Gimpuunan 17:1 - Hanunuu

¹ Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Gimpuunan 17:1 Iomraidhean Croise

Gimpuunan 12:1

Taynguna, magkun ti Panginuun sa kan Abram, “Tayaki kanmu nasyun, hanggan kanmu manga katawuhan, una ti magtal-anakan nimu ama, bag-u pag ati kawu sa ipakakit niku pag rugar sa kanmu.

Gimpuunan 12:7

Bag-u napakakit ti Panginuun sa kan Abram ag magkun, “Inda pag daga ipakaun niku sa kanmu manga linahi.” Nakan nagbuwat harandugan si Abram para sa Panginuun imaw ti napakakit sa kanya.

Gimpuunan 16:16

Kay idad ni Abram 86 ka timpu pagka ainanak si Ismail.

Gimpuunan 18:1

Napakakit ti Panginuun sa kan Abraham katpung mag-uli di waya siya sa may arani daka manga puun kayu ni Mamri. Mainit tunda katpung, ag si Abraham matukawan sa may sabian niya turda.

Gimpuunan 18:14

May bagay aw lugud balaw mabuwat Panginuun? Parihu sa kang sinabi, bumalik aku sitaay sa sunud pag timpu sa ga kainda diman pag udas, ag si Sara may imaw yi anak lalaki.”

Gimpuunan 24:40

Nagsagut siya, ‘Ti Panginuun kang pagsundun pumadara anghil hampay giyahan kawu agud matupad kanmu turunu ati. Kumakit kawu maasawa niku anak ginan sa kang manga katawuhan, sa magtal-anakan niku ama.

Gimpuunan 26:2

Napakakit sa kanya ti Panginuun ag magkun, “Danga kawu mag-atag sa Ihiptu; pagpirmaminti kawu sa itudlu niku pag rugar sa kanmu.

Gimpuunan 28:3

Mana papaladan kawu Diyus Makamaskihan ag pakan-an mayamu pag anak hampay kawu ti bumaliw ama mayamu nasyun.

Gimpuunan 35:11

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 43:14

Mana tandugun Makamaskihan pag Diyus ti tagipusuun gubirnadur hampay maawa siya sa kanyu ag iuli niya sa kanyu si Simyun ag si Binhamin. Dapat nu unman sida makabalik, tanggapun yi lang niku maluag sa kang tagipusuun.”

Gimpuunan 46:3

Pagkatapus, magkun siya, “Aku ti Diyus nimu ama. Danga kawu magkadala mag-atag sa Ihiptu, dahil buwatun niku kamu usa ka bantug pag nasyun ati.

Gimpuunan 48:15

Pagkatapus, pinapaladan niya sida magkumun, “Mana papaladan Diyus inda pag manga anak, ti sinirbihan niku manga ginurang nida ni Abraham ni Isaak, imaw diman ti Diyus maggiya sa kangku ginan sa kang pagkalusad tugka taynguna.

Gimpuunan 48:3

Magkun si Hakub sa kan Husi, “Katpung ati di waya aku sa Lus, sa daga Kanaan, napakakit sa kangku ti Makamaskihan pag Diyus ag pinapaladan niya aku.

Gimpuunan 5:22

Pagka nianak si Matusalim, nabuhi waya si Inuk 300 ka timpu ag nadugangan waya kay manga anak. Tunda katpung, marapakiusa si Inuk sa Diyus. Manga 365 ka timpu yi siya kay nadura, dahil bin-ul siya Diyus.

Gimpuunan 6:9

Inda ti tultulanun tungkul sa linahi ni Nuwi. Si Nuwi matadlung pag tawu. Siya lang ti magkabuhi matadlung sa kay kapanahunan, ag magkabuhi siya kaibahan ti Diyus.

1 Hari 2:4

Nu buwatun nimu inda, tupadun Panginuun kay itinaratu sa kangku, nu kang manga linahi mangabuhi sa tama ag magsunud sa kanya sa buu tagipusuun, may usa gid pirmi sa kanda ti humari sa Israil.

1 Hari 3:6

Nagsagut si Sulumun, “Pinakakitan nimu daka pag kaayadan kang ama si Dabid, kanmu manugsirbi, dahil tapat siya sa kanmu, matadlung, ag mayad kay pangabuhi. Parargu nimu pag-ipakakit sa kanya kanmu daka pag kaayadan sa panab-anan pagpakaun sa kanya usa ka anak bilang hari taynguna.

1 Hari 8:25

Ag taynguna, Panginuun, Diyus Israil, tupada waya gid kanmu itinaratu sa kanmu suruguun si Dabid, kang ama pagka sinabi nimu sa kanya, ‘Unman kawu maduraan linahi umilis sa kanmu bilang hari sa Israil nu mayad ti pagsunud nimu manga linahi sa kangku, parihu sa kanmu binwat.’

