Gimpuunan 17:10 - Hanunuu

¹⁰ Ag kaibahan sa inda pag kasunduan, kailangan niyu turiun ti tanan lalaki niyu.

Gimpuunan 17:10 Iomraidhean Croise

Gimpuunan 17:11

Inda ti tanda kasunduan niku sa kanyu.

Gimpuunan 17:23

Sa tunda diman pag sirang, tinupad ni Abraham ti isinugu Diyus sa kanya. Tinuri niya kay anak si Ismail hanggan ti tanan lalaki sa kay magtal-anakan: ti manga ainanak sa kay ulian pag manga panawuhun hanggan ti manga binili niya pag panawuhun.

Gimpuunan 21:4

Igu walu yi ka sirang ti lapsag, tinuri siya ni Abraham angay sa sugu Diyus sa kanya.

Gimpuunan 34:15

Pumasnu lang kami nu ti tanan taga atay pag lalaki manpaturi parihu sa kanmi.

Gimpuunan 34:22

Dapat pumasnu lang sida mangulian sitay kaibahan nita bilang usa ka banwa nu pumasnu ti tanan lalaki nita manpaturi parihu sa kanda.

Pag-ighit 12:48

“Nu may day-uhan magpangulian kaibahan niyu magkaibug mag-alaala sa Pista Pag-alaala sa Karibrihan sa pagkilala sa Panginuun, kailangan turiun dap ti tanan lalaki sa kay magtal-anakan. Bag-u mahimu yi siya makaibahan sa pag-alaala bilang usa ka tinubu Israilita. Dapat unman mahimu mag-alaala ti tawu balaw tinuri.

Pag-ighit 4:25

Dapat binmuul si Sipura matarum pag batu ag tinuri kay anak, ti nab-ul pag lukub ipinakput niya sa lulud ni Muysis. Ag magkun si Sipura, “Kawu duguan pag asawa sa kangku.” (Inda ti sinabi ni Sipura tungkul sa pagturi.) Nakan unman minatay Panginuun si Muysis.

Hirimyas 4:4

Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Huwan 7:22

May bilin si Muysis sa kanyu kailangan turiun niyu kanyu manga anak. Nu sa ungud balaw tunda ginan sa kan Muysis. Daan di tunda pag ugali inumpisahan kaybi di waya manga ginurang. Nakan pagturiun niyu ti manga anak lalaki una sa Sirang Pamahari.

Binwat 7:8

Tinalaghut Diyus kay taratu sa kan Abraham. Ti pagturi kay tanda sa taratu. Nakan pagka inanak yi kan Abraham anak si Isaak, tinuri niya ti anak sa ikawalu pag sirang. Kumun diman kay binwat ni Isaak sa kay anak sa kan Hakub. Katunda diman waydi kay binwat ni Hakub sa kay sampulu may duwa ka anak lalaki, imaw yi ngani kanta kaapu-apuhan.

Ruma 2:28

Ti usa ka tawu balaw masabi tutuu Hudiyu, una paman Hudiyu kay manga gurang una waya tinuri siya.

Ruma 3:25

Si Hisus ngani ti ihinanda Diyus hampay ipakaun niya kay buhi ag hampay sa pagkabuhus niya dugu may kapatawadan ti manga tawu sa kanda manga kasalanan, nu sida magsarig sa kanya. Kay binwat Diyus tunda hampay ipakilala kay katadlungan. Dahil nu sa kaybi, pinakan-an niya rugar ti manga tawu, pinasinsiya niya kanda manga kasalanan.

Ruma 3:28

Dahil naintindihan yi nita isip, ti tawu kinilala Diyus kuntay siya matadlung dahil sa kay sarig sa kan Kiristu, bukun dahil sa kay nagtupad sa Kasuguan.

Ruma 3:30

Kabay usa-usa ti Diyus. Una ti manga Hudiyu una ti manga balaw Hudiyu, nu sida sumarig sa kan Kiristu, pagkilalan-un yi sida Diyus kuntay sida manga matadlung.

Galasya 3:28

Udyi may tuhay-tuhay una Hudiyu, una Giriyigu, una panawuhun, una bukun panawuhun, una lalaki, una babayi. Kamu tanan urusa dahil sa kanyu pakiusa sa kan Kiristu Hisus.

Galasya 6:12

Tunda pag manga tawu ti magpilit sa kanyu hampay magpaturi, magkaibug lang sida magpakakit-kakit sa manga iba. Pagbuwatun nida tunda, hampay sida balaw pag-unuunuhun ga mangyari nu abi pag-itudlu nida ti kahulugan kamatayan ni Kiristu sa kurus.

Ipisu 2:11

Isipun niyu kanyu daan pag kahamtangan. Kamu inanak manga balaw Hudiyu. Pagkumnun kamu manga Hudiyu kuntay balaw tinuri. Inda pag manga Hudiyu pagkumnun manga tinuri angay lang sa kanda binwat sa kanda bilug.

Diyuturunumiyu 10:16

Nakan bag-uha niyu kanyu tagipusuun ag danga yi kamu magpaganit kanyu ulu.

Diyuturunumiyu 30:6

Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Huswi 5:2

Ati katpung, magkun ti Panginuun sa kan Huswi, “Pagbuwat kawu manga patarum human sa tanang batu, bag-u turia ti manga Israilita.” (Inda ti ikadwa pag turi sa manga Israilita.)

Huswi 5:4

Inda kay dahilan nu hayga pinanturi ni Huswi ti manga lalaki: Pagka nighit ti manga Israilita sa Ihiptu, ti tanan lalaki tinuri yi. Dapat ti manga iinanak sa sulud upatpulu ka timpu sa kanda maglakaw sa pangawakawaan unman naturi. Ag sa ati katpung pag udas, ti manga lalaki may kang-ud pag idad hampay lumaban nagkaramatay dahil unman sida nagsunud sa Panginuun. Sinabihan sida Panginuun kuntay unman gid nida makitan ti marinu ag abunda pag daga kay itinaratu sa kanda ginurang ipakaun sa kanda.