Gimpuunan 13:16 - Hanunuu

¹⁶ Payamuun niku kanmu linahi ga taypuk sa kalibutan kay kayamu. Ti taypuk dayu mabilang, nakan kanmu linahi balaw diman mabilang.

Gimpuunan 13:16 Iomraidhean Croise

Gimpuunan 15:5

Bag-u dinara siya Panginuun sa luwas ag magkun, “Bantayi nimu ti manga pamgasan sa langit; bilanga nu kaya nimu. Katunda diman kay kayamu kanmu linahi.”

Gimpuunan 16:10

Bag-u magkun waya ti anghil, “Payamuun niku kanmu linahi balaw gid inda mabilang.”

Gimpuunan 17:16

Papaladan niku siya ag pakan-an niku kawu anak sa panab-anan niya. Siya ti ina mayamu nasyun, ag ti iba niya ka linahi bumaliw hari.”

Gimpuunan 17:2

Tupadun niku kang kasunduan sa kanmu; payamuun gid niku kanmu manga linahi.”

Gimpuunan 17:20

Tungkul waydi sa kan Ismail, nasaydan niku kanmu paghagadun para sa kanya. Papaladan niku siya ag pakan-an mayamu linahi. Bumaliw siya ama 12 ka takinan, ag kay manga linahi bumaliw bantug pag tawu.

Gimpuunan 17:6

Payamuun niku kanmu manga linahi ag mamatindug sida manga nasyun, bag-u ti iba sa kanda bumaliw hari.

Gimpuunan 18:18

Pihu gid dumaka ag bumaliw makapangyarihan pag nasyun kay manga linahi aban. Ag sa panab-anan niya, papaladan niku ti tanan nasyun sa kalibutan.

Gimpuunan 21:13

Ag ti tungkul waydi sa kan Ismail, manyamu diman kay linahi ag usa diman sida ka nasyun, dahil anak diman nimu siya.”

Gimpuunan 26:4

Payamuun niku kanmu manga linahi ga pamgasan sa langit kay kayamu, ag ipakaun niku sa kanda inda tanan pag daga. Ag sa panab-anan nida, papaladan niku ti tanan tawu sa kalibutan.

Gimpuunan 28:14

Kanmu manga linahi yumamu ga galbuk sa daga. Man-ngalat sida sa inda pag tuhay-tuhay pag bahagi daga. Sa panab-anan nimu hanggan nimu manga linahi, papaladan niku ti tanan tawu sa kalibutan.

Gimpuunan 28:3

Mana papaladan kawu Diyus Makamaskihan ag pakan-an mayamu pag anak hampay kawu ti bumaliw ama mayamu nasyun.

Gimpuunan 32:12

Dapat nagtaratu kawu sa kangku papaladan nimu aku ag payamuun nimu kang manga linahi ga baras sa baybay dagat dayu mabilang.”

Gimpuunan 32:13

Pagka yabi, ati sida ni Hakub pag naturug. Igu surip, nagpili manga hayup si Hakub kay ipakaun sa kan Isaw:

Gimpuunan 35:11

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 46:3

Pagkatapus, magkun siya, “Aku ti Diyus nimu ama. Danga kawu magkadala mag-atag sa Ihiptu, dahil buwatun niku kamu usa ka bantug pag nasyun ati.

1 Hari 3:8

Taynguna atay aku kaibahan kanmu pinili pag nasakupan balaw mabilang sa kayamuun.

1 Hari 4:20

Ti kayamuan nasakupan Huda ag Israil parihu sa baras sa baybay dagat balaw mabilang. Abunda sida sa karan-unun hanggan sa irinmun, ag masulung sida.

2 Hari 13:23

Dapat kinaawaan ag inalaala sida Panginuun dahil sa kanda kasunduan ni Abraham, ni Isaak, ag ni Hakub. Hanggan taynguna unman niya sida rinuris ngatay pinaighit sa kanda rugar pakarayu sa kay atubangan.

1 Krunika 21:5

Itinultul niya sa kan Dabid ti kayamuan manga lalaki may kakayahan man-gira: 1,100,000 sa Israil ag 470,000 sa Huda.

1 Krunika 27:23

Pagka sininsus ni Dabid ti manga tawu, unman niya ibinilang ti manga unman waya nagkaidad 20 ka timpu, dahil nagtaratu ti Panginuun payamuun gid niya ti manga Israilita parihu sa manga pamgasan sa langit.

2 Krunika 1:9

Nakan taynguna, Panginuun Diyus, tupada duy nimu kanmu taratu sa kang ama, sa kan Dabid, dahil binwat nimu aku hari sa manga tawu parihu sa baras kay kayamu.

Hub 5:25

Yumamu kanmu sinulput ga ilamnun sa daga kay kayamu.

Pag-ighit 1:7

dapat madali nagyamu kanda lahi. Dahil sa masyadu mayamu sida, nas-ub yi harus ti daga Ihiptu.

Pag-ighit 32:13

Alalahana duy nimu kanmu itinaratu sa kanmu manga manugsirbi sa kanda ni Abraham, ni Isaak, ag ni Hakub, kuntay kanmu payamuun kanda linahi parihu kay kayamu sa manga pamgasan sa langit, ag ipakaun nimu sa kanda lahi ti tanan kadagaan kanmu itinaratu sa kanda, bumaliw kanda yi inda hanggan aban.”

Hirimyas 33:22

Payamuun niku ti manga linahi ni Dabid hanggan ti lahi ni Libi parihu sa manga pamgasan sa langit ag baras sa baybay dagat balaw mabilang.”

Bilang 23:10

Unman may bumilang sa linahi ni Hakub sa kanda kayamuun parihu sa galbuk. Pasnuan mana nimu kang kamatayan parihu sa kanda sa manga matadlung.”

Diyuturunumiyu 1:10

Pinayamu kamu Panginuun niyu Diyus. Ag kainda, mayamu yi kamu ga manga pamgasan sa langit.

Hibriyu 11:12

Nakan madi malumuy yi gid si Abraham pag lalaki, may linahi di parihu sa pamgasan sa langit kay kayamu ag unman mabilang ga baras sa dagat.

Ipinakakit 7:9

Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.

Talaghusay 6:3

Nu tig-taranum yi ti manga Israilita, pagsalakayun sida manga Midyanita, Amalikita, ag iba waya manga nasakupan sa butlakan.

Talaghusay 6:5

Magsalakay sida dara kanda manga turda ag manga hayup parihu kay kayamu sa manga apan. Udyi gid mabilang kanda kayamuun hanggan kanda manga kamilyu. Dinaut nida ti rugar manga Israilita.