Gimpuunan 17:6 - Hanunuu

⁶ Payamuun niku kanmu manga linahi ag mamatindug sida manga nasyun, bag-u ti iba sa kanda bumaliw hari.

Gimpuunan 17:6 Iomraidhean Croise

Gimpuunan 13:16

Payamuun niku kanmu linahi ga taypuk sa kalibutan kay kayamu. Ti taypuk dayu mabilang, nakan kanmu linahi balaw diman mabilang.

Gimpuunan 17:16

Papaladan niku siya ag pakan-an niku kawu anak sa panab-anan niya. Siya ti ina mayamu nasyun, ag ti iba niya ka linahi bumaliw hari.”

Gimpuunan 17:20

Tungkul waydi sa kan Ismail, nasaydan niku kanmu paghagadun para sa kanya. Papaladan niku siya ag pakan-an mayamu linahi. Bumaliw siya ama 12 ka takinan, ag kay manga linahi bumaliw bantug pag tawu.

Gimpuunan 17:4

“Inda kang kasunduan sa kanmu: Kawu bumaliw ama mayamu nasyun.

Gimpuunan 26:22

Nighit maan siyun ginan sida ni Isaak ag nankutkut maan tuhay pag bubun. Balaw yi nida inda inaratwanan, nakan iningarnan inda ni Isaak Rihubut. Dahil magkun siya, “Taynguna pinakan-an kita Panginuun maluang pag rugar hampay lalu waya kita yumamu sa inda pag rugar.”

Gimpuunan 28:3

Mana papaladan kawu Diyus Makamaskihan ag pakan-an mayamu pag anak hampay kawu ti bumaliw ama mayamu nasyun.

Gimpuunan 35:11

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 41:52

Iningarnan niya Ipraim kay ikadwa pag anak, dahil magkun siya, “Pinapaladan aku Diyus manga anak sa pinag-agwantahan niku pag daga.”

Gimpuunan 47:27

Nangulian ti manga Israilita sa Gusin sakup Ihiptu. Nagkaimaw sida ati daga ag nagyamu waya kanda lahi.

Gimpuunan 48:3

Magkun si Hakub sa kan Husi, “Katpung ati di waya aku sa Lus, sa daga Kanaan, napakakit sa kangku ti Makamaskihan pag Diyus ag pinapaladan niya aku.

Gimpuunan 48:4

Magkun siya, ‘Pakan-an niku kawu mayamu pag linahi hampay kawu ti ama kayamuun tawu. Ag ipakaun niku inda pag daga Kanaan sa kanmu manga linahi ag kanda yi inda hanggan waya aban.’ ”

Isra 4:20

Naalaman diman niku sa panab-anan manga kasuratan ti Hirusalim hanggan ti buu purubinsiya isalpan Iyupratis pinamahalaan manga makapangyarihan pag hari, bag-u nanhagad buhis ag iba waya baraydan sa kanda.

Libitiku 26:9

Ipakakit niku kang kaayadan sa kanyu bag-u payamuun niku kanyu manga lahi agud matupad niku kang kasunduan sa kanyu.