Gimpuunan 13:13 - Hanunuu

¹³ Ti manga tawu sa Suduma daut gid ag makasalanan. Subra gid kanda kadautan laban sa Panginuun.

Gimpuunan 13:13 Iomraidhean Croise

Gimpuunan 10:9

Mahusay gid siya pag manug-idu sa atubangan Panginuun, nakan may kabagawan magkun, “Parihu kawu sa kan Nimrud mahusay gid pag manug-idu sa atubangan Panginuun.”

Gimpuunan 15:16

Lumawuy dap ti upat ka sinulput bag-u di makabalik sitay kanmu manga linahi, dahil udwaya kang-ud ti kasalanan manga Amuriyu para parusahan sida ag palayasun sa inda pag daga.”

Gimpuunan 18:20

Pagkatapus, magkun ti Panginuun sa kan Abraham, “Mayamu yi ti magriklamu laban sa Suduma ag Gumura, dahil masyadu yi ti kadautan sa tunda pag manga rugar.

Gimpuunan 19:13

dahil wasakun nimi inda pag banwa. Nasaydan Panginuun ti manga riklamu laban sa daut pag manga tawu. Nakan ipinadara niya kami hampay wasakun inda pag banwa.”

Gimpuunan 38:7

Dapat si Ir daut gid sa magbantay Panginuun, nakan minatay siya Panginuun.

Gimpuunan 39:9

Unman yi duy may tumupung sa kangku sa inda pag magtal-anakan. Ikinatiwala niya sa kangku ti tanan purya lang sa kanmu dahil asawa niya kawu. Nakan balaw duy niku mabuwat tunda sa kang amu ag magkasala sa Diyus.”

Gimpuunan 6:11

Sa magbantay Diyus, daut gid ti manga tawu ag kanda kadautan talaptap sa kalibutan.

2 Hari 21:6

Isinagda niya kay sadili pag anak sa apuy. Binwat diman niya ti manga pagbuwatun manga panhirian hanggan manga manugpintu, ag nagpaingana siya sa manga pandaniwan maghampang sa karadwa manga namatay. Subra gid kay kasalanan sa Panginuun, pag-ikagalit inda Panginuun.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Hirimyas 23:14

Dapat nakitan diman niku mas daut waya ti pagbuwatun manga purupita sa Hirusalim, dahil magpanguragin sida ag magpudil waya. Pagpabisugun nida ti nalub-anan manga daut pag tawu hampay bumuwat waya kadautan, nakan udyi sida magpatlikud sa kanda kadautan. Ti manga taga Hirusalim parihu kay ka daut sa manga taga Suduma ag Gumura.

Hirimyas 23:24

Una si unu unman may makapatagu sa kangku una naan pag lihim rugar mag-akitan di niku. Balaw aw alam niyu kuntay aku ati sa langit, asan sa daga ag una naan? Aku, ti Panginuun, ti magsabi inda.

Bilang 32:23

“Dapat nu balaw katida kanyu buwatun, magkasala kamu sa Panginuun, ag pihu gid bayadan niyu kanyu kasalanan.

Matiyu 9:10

Pagka sa kan Matiyu balay si Hisus hanggan kay manga tuludluan magkaun, linmuwang diman ti mayamu pag manga manunukut buhis hanggan ti manga makasalanan, nagsaru sa karan-an.

Matiyu 9:13

Paglakaw yi kamu, isipun niyu inda kay pagkumnun Diyus, ‘Kang gustu pagmaawaun kamu ag balaw kanyu handug.’ Nagsitay aku hampay butungun ti manga makasalanan, balaw ti manga matadlung.”

Huwan 9:24

Bin-ul maan nida kadwa ginan ti tawu buta kaybi. Bag-u sinabi nida sa kanya magkun, “Sabiha yi nimu ti katutuuhanan sa atubangan Diyus. Alam gid nimi makasalanan tunda pag tawu ti nagpaayad sa kanmu.”

Huwan 9:31

Alam nita ti Diyus unman magpatingi sa tawu nu siya makasalanan. Dapat nu ti tawu magsamba sa Diyus ag magtupad sa kay kagustuhan, pihu gid patingihan Diyus.

Ruma 1:27

Tinayakan diman manga lalaki ti natural pag malahalan sa lalaki tag sa babayi, inmamat ngap kanda mayagting pag kagustuhan naisipan sa usa kag sa usa. Magbuwat mahalay ti manga lalaki sa kay kaparihu lalaki. Nakan ngani ti kada usa sa kanda parusahan Diyus angay sa kanda buwat kasalanan.

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.

2 Pidru 2:10

Lalu gid parusahan aban ti manga mag-ugali angay lang sa sadili nida kagustuhan sa daut pag naisipan hanggan sa mahalay ag unman madunung magpanagunsirung sa may kangaranan. Manga paranghasin tunda pag manga pudilun pag manga manugtudlu, manga palabi-labihun. Unman paggalangun nida ti manga makapangyarihan sa langit, bagkus ngap kanda paglibakun.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.

1 Samwil 15:18

Ag ipinadara niya kawu sa usa ka buruwatun. Magkun siya, ‘Rurisa lubus ti manga Amalikita, ti daut pag nasakupan. Lumaban kawu sa kanda tugka sa matabu sida mamatay.’

1 Samwil 2:17

Tunda pag kasalanan manga anak ni Ili tutuu gid ungud daka sa kay magbantay Panginuun, dahil unman nida paggalangun ti handug para sa Panginuun.