Gimpuunan 14:14 - Hanunuu

¹⁴ Pagka nasaydan ni Abram binihag maaw kay bapa, susun niya tinipun kay 318 ka anad gid pag tawuhan, mismu ati pag ainanak sa kay kampu, ag linagas nida ti upat ka hari tugka sa Dan.

Gimpuunan 14:14 Iomraidhean Croise

Gimpuunan 12:16

Dahil sa kan Saray, mayad gid kay magpakiusa hari sa kan Abram ag pinakan-an waya siya manga karanidu, manga kambing, manga baka, manga asnu, manga kamilyu hanggan manga suruguun lalaki ag babayi.

Gimpuunan 13:8

Nakan magkun si Abram sa kan Lut, “Kita hanggan kanta manga tawuhan balaw mahimu mag-arawayan, dahil magkatawuhan kita.

Gimpuunan 14:16

Binawi nida ti tanan bin-ul manga kalaban pag manga kasiyunan. Binawi diman nida si Lut hanggan kay manga kasiyunan kaibahan ti manga babayi ag ti iba waya manga tawu.

Gimpuunan 15:3

Dahil unman niyu aku pinakan-an anak, ti usa sa manga suruguun niku magtal-anakan ti manmana manga kasiyunan niku.”

Gimpuunan 17:12

Taynguna ginan tugka sa sunud pag manga sinulput tawu, ti tanan ianak pag lalaki kailangan turiun sa ikawalu pag sirang ginan sa kay pagkalusad. Turia diman niyu ti manga suruguun lalaki ilinusad sa kanyu ulian hanggan ti manga suruguun kanyu binili sa manga taga iba rugar. Inda pag tanda sa kanyu bilug ti manpatutuu kuntay ti kasunduan niku sa kanyu pumarargu hanggan aban.

Gimpuunan 17:23

Sa tunda diman pag sirang, tinupad ni Abraham ti isinugu Diyus sa kanya. Tinuri niya kay anak si Ismail hanggan ti tanan lalaki sa kay magtal-anakan: ti manga ainanak sa kay ulian pag manga panawuhun hanggan ti manga binili niya pag panawuhun.

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Gimpuunan 23:6

“Panginuun, pagkilalan-un kawu nimi bantug pag tawu, nakan mahimu nimu ilubung kanmu asawa una naan sa kanmi pinakamarinu pag manga lulubngan. Unman gid may mangirang lulubngan sa kanmu una di usa sa kanmi hampay milubung nimu kanmu asawa.”

1 Hari 15:20

Pinmasnu si Bin Hadad sa pagpamuhunun ni Hari Asa, ag sinugu niya ti manga takinan niya manga sundalu kuntay giraha ti manga banwa Israil. Nasakup nida ti Ihun, Dan, Abil Bit Maaka, ti buu Kinirit hanggan ti buu Niptali.

Kanta 68:12

“Nagpinalalagiw ti manga hari hanggan kanda manga sundalu, kanda manga kasiyunan inayaw-ayaw manga babayi taga Israil.

Kabagawan 17:17

Ti kakilala magmahal sa kanmu sa tanan pag udas, ag nu may katawuhan hampay makaawat sa kanmu sa udas kakurian.

Manugtudlu 2:7

Nanmili aku manga panawuhun lalaki ag babayi, may manga panawuhun diman aku manga nianak sa kang balay. Aku ti may pinakamayamu manga hayup sa tanan mag-uli sa Hirusalim.

Hirimyas 41:12

Nakan tipunun nida kanda manga tawuhan ag linagas si Ismail hampay labanan. Natakdan nida sida maluang pag tipunan danum sa Gibyun.

Diyuturunumiyu 34:1

Ginan sa karatagan Muab, nagtukad si Muysis sa Bantud Nibu, sa katayungtungan Pisga maatubangan sa Hiriku. Ati pag ipinakakit Panginuun sa kanya ti buu daga — ginan sa Gilyad tugka sa Dan,

1 Huwan 2:18

Kamu pag manga anak, inda duy arani yi ti katapusan kalibutan. Kanyu yi waydi naalaman kuntay lumuwang ti Anti-Kiristu. Taynguna mayamu yi ngap pag manga anti-Kiristu ti linmuwang yi. Siti pag maalaman yi ngani nita inda arani yi ti katapusan kalibutan.

Talaghusay 18:29

Inilisan nida Dan kay ngaran inda angay sa ngaran nida ginurang si Dan, usa sa manga anak ni Hakub.

Talaghusay 20:1

Ti tanan Israilita ginan sa Dan tugka sa Biirsiba hanggan ti ginan sa Gilyad nagtipun sa Mispa, sa atubangan Panginuun.

1 Samwil 30:19

Unman may nadura, anak man ngatay gurangun, lalaki man ngatay babayi, ngatay una hintay sa manga naaghas manga Amalikita. Nabawi di tanan inda ni Dabid.