Gimpuunan 13:8 - Hanunuu

⁸ Nakan magkun si Abram sa kan Lut, “Kita hanggan kanta manga tawuhan balaw mahimu mag-arawayan, dahil magkatawuhan kita.

Gimpuunan 13:8 Iomraidhean Croise

Gimpuunan 13:9

Ti mayad, manbululagan yi lang kita dahil mayamu waya pag rugar ti mahimu malipatan nita. Kawu ti pagpili nu naan pag parti daga kanmu gustu. Nu tag sa wala kawu, sa sikun aku; nu sa sikun kawu, sa wala waydi aku.”

Gimpuunan 14:14

Pagka nasaydan ni Abram binihag maaw kay bapa, susun niya tinipun kay 318 ka anad gid pag tawuhan, mismu ati pag ainanak sa kay kampu, ag linagas nida ti upat ka hari tugka sa Dan.

Gimpuunan 45:24

Pagka pinaginan yi niya kay manga patar-ari, sinabi niya danga sida magtalaluhan sa dalan.

Gimpuunan 46:34

sabiha niyu magpastur kamu manga hayup ginan di waya sa anak parihu sa kanyu manga gurang, hampay patahanun niya kamu sa Gusin. Dahil magkadaut ti manga Ihipsiyu sa manga magpastur hayup.”

Kanta 133:1

Ga kabitay yi kaayad bantayun nu ti nasakupan Diyus magkabuhi may pagkarausa.

Pag-ighit 2:13

Pagka sa usa ka sirang, nagbalik maan siya ag may nakitan siya duwa ka Hibriyu mag-arawayan. Pinaingana niya ti may salan, “Hayga kanmu pagbakulun kanmu kaparihu Hibriyu?”

Kabagawan 15:1

Ti maalumanay pag sagut makabuul galit, dapat ti masakit pag bagaw lalu ngap ikagalit.

Kabagawan 15:18

Ti ulu mainitun mag-umpisa kaguluhan, dapat ti mapinakumbabaun makahusay sa kaguluhan.

Kabagawan 20:3

Ikadayaw tawu nu mag-aman sa kaguluhan; ti kurang kay intindi lang ti magkaibug sa gulu.

Matiyu 5:9

Papaladan Diyus ti manga tawu madunung magpanab-anan sa mayad pag kasunduan, dahil sida ingarnan gid manga anak Diyus.

Binwat 7:26

Pagka sa usa maan ka sirang nakitan ni Muysis duwa ka Israilita mag-arawayan. Gustu niya husayun sida magkun, ‘Hayga duy kamu mag-arawayan? Parihu kabay kamu Israilita?’

Ruma 12:10

Pagmalahalan kamu ga suud magtar-ari. Nu kabitay ti manga iba kanda pagpahalaga sa kanyu, paglalu waya daka kanyu magpahalga sa kanda.

Pilipus 2:14

Buwata niyu ti tanan pag manga bagay danga sa pilitan ag danga waydi sa barungbadu.

1 Tisalunika 4:9

Unman yi kailangan tudluan waya nimi kamu tungkul sa pagmahal sa manga patar-ari sa Panginuun, dahil tinudluan yi waydi kamu Diyus, hampay kamu magmalahalan sa usa kag sa usa.

Hibriyu 12:14

Tupadun niyu ti kahusayan sa tanan tawu ag pag-ugali kamu sa unman may kasalanan. Ti tawu nu unman mag-ugali sa lubus marapasakup sa Diyus dayu siya kumakit sa Panginuun.

Hibriyu 13:1

Kamu magtar-arian sa kan Kiristu, danga apasan niyu kanyu magmalahalan sa usa kag sa usa.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 2:17

Galangun niyu ti tanan manga tawu, ag mahalun niyu ti manga patar-ari sa kan Kiristu. Pag-ugali kamu maggalang sa Diyus. Galangun diman niyu ti Pangulu Hari.

1 Pidru 3:8

Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

1 Pidru 4:8

Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.

2 Pidru 1:7

ti magpasakup sa Diyus dugangan niyu mapinasunaidun sa patar-ari, ti mapinasunaidun sa patar-ari dugangan maan niyu pagmahal.

1 Huwan 4:7

Manga patar-ari, pagmalahalan duy kita sa usa kag sa usa. Dahil ti pagmahal ginan sa Diyus. Ti tawu nu magmahal, nianak siya Diyus ag nakakilala siya sa Diyus.

Talaghusay 9:26

Sa ati pag udas, si Gaal anak ni Ibid napasalyu sa Sikim kaibahan kay manga patar-ari. Nagsarig sa kanya ti manga taga Sikim.