Gimpuunan 14:10 - Hanunuu

¹⁰ Ti Luung Sidim may imaw mayamu kali bulul-an alkitran. Pagka nalagiw ti hari Suduma hanggan Gumura kaibahan kanda manga tawuhan, ti iba sa kanda nalagpak sa manga kali, ag ti iba nalagiw atabug sa kabantudan.

Gimpuunan 14:10 Iomraidhean Croise

Gimpuunan 11:3

Taynguna, magkun ti manga tawu, “Mamatindug kita usa ka banwa may paminaw-pinawan mata pag bantayaw aput sa langit, hampay bumaliw bantug kita ag balaw mangalat sa buu kalibutan.” Nakan nagbuwat ngani sida manga daga pinaganit, bag-u ipinainit nida inda mayad hampay gumanit gid. Daga pinaganit kanda ginamit sa halip batu. Bag-u alkitran kanda ginamit panpahuput.

Gimpuunan 14:11

Ti tanan kasiyunan Suduma ag Gumura hanggan kanda manga karan-unun tabu bin-ul manga kalaban. Binihag diman nida si Lut kan Abram bapa ag bin-ul kay manga kasiyunan, dahil ati ngani siya pag mag-uli sa Suduma. Igu nab-ul inda manga kalaban, ginminan yi sida.

Gimpuunan 14:17

Pagka nuli yi si Abram, pagkatapus nida taluhun si Kidurlawmir hanggan kay manga kaibahan hari, sinulang siya hari Suduma sa Luung Sabi (pag-ingarnan diman Luung Hari).

Gimpuunan 14:21

Magkun waydi ti hari Suduma sa kan Abram, “Kanmu yi ti tanan nabawi nimu pag kasiyunan niku; ulian lang sa kangku ti tanan niku manga tawuhan.”

Gimpuunan 14:3

Nagkaraminsan inda pag lima ka hari kaibahan kanda manga sundalu ati sa Luung Sidim, taynguna pag-ingarnan Dagat Namatay.

Gimpuunan 14:9

ag naggira sida sa kanda ni Kidurlawmir hari sa Ilam, ni Tidal hari sa Guyim, ni Amrapil hari sa Sinar, hanggan ni Aryuk hari sa Ilasar — lima ka hari laban sa upat ka hari.

Gimpuunan 19:17

Pagka ati yi sida sa luwas banwa, magkun ti anghil, “Palagiw kamu! Danga kamu mag-aliwliw, ngatay magpat-ung una naan atay sa karatagan! Palagiw kamu atabug sa bantud hampay balaw kamu mamatay!”

Gimpuunan 19:30

Dahil nadala si Lut mag-uli sa Suar, napahalin siya hanggan kay duwa ka anak daraga atabug sa bantud, ag ati sida pag nangulian sa lukib.

Kanta 83:10

Nagkaramatay sida sa Indur, kanda manga bangkay nagkararunut ag nagbaliw abunu sa daga.

Isayas 24:18

Ti lumayas dahil sa kadalaan malagpak sa kali, ag masduk ti manga lumuwang siyun. Umuran mabaskug ag matandug kay paratukawan kalibutan.

Hirimyas 48:44

“Una si unu ti malagiw dahil sa dala malagpak sa kali. Ag una si unu ti makaribri sakali mablay sa dit-ag makasulun sa padaya, dahil parusahan gid ungud niku ti Muab sa nakatagka pag udas. Aku, ti Panginuun, ti magsabi inda.

Huswi 8:24

Pagka natabu nida namatay ti tanan taga Hay ti nanlagas sa kanda sa manga katanmanan hanggan pangawakawaan, binmalik sida sa banwa ag minatay diman ti tanan nasawad ati.