Gimpuunan 15:1 - Hanunuu

¹ Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

Gimpuunan 15:1 Iomraidhean Croise

Gimpuunan 15:2

Dapat magkun si Abram, “Panginuun Diyus, hintay kay pulus kanmu pirimyu sa kangku nu tugka taynguna unman aku may anak. Kang manugmana lang si Iliyisir taga Damasku.

Gimpuunan 15:4

Magkun sa kanya ti Panginuun, “Balaw si Iliyisir ti manmana kanmu manga kasiyunan nu unman kanmu sadili di pag anak.”

Gimpuunan 21:17

Taynguna, nasaydan Diyus ti maglumi anak. Nakan magkun ti anghil Diyus ginan sa tungud atabug sa kan Hagar, “Hintay ti magpaaburidu sa kanmu naisipan Hagar? Danga kawu magkadala; nasaydan Diyus ti maglumi nimu anak.

Gimpuunan 22:1

Pagka sa usa ka sirang, sinubukan Diyus si Abraham. Tinawagan niya si Abraham ag sinmagut siya sa kanya.

Gimpuunan 22:20

Pagka sa usa ka sirang, nabaritaan ni Abraham kay patar-ari niya si Nahur may manga anak yi sa kan Milka:

Gimpuunan 26:24

Sa tunda pag yabi sa kay pagras-ug, napakakit sa kanya ti Panginuun ag magkun, “Aku ti Diyus nimu ama, ni Abraham. Danga kawu magkadala dahil kaibahan nimu aku. Papaladan niku kawu ag pakan-an mayamu pag lahi dahil sa kan Abraham kang manugsirbi.”

Gimpuunan 31:7

dapat dinaya waya niya aku. Sampulu ka ulit niya binag-u ti kabaydanan niku. Dapat balaw aku pinabay-anan Diyus api-apihun lang niya.

2 Hari 1:15

Nagbagaw ti anghil Panginuun sa kan Ilyas, “Pagkuyug kawu sa kanya, danga kawu magkadala.” Nakan nagkuyug ngani si Ilyas sa takinan sundalu atabug sa hari.

1 Krunika 28:20

Magkun waydi si Dabid sa kay anak si Sulumun, “Pagpakarig-un kawu ag pagpakabaskug. Umpisahi yi ti pagbuwat. Danga kawu magkadala ngatay maglubay, dahil ti Panginuun Diyus, kang Diyus, kaibahan nimu. Unman kawu niya tayakan ngatay pabay-anan tugka matapus ti tanan pag buwat para sa Balay Diyus Panginuun.

Kanta 119:114

Kawu kang panangga ag manug-alaga; magsarig aku sa kanmu bagaw.

Kanta 142:5

Magtawag aku sa kanmu, Panginuun; kawu kang palalan-iban, kawu lang gid ti kang kailangan sitay sa kalibutan.

Kanta 18:2

Panginuun, kawu kang palalan-iban pag batu, kang matibay pag paratag-an ag manugribri. Bilang palalan-iban pag batu, makapatagu aku sa kanmu. Kawu kang panangga, makamaskihan pag manugribri, ag darangpan.

Kanta 27:1

Ti Panginuun kang sulu ag manugribri, nakan unman aku magkadala! Ti Panginuun kang darangpan. Balaw aku may pagkadalaan!

Kanta 3:3

Dapat ti tutuu, parihu kawu sa panangga mag-alaga sa kangku. Pagpabisugun nimu aku, ag magpanalu aku laban sa kang manga kalaban.

Kanta 3:4

Magtawag aku sa kanmu, Panginuun, ag pagsagutun nimu aku ginan sa kanmu banal pag bantud.

Kanta 5:12

Dahil pagpapaladan nimu, Panginuun, ti manga matadlung. Kanmu pagmahal mag-alaga sa kanda parihu sa panangga.

Kanta 58:11

Bag-u sumabi ti manga tawu, “Tutuu gid ungud may pirimyu para sa manga matadlung ag may Diyus maghatul sa manga tawu sa kalibutan.”

