Gimpuunan 18:21 - Hanunuu

²¹ Nakan umati aku hampay maalaman niku nu tutuu ngatay unman inda pag manga riklamu.”

Gimpuunan 18:21 Iomraidhean Croise

Gimpuunan 11:5

Taynguna, nagdugsun ti Panginuun hampay bantayan ti pag-ipatindug manga tawu sa banwa hanggan sa paminaw-pinawan mata pag bantayaw.

Gimpuunan 11:7

Nakan abala, pakialman nita sida. Tuhay-tuhayun nita kanda manga pamagaw hampay unman sida magkaraintindihan.”

Gimpuunan 18:17

Magkun ti Panginuun, “Balaw niku ipaulam sa kan Abraham kang buwatun.

Gimpuunan 6:12

Nakitan Diyus masyadu gid daut ti manga tawu sa kalibutan dahil sa kanda pagbuwatun lunsay kadautan.

Hub 34:22

Unman gid may madlum pag rugar nu naan makapatagu ti manga daut.

Kanta 14:2

Ginan sa langit magbantay ti Panginuun sa manga tawu, agud usisaun nu may nakaintindi sa katutuuhanan ag magdangup sa kanya.

Kanta 90:8

Mag-akitan nimu kanmi manga kasalanan. Una ti manga kasalanan nabwat nimi sa lihim, alam di nimu.

Pag-ighit 3:8

Nakan dinmugsun aku hampay iribri sida ginan sa kamang manga Ihipsiyu, ag hampay daran-un sida sa marinu, maluang ag abunda pag daga sa pag-ulian manga Kananiyu, Hitiyu, Amuriyu, Pirisiyu, Hibiyu ag manga Hibusiyu.

Hirimyas 17:1

Magkun ti Panginuun, “Manga taga Huda, nakaukit sa maganit niyu tagipusuun kanyu manga kasalanan ga manga bagaw nakaukit sa batu ngatay sa sungay ati sa suuk manga harandugan niyu.

Hirimyas 17:10

Aku, ti Panginuun, mag-usisa sa tagipusuun ag isip tawu. Balusan niku ti kada usa angay sa kay pag-ugaliun ag manga buwat.

Hunas 1:2

“Pag-ati kawu kainda sa Ninibi, ti daka pag banwa, bag-u pasandami ti manga tawu ati, dahil aput yi sa kangku kanda kadautan.”

Mikas 1:3

Pagpatingi kamu! Lumuwang ti Panginuun ginan sa kay pag-ulian. Dumugsun siya ag lumakaw sa arabwat pag manga bantud sa kalibutan.

Sipanyas 1:12

“Sa ati pag sirang, usisaun niku mayad ti manga taga Hirusalim ag parusahan niku ti manga tawu masalimpayaan lang sa buhi ag magkumun, ‘Unman may buwatun ti Panginuun, mayad ngatay daut.’

Lukas 16:15

Dapat sinabi ni Hisus sa kanda magkun, “Kamu magpabalhinguun lang sa atubangan manga tawu, dapat alam di gid Diyus kanyu manga tagipusuun. Dahil ti pagpahalagahan manga tawu, pagbugyahan sa kay magbantay Diyus.

Huwan 6:38

Dahil aku nagsitay ginan sa langit balaw hampay masunud niku kang sadili kagustuhan, bagkus ngap hampay tupadun niku ti kagustuhan Diyus imaw ti nagsugu sa kangku.

2 Kurintu 11:11

Kang yi waydi ugali balaw parahagad. Nakan aw dahil unman kamu kang pagmahalun? Alam di Diyus pagmahalun gid ngap niku kamu.

Diyuturunumiyu 13:3

danga kamu magpatingi sa kanya. Pagsubukan lang kamu Panginuun niyu Diyus nu ungud pagmahalun niyu siya buu niyu tagipusuun ag karadwa.

Diyuturunumiyu 8:2

Isipa niyu nu kabitay kamu inibahan Panginuun niyu Diyus sa kanyu maglakaw sa pangawakawaan sa sulud upatpulu ka timpu. Binwat niya inda hampay kamu pumakumbaba ag sinubukan kamu hampay maalaman nu hintay gid ti basad niyu tagipusuun, nu tupadun niyu kay manga sugu ngatay unman.

1 Tisalunika 4:16

Ati katpung pag udas aban, dumugsun ti Panginuun ginan sa langit may matnug pag sugu. Madnugan nita bumagaw ti pangulu anghil ag tumunug ti turumpita Diyus. Bag-u ti manga namatay nu nagsarig sa kan Kiristu imaw ti buhiun dapu.

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.

Huswi 22:22

“Ti Panginuun imaw ti Makamaskihan pag Diyus! Ti Panginuun imaw ti Makamaskihan pag Diyus! Alam niya nu hayga binwat nimi inda, ag kailangan diman niyu maalaman. Nu nanlaban gid waydi kami ngatay naglabag sa Panginuun, matya niyu kami sa inda pag sirang.