Gimpuunan 17:14 - Hanunuu

¹⁴ Una si unu sa kanyu pag lalaki ti balaw tinuri danga niyu pag turingan linahi niyu dahil binul-an nida halaga ti kasunduan niku.”

Gimpuunan 17:14 Iomraidhean Croise

Gimpuunan 17:15

Magkun waya ti Diyus sa kan Abraham, “Tungkul waydi sa kanmu asawa sa kan Saray, balaw yi nimu siya ingarnan Saray, dahil kainda ginan Sara yi kanmu ipaingaran sa kanya.

Gimpuunan 34:14

Magkun sida, “Balaw kami magpasnu mag-asawa si Dina sa usa ka tawu balaw tinuri, dahil makakaray-a tunda para sa kanmi.

Kanta 55:20

Kang kakilala kaybi nanlaban sa kay manga kakilala; unman niya tinupad kay manga itinaratu.

Pag-ighit 12:15

Sa sulud pitu ka sirang, kumaun kamu tinapay unman may pamadaka. Sa un-an pag sirang, bul-a niyu ti tanan pamadaka sa kanyu balay, dahil una si unu ti kumaun tinapay may pamadaka ginan sa un-an tugka sa ikapitu pag sirang balaw yi sakup sa Israil.

Pag-ighit 12:19

Sa sulud pitu ka sirang, kailangan unman may makitan pamadaka sa kanyu balay. Una si unu ti kumaun tinapay may pamadaka, Israilita man ngatay balaw Israilita, balaw yi sakup sa Israil.

Pag-ighit 30:33

Una si unu pag balaw manughandug ti bumuwat inda pag lana ngatay ti gumamit inda una sa kantapu, danga yi pagkilalan-a nasakupan niyu.”

Pag-ighit 30:38

Una si unu ti bumuwat inda hampay gamitun pamanglu danga yi pagkilalan-a nasakupan niyu.”

Isayas 24:5

Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Isayas 33:8

Udyi may maglawuy ngatay maglakaw sa baklayan. Paglabagun yi ti kasunduan balaw yi pagpahalgaan ti manga kastigus. Udyi may tawu pag-igalang.

Hirimyas 11:10

Hinuwad nida ti manga binwat kasalanan nida manga ginurang balaw gid nagpaniwala sa kang manga bagaw. Nagsamba diman sida sa manga diyus-diyusan. Ti nasakupan Israil hanggan Huda parihu naglabag sa binwat niku kasunduan sa kanda manga ginurang.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Isikil 44:7

Pag-ipasulud niyu sa kang Balay ti manga day-uhan unman magsarig sa kangku. Sa panab-anan inda pag-uringan niyu kang Balay habang maghandug kamu karan-unun, taba, hanggan dugu. Balaw labut sa kanyu mayagting manga buwat, paglabagun waya niyu kang kasunduan sa kanyu.

Libitiku 18:29

Una si unu ti bumuwat tunda pag manga mahalay pag buruwatun, danga yi pagkilalan-a nasakupan niyu.

Libitiku 19:8

Una si unu ti kumaun tunda may saragtun dahil kay binul-an halaga ti banal pag bagay para sa kangku, nakan inda pag tawu danga yi pagkilalan-a nasakupan niyu.

Libitiku 23:29

Ti unman maghandum karan-unun sa tunda pag sirang danga yi pagkilalan-a nasakupan niyu.

Libitiku 7:25

Una si unu ti kumaun taba ihinandug sa Panginuun sa panab-anan apuy, inda pag tawu danga yi pagkilalan-a nasakupan niyu.

Libitiku 7:27

Una si unu ti makakaun dugu, inda pag tawu danga yi pagkilalan-a nasakupan niyu.

Bilang 9:13

“Dapat ti tawu unman nagdaus Pista Pag-alaala sa Karibrihan, una malumpiyu siya ag unman naglakaw sa arayu, tunda pag tawu danga yi pagkilalan-a nasakupan niyu, dahil unman siya nag-ayaw handug para sa Panginuun sa nakatagka pag panahun. Mangagwanta siya sa kay kasalanan.

1 Kurintu 11:27

Nakan ngani una hintay ti magkaun tinapay ag mag-inum sa ungut Panginuun bag-u ud pagpahalgaan niya ti Panginuun, magkasala ngap siya laban sa Panginuun dahil unman pagpahalgaan niya kay bilug ag dugu Panginuun.

1 Kurintu 11:29

Ti magkaun tunda pag tinapay ag mag-inum sa ungut bag-u unman pagpahalagaan niya ti bilug Panginuun, kay ngap pagbutungun ti sintinsiya Diyus tag sa kay sadili bilug.