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

Kanta 84:9

Diyus, papaladi nimu kanmi manugbaliwa, ti pinili nimu pag hari.

Kanta 91:4

Dahanan niya kawu parihu sa pag-alaga manuk sa kay manga butu sa sirung niya manga pakpak. Sa kay katapatan, ingatan niya kawu ag apinan.

Pag-ighit 14:13

Sinmagut si Muysis sa manga tawu, “Danga kamu magkadala. Pagpakarig-un kamu ag makitan niyu ti pagribri Panginuun sa kanyu sa inda pag sirang. Ti manga mag-akitan niyu pag Ihipsiyu taynguna balaw yi niyu makitan uman.

Kabagawan 11:18

Ti daut pag tawu unman makatanggap tutuu pag pirimyu, dapat ti magbuwat matadlung makatanggap tutuu pag pirimyu.

Kabagawan 30:5

Kada bagaw Diyus masarigan gid. Panangga sa manga maghagad awat sa kanya.

Isayas 35:4

Sabihun niyu sa manga magkadala, “Danga kamu magkadala. Pabisuga niyu kanyu nalub-anan. Rumas-ug kanyu Diyus hampay manmalus sa kanyu manga kalaban, ag iribri niya kamu.”

Isayas 40:10

Magras-ug ti Panginuun Diyus makamaskihan ag humari siya may kamaskihan. Magras-ug siya dara ti pirimyu, ti irinibri niya pag nasakupan.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 43:5

Danga kawu magkadala dahil kaibahan nimu aku. Tipunun niku kanmu manga linahi ginan sa butlakan tugka sa isalpan.

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Isayas 44:8

Danga kamu magkadala ngatay kulbaan. Unman aw ipinaalam niku sa kanyu kaybi waya kang turunu? Kamu kang manga kastigus. May imaw waya aw iba Diyus purya sa kangku? Unman gid! Unman yi aku may alam kuntay may iba waya batu palalan-iban purya lang sa kangku.”

Isayas 51:12

Sinmagut ti Panginuun, “Aku ti nagpabisug ag nagpasulung sa kanyu. Nakan hayga kamu madala sa kaparihu niyu tawu mamatay diman ga ilamnun?

Hirimyas 39:17

Dapat iribri niku kawu sa ati pag udas. Balaw kawu ipakaun sa manga tawu pagkadalaan nimu.

Karukuan 3:24

Magsabi aku sa kang sadili, “Ti Panginuun imaw ti tanan sa kangku, nakan magsarig aku sa kanya.”

Isikil 1:1

Aku si Isikil ti manughandug, kan Busi anak, ag usa aku sa manga binihag sa Babilunya. Usa ka sirang, katpung ati aku mag-uli sa saruy Sapa Kibar kaibahan ti iba manga bihag, binmukas ti langit ag sinuldan aku kamaskihan Panginuun, ag may manga ipinakakit siya sa kangku manga pangakakitun. Nangyari inda sa ikalima pag sirang katpung ikap-at pag bulan katpung ika-30 pag timpu. Ikalima inda pag timpu pagkabihag sa kan Hari Hihuyakin.

Isikil 11:24

Bag-u nakitan niku sa pangakakitun ipinakaun sa kangku Ispiritu Diyus, ipinaabwat niya aku ag dinara pabalik sa manga bihag sa Babilunya. Ag ati natapus kang pangakakitun tungkul sa Hirusalim.

Isikil 3:4

Sinabi niya rargu sa kangku, “Anak tawu, lakaw yi atag sa nasakupan Israil ag tultulan kang tultulanun para sa kanda.

Bilang 12:6

magkun ti Panginuun, “Pagpatingi kamu! Nu may purupita aku asan sa kanyu, maghampang aku sa kanya sa panab-anan pangakakitun hanggan tagin-up.

Bilang 18:20

Magkumun waya gid ti Panginuun sa kan Aarun, “Kamu pag manga manughandug unman may manahun daga sa Israil, dahil aku di ti mangayaw kanyu pangailangan.

Bilang 24:4

Nasaydan niku ti bagaw Diyus, ag nakakit aku usa ka pangakakitun ginan sa kanya, ti Makamaskihan pag Diyus. Napakumbaba aku sa kanya, ag pinaintindi niya aku. Kaindaay kang padakit:

Matiyu 28:5

Magkun ti anghil sa manga babayi, “Kamu duy danga magkadala, dahil alam niku paghanapun niyu si Hisus ti ipinaku sa kurus.

Matiyu 8:26

Magkun si Hisus sa kanda, “Hayga lugud kamu magkadala, diit maaw kanyu pagsarig.” Bag-u tinmindug si Hisus ag nagbagaw, kay inampara ti untug hanggan ti humbak danaw. Bigla nagkalma.

Lukas 1:13

Dapat sinabi anghil sa kanya, “Sakaryas, danga magkadala duy, dahil nadnugan Diyus kanmu darangin. Kanmu asawa si Ilisabit aban manganak gid duy anak lalaki, ag siya kanmu paingarnan Huwan.”

Lukas 1:30

Magkun ti anghil sa kanya, “Danga kawu magkadala duy, Marya. Dahil kinaawaan kawu Diyus.

Lukas 12:32

Sinabi ni Hisus magkun, “Danga kamu magkadala una kamu ga balaw mayamu, dahil kay ibug ngapu niyu Ama iintirga sa kanyu ti kaharian.

Binwat 10:22

Sinmagut sida magkun, “Kami duy sinugu ngani ni Kapitan Kurnilyu. Mayad siya pag tawu, niabay yi sa surundanun manga Hudiyu. Paggalangun diman siya tanan manga Hudiyu. Sinabihan siya anghil Diyus kawu yi ngani kunu ti ipabuul niya atag sa kay balay hampay makapatingi siya sa kanmu manga pagsabihun.”

1 Kurintu 3:22

Una si Pablu, una si Apulus, una si Pidru, una ti kalibutan, una ti buhi, una ti kamatayan, una ti kahamtangan kainda, una ti kahamtangan aban. Ti tanan kanyu yi.

Diyuturunumiyu 18:2

Unman sida may manahun daga parihu sa kanda kaparihu manga Israilita; ti Panginuun imaw ti kanda mana angay sa kay itinaratu sa kanda.

Diyuturunumiyu 31:6

Pagpakarig-un kamu ag pag matutum. Danga kamu magkadala sa kanda dahil ti Panginuun niyu Diyus mag-iba sa kanyu; balaw niya kamu tayakan ngatay pabay-anan.”

Hibriyu 1:1

Kaybi waya ginan ipinadakit manga purupita ti manga binagaw Diyus sa kanta manga ginurang sa tuhay-tuhay pag udas ag sa tuhay-tuhay pag paraan.

Ipinakakit 1:17

Pagka nakitan niku siya, naplid aku kadaka ga namatay yi sa kay atubangan. Dapat ay kay kinup-an aku niya sikun pag kamang bag-u kay sinabi magkun, “Danga duy kawu magkadala. Aku ti gimpuunan, aku diman ti masawad.

Rut 2:12

Nakan papaladan mana kawu Panginuun dahil sa kanmu binwat. Mana laun pag pirimyu kanmu matanggap ginan sa Panginuun, ti Diyus Israil, kanmu darangpan.”

1 Samwil 15:10

Magkun ti Panginuun sa kan Samwil,

1 Samwil 9:9

Magkun si Saul sa kanya, “Mayad! Abala yi, atag yi kita sa manughula.” (Kaybi sa Israil nu may tawu magkaibug makatanggap bagaw ginan sa Diyus, kaindaay kay pagsabihun, “Abala yi, atag yi kita sa manughula,” dahil ti manga pag-ingarnan purupita taynguna pag-ingarnan manughula kaybi.) Inmati ngani si Saul hanggan ti suruguun sa banwa nu naan katpung ti manugsirbi Diyus.