Gimpuunan 16:10 - Hanunuu

¹⁰ Bag-u magkun waya ti anghil, “Payamuun niku kanmu linahi balaw gid inda mabilang.”

Gimpuunan 16:10 Iomraidhean Croise

Gimpuunan 13:16

Payamuun niku kanmu linahi ga taypuk sa kalibutan kay kayamu. Ti taypuk dayu mabilang, nakan kanmu linahi balaw diman mabilang.

Gimpuunan 16:9

Magkun ti anghil sa kanya, “Pagbalik kawu sa kanmu amu ag pagpakumbaba kawu sa kanya.”

Gimpuunan 17:20

Tungkul waydi sa kan Ismail, nasaydan niku kanmu paghagadun para sa kanya. Papaladan niku siya ag pakan-an mayamu linahi. Bumaliw siya ama 12 ka takinan, ag kay manga linahi bumaliw bantug pag tawu.

Gimpuunan 21:13

Ag ti tungkul waydi sa kan Ismail, manyamu diman kay linahi ag usa diman sida ka nasyun, dahil anak diman nimu siya.”

Gimpuunan 21:16

ag linmakaw siya manga 100 mitrus kay kaarayu ginan sa kay anak. Ati siya pag tinmukaw ag nanlumi magkun sa kay sadili, “Balaw niku mabata bantayan ti kamatayan niku anak.”

Gimpuunan 21:18

Pagtindug kawu ag banguna ti anak, dahil buwatun Diyus daka pag nasyun kay manga linahi.”

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Malakyas 3:1

Pagpatingi kamu sa pagsabihun Panginuun Makamaskihan, “Ipadara niku kang manugbarita hampay ialistu kang lakawan. Bag-u ti Panginuun kanyu pag-alagdun kadaka rumas-ug sa kay Balay. Rumas-ug kanyu pagpatigagadun pag manugbarita imaw ti mamatigayun sa kang kasunduan.”

Huwan 1:18

Kaybi ginan unman may tawu nakakit sa Diyus. Ti Bugtung Anak ti nagpakilala sa manga tawu nu kabitay ti Diyus. Dahil ti Bugtung Anak kaibahan Diyus ag pirmi gid sa kay arani Ama.

1 Timutiyu 6:16

Siya lang ti ud may kamatayan, siya ti mangulian sa dayu masumpung pag karayawan. Unman may nakakit sa kanya ag unman may kumakit sa kanya una kainda. Sa kanya ti kadayawan hanggan ti unman may katapusan pag kamaskihan. Amin.

Talaghusay 6:11

Bag-u rinmas-ug ti anghil Panginuun sa Upra. Tinmukaw siya ati sa sirung kayu insina ni Huas kay lahi ni Abisir. Si Gidyun kay anak ni Huas ati katpung maggiuk tirigu sa may pirigsan ubas hampay balaw makitan manga Midyanita ti tirigu.

Talaghusay 6:16

Sinmagut ti Panginuun, “Awatan niku kawu, ag rurisun nimu ti manga Midyanita ga sa maglaban kawu sa usa lang ka tawu.”