Gimpuunan 18:14 - Hanunuu

¹⁴ May bagay aw lugud balaw mabuwat Panginuun? Parihu sa kang sinabi, bumalik aku sitaay sa sunud pag timpu sa ga kainda diman pag udas, ag si Sara may imaw yi anak lalaki.”

Gimpuunan 18:14 Iomraidhean Croise

Gimpuunan 17:16

Papaladan niku siya ag pakan-an niku kawu anak sa panab-anan niya. Siya ti ina mayamu nasyun, ag ti iba niya ka linahi bumaliw hari.”

Gimpuunan 17:21

Dapat kang kasunduan sa kanmu sa kan Isaak lang niku pag tupadun hanggan sa kay manga linahi. Ianak ni Sara si Isaak sa ga kainda diman pag udas sa sunud timpu.”

Gimpuunan 18:10

Ti usa ka bisita nagkumun, “Pihu gid bumalik aku sitaay sa sunud pag timpu sa ga kainda diman pag udas, ag kanmu asawa si Sara may anak yi lalaki.” Magpatingi maaw si Sara sa may sabian turda sa may magkaday-an lang ni Abraham.

Gimpuunan 18:13

Susun nagpaingana ti Panginuun sa kan Abraham, “Hayga nasari si Sara ag magkumun, ‘Manganak aw waya aku gurangun yi?’

Gimpuunan 18:15

Nadala si Sara, nakan nagpudil siya. Magkun siya, “Unman duy aku nasari!” Dapat magkun ti Panginuun, “Nasari gid kawu.”

Gimpuunan 21:1

Balaw nalimtan Panginuun si Sara angay sa kay taratu.

Gimpuunan 21:2

Namuduy si Sara ag nanganak lalaki una gurangun yi si Abraham. Ainanak ti lapsag sa sinabi gid Diyus kaybi pag udas.

2 Hari 4:16

Magkun si Ilisyu, “Sa sunud pag timpu, sa kainda diman pag udas may salilyun yi kawu anak lalaki.” Sinmagut ti babayi, “Danga duy kawu magpudil sa kangku. Suruguun kawu Diyus.”

Hub 36:5

“Makamaskihan gid ti Diyus, dapat unman siya may pagpuyaan. Magkaalaman gid niya ti tanan pag manga bagay.

Hub 42:2

“Magkaalaman niku kuntay mabuwat nimu ti una hintay pag bagay, ag unman may makaampara sa kanmu.

Kanta 90:13

Panginuun, tugka kapira waya lugud kanmu pangagalit sa kanmi? Patingihi ag kaawai kami kanmu manga manugsirbi.

Kanta 93:1

Hari kawu, Panginuun; kanmu kamaskihan ag kadayawan imaw ti kanmu makahari pag rutay. Ibinugtang nimu marig-un ti kalibutan ag balaw inda magkatandug.

Kanta 95:3

Dahil ti Panginuun makamaskihan pag Diyus. Makamaskihan siya pag hari ag abwat sa tanan pag diyus.

Isayas 50:2

Hayga balaw niyu aku binati katpung sa kang pagras-ug? Hayga balaw kamu nagsagut katpung pagtawagan niku kamu? Balaw aw lugud niku kamu kaya iribri? Kaya ngani niku pak-atun ti dagat sa usa lang ka bagaw. Kaya diman niku buwatun tigangan ti sapa hampay mamatay ti manga isda.

Hirimyas 32:17

“Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Hirimyas 32:27

“Aku ti Panginuun, ti Diyus tanan tawu. May-imaw aw bagay balaw niku mabwat?

Danyil 6:20

Pagkaras-ug niya ati, maruku siya nagtawag, “Danyil, suruguun buhi pag Diyus, irinibri aw kawu sa manga liyun nimu pirmi pagsirbihan pag Diyus?”

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Sakaryas 8:6

Magkun waya ti Panginuun Makamaskihan, “Mahimu isipun inda dayu mangyari sa kang nasawad nasakupan, dapat mahimu di inda sa kangku.

Bilang 11:23

Magkun ti Panginuun sa kan Muysis, “May hangganan aw lugud kang kamaskihan? Makitan nimu taynguna nu mangyari kang pagsabihun ngatay unman.”

Matiyu 14:31

Bag-u ihinunat ni Hisus kay kamang ag hiniyaptan niya si Pidru. Magkun si Hisus, “Kawu duy diit lang maaw kanmu sarig. Hayga kawu nag-alinlangan?”

Matiyu 19:26

Tinurun sida ni Hisus bag-u kay sinabi magkun, “Dayu ngani inda mabuwat tawu, dapat mabuwat di Diyus ti tanan kabagayan.”

Matiyu 3:9

Danga kamu mag-isip kuntay balaw kamu parusahan dahil kamu manga linahi ni Abraham. Dahil pagsabihun niku sa kanyu, una inda pag manga batu mahimu buwatun Diyus manga anak ni Abraham.

Markus 10:27

Tinurun sida ni Hisus, sinabi niya, “Dayu ngani inda mabuwat tawu. Dapat nu sa Diyus balaw katida, dahil mabuwat di Diyus ti tanan kabagayan.”

Lukas 1:13

Dapat sinabi anghil sa kanya, “Sakaryas, danga magkadala duy, dahil nadnugan Diyus kanmu darangin. Kanmu asawa si Ilisabit aban manganak gid duy anak lalaki, ag siya kanmu paingarnan Huwan.”

Lukas 1:18

Sinabi ni Sakaryas sa anghil magkun, “Kabitay gid pag maalaman niku inda ti mangyari, kami mag-asawa gurangun yi?”

Lukas 1:37

Unman may dayu mabuwat ti Diyus.”

Lukas 8:50

Pagka naalaman ni Hisus, sinabi niya sa kan Hairu, “Danga duy kawu magkadala. Pagsarig lang kawu, umayad di siya.”

Ruma 4:21

Lubus siya nagsarig tupadun di gid Diyus kay taratu.

Ipisu 3:20

Ti Diyus gid ti makabuwat subra man sa tanan nita mahagad ag maisip, dahil kay kamaskihan tig hari sa kanta.

Diyuturunumiyu 30:3

kaawaan kamu Panginuun niyu Diyus. Tipunun niya kamu ginan sa tanan pag nasyun nu naan pag ipinabihag niya kamu, ag rargu ibalik niya kanyu mayad pag kahamtangan.

Diyuturunumiyu 7:21

Danga kamu magkadala sa kanda dahil ti Panginuun niyu Diyus kaibahan niyu, ti makamaskihan ag makadululaw pag Diyus.

Pilipus 3:21

Gamitun niya kay kamaskihan hampay kanta malumuy pag ginhawa bag-uhun niya agud pumarihu sa kay sadili bilug may kadayawan. Tunda pag kamaskihan imaw diman kay paggamitun hampay masakup niya ti tanan pag manga bagay tabug sa kay sadili.

Pilipus 4:13

Kaya niku mabuwat inda tanan dahil si Kiristu tigpabisug sa kangku.

Hibriyu 11:19

Kay isip ni Abraham una mamatay si Isaak mahimu buhiun siya uman Diyus. Nakan tinanggap maan ni Abraham kay anak bilang ga ginan yi sa kamatayan.

Talaghusay 13:3

Usa ka sirang, nagpakakit ti anghil Panginuun sa kay asawa ni Manwa ag magkun, “Tugka kainda unman waya kawu may anak. Dapat balaw dumugay mamuduy kawu ag manganak lalaki.

1 Samwil 14:6

Magkun si Hunatan sa tagadara niya armas, “Atagun nita ti kampu manga tawu balaw magsarig sa Diyus. Barang awatan kita Panginuun, dahil unman may umampara nu kagustuhan niya manalu kita, una mayamu ngatay pira-pira kita.”