2 Hari 20:3

“Panginuun, alalahana duy nimu nu kabitay aku nangabuhi matinupadun sa kanmu ag nagsirbi buu tagipusuun, ag nu kabitay aku nagbuwat mayad sa kanmu magbantay.” Ag nanlumi siya matnug.

Hub 1:1

May usa ka lalaki mag-uli sa rugar Us kay ngaran si Hub. Matadlung siya, ag unman may ikasabi kay pangabuhi. Maginalangun siya sa Diyus ag maaman sa magbuwat daut.

Hub 11:7

Masalman aw lugud nimu tanan-tanan ti tungkul sa Diyus?

Kanta 115:3

Kanmi Diyus asan sa langit ag pagbuwatun niya una hintay kay pagkaibgan.

Kanta 116:9

Nakan mangabuhi aku arani sa Panginuun sitay sa kalibutan manga buhi.

Kanta 25:14

Panginuun, arani kawu sa manga tawu maggalang sa kanmu ag pag-ipaalaala nimu sa kanda kanmu kasunduan.

Pag-ighit 6:3

Napakakit aku sa kanda ni Abraham, ni Isaak, ag ni Hakub, bilang Makamaskihan pag Diyus, dapat unman aku nagpakilala sa kanda kuntay Panginuun kang ngaran.

Kabagawan 10:9

May kahusayan ti tawu magpangabuhi matadlung, dapat ti magpangabuhi balaw mayad miburayhaw aban.

Isayas 38:3

Magkun siya, “Panginuun, alalahana duy nimu nu kabitay aku namuhi matinupadun ag buu tagipusuun nagsirbi sa kanmu ag nu kabitay aku nagbuwat mayad sa magbantay nimu.” Ag namurus siya sa lumi.

Hirimyas 32:17

“Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Bilang 11:23

Magkun ti Panginuun sa kan Muysis, “May hangganan aw lugud kang kamaskihan? Makitan nimu taynguna nu mangyari kang pagsabihun ngatay unman.”

Bilang 24:16

Nasaydan niku ti bagaw Kaabwat-abwatan pag Diyus ag pinakan-an niya aku pan-intindi. Nakakit aku usa ka pangakakitun ginan sa kanya, ti Makamaskihan pag Diyus. Napakumbaba aku sa kanya, ag pinaintindi niya aku. Kaindaay kang padakit::

Matiyu 19:26

Tinurun sida ni Hisus bag-u kay sinabi magkun, “Dayu ngani inda mabuwat tawu, dapat mabuwat di Diyus ti tanan kabagayan.”

Matiyu 5:48

Nakan ngani kailangan ilubus niyu kanyu kaayadan parihu sa kanyu Ama sa langit.”

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Binwat 23:1

Nagturun si Pablu sa buu Katipunan manga Pinunu bag-u kay sinabi magkun, “Manga kaparihu niku Hudiyu, kaybi ginan hanggan taynguna tugka nag-ugali aku sa malumpiyu kang tagipusuun hanggan naisipan sa atubangan Diyus.”

Binwat 24:16

Nakan pirmi aku mag-ugali sa mayad hampay malumpiyu kang tagipusuun hanggan kang naisipan sa atubangan Diyus una sa atubangan tawu.

Ipisu 3:20

Ti Diyus gid ti makabuwat subra man sa tanan nita mahagad ag maisip, dahil kay kamaskihan tig hari sa kanta.

Diyuturunumiyu 10:17

Dahil ti Panginuun niyu Diyus imaw ti Diyus manga diyus ag ti Panginuun manga panginuun. Makamaskihan siya ag makadululaw pag Diyus. Unman siya may pagpalabihun angay sa kahamtangan tawu ag unman magtanggap suhul.

Diyuturunumiyu 18:13

Kailangan unman may ikasabi sa kanyu ti Panginuun niyu Diyus.

Diyuturunumiyu 30:20

Mahala niyu ti Panginuun niyu Diyus. Sunda niyu siya ag pagsa kanya di gid kamu, dahil siya kanyu buhi. Nu buwatun niyu inda, mabuhi kamu dugay ati sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub.”

Pilipus 4:13

Kaya niku mabuwat inda tanan dahil si Kiristu tigpabisug sa kangku.

Hibriyu 12:28

Nakan pagpasalamat gid kita dahil dayu gid matandug ti kaharian kanta tinanggap sa Diyus. Pagsamba kita sa Diyus, pagdahan kita paggalang hampay pagbayaun niya kita.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.