan sa iglisya manga anak panganay Diyus. Kanda manga ngaran inilista ati sa langit. Nagpakarani kamu sa Diyus, imaw ti pumihu aban kay daut kay mayad tanan-tanan tawu hanggan manga anghil. Nagpausa kamu sa manga tawu matadlung, sa manga udyi may kakurangan una di.

Talaghusay 11:27

Unman kami may daut binwat sa kanyu, dapat kamu daut kanyu pagbuwatun sa kanmi dahil gustu niyu lumaban sa kanmi. Ti Panginuun imaw ti pumihu sa kanta nu si unu sa kanta ti tama